Psalm 31
Ipuroibu thajabagi Laison
31 He Ishor, thijari nanaina changjapham Ibungoda, nanaibu latnaba toubiganu. Ibungodi asengba Mapuduni, maramsina nanaibu kanbinaba haijari.
2 Nanaina haijaba tabiduna kanbiro nanaibu, Nanaigi thupphamdu Ibungoda oihanbiyu, nanaibu kanbinaba lanbansu Ibungona oibiyu.
3 Ibungona nanaigi changjapham amadi kanbiba Mapuduni, Ibungona mamangda takpikhibagumna nanaibu lamjingbiyu.
4 Nanaibu thunaba thakliba langdudagi kanbiyu nanaibu. Khudongthibadudagi nanaibu kanbiyu.
5 Ibungogi nungsi thoujanda nanaibu thambiyu he Ishor-, Ibungona nanaibu kanbigani, Ibungodi hongba naidaba Mapuduni.
6 Laimang khurumlibasingdubu Ibungona tukkachei, adubu nanaidi Ibungoda thajei.
7 Ibungogi hongba naidraba nungsibaduna maram oiduna nanaigi haraoba mapan naidre. Nanaigi awaba Ibungona khangbi, nanaigi nungngaitaba Ibungona ubi.
8 Yeknabasingna nanaibu ngamhanbide, nanaina chatningba maphamda Ibungona chingbiri.
9 Hey lainingtho, nanaida thoujan utpiyu, nanaigi thawai hakchang awabana irei chelle.
10 Nanaigi punsisi awaba kongaini, chahicha kaya wana lenkhrabani.
11 Yeknabasing amadi yumlonnabasingna phaoba eibu thina toui, marupsingna eibu ubada kiba pokle, lambel lamkhangda eibu ubasingduna eingondagi thapna chenthok-i.
12 Sikhraba mibu kaobagumna eibu kaokhre, eihak langseklaba ama oire.
13 Mi kayana touri chiron aduga madu eina tari, makhoi mannaraga eigi mayokta phatta thousil chatthari, makhoina eigi thawai louge ningli.
14 He Ishor, nanaidi Ibungoda thajei, Ibungona nanaigi ipuroini,
15 Nanaibu Ibungona senbiribani, maramsina nanaigi yeknabasing amadi eibu thina toubasinggi makhuttagi kanbiyu.
16 Nanaibu thoujalgi mityengna yengbiyu, Ibungogi hongba naidraba nungsibaduna nanaibu konsinbiyu.
17 He Ishor, nanaina Ibungoda changjari, nanaibu ikaihanbiganu. Phattabasingdu ikaiba nanghanbiba yai aduga makhoibu asithenda kumhanbikhibasu yai.
18 Achumbasinggi mathakta phattaba ngangba, napan amadi akiba leitana minamlibasingdu tumin leihanbiyu.
19 Ibungobu ikai khumjabasingdugi maphamda Ibungona kayagi matik thoujan utpiba, mishingna Ibungogi matik mayaidu khangi, Ibungobu thajaba mishingdubu kayagi matik cheksinna thambiba.
20 Ibungona makhoibu yeknabasinggi makhuttagi mathanungda lotpi, makhoigi yeknabasingna noknabadudagi kanbi.
21 Ishor-bu thagatlu, Ibungona eibu kayagi matik luna touriba, eibu laksingadoubagi koisinkhraba Ibungona ngakthokpi.
22 Ibungona eibu khonggaonabire khallammi eina, adubu eibu tengbangbinaba haijaba matamda Ibungona eigi khonjeldu tabikhi. 23 Ibungogi thajaba manaising Ishor-bu khurumjou, Ibungobu thajabasingdubu ngakpi senbibani aduga napan toubadubu Ibungona cheirak pibani.
24 Ishor-bu ngaiduna leiribasing, thamoi pikkanu aduga nathouna utlu.