Revelation 20

Chahi lishing amagi damak Satanbu punduna thamba

1 Amasung makha naaidaba kom adugi sho amasung yotlhing phalang achouba makhutta paairiba swargadut amanaa swargadagi kumthaarakpa eina ure.

2 Aduga mahaakna chinglai, lil hanuba, diyaabol amasung Satan oiba adubu pharaga, chahi lishing amagi damak maabu punduna,

3 Makha naaidaba kom manungda hunjille, aduga chahi lishing amaa adu loidriba phaaoba manaa Jaatshingbu amuk haanna minamdananaba sho londuna maagi mathakta seal namle. Asigi matungda maabu matam kharagi damak thadopka taay.

4 Amasung phambol mayaam eina ure, aduga madugi mathakta phambashingda waayen-gi matik pibire. Amasung Jesusgi saakhigi aduga Eeshorgi waagi damak makok kakthatkhibashinggi, amasung shaa adubu nattraga maagi murtibu khurumdaba aduga makhoygi maraibakta amasung makhutta khudam adu phangdaba makhoy asigumbashinggi mathawaaybu eina ure; aduga makhoyna hinglaaktuna, Christaga loynanaa chahi lishing amaa panminnare. 

5 Ashibashinggi leihoubashingna chahi lishing amaa adu loidriba phaaoba hinggatte. Asi ahaanba hinggatpa aduni.

6 Ahaanba hinggatpa aduda sharuk phangba mahaak adu yaaiphaba amasung ashengbani; mathakta anishuba shibagi matik leite; adubu makhoydi Eeshorgi amasung Christagi purohit shing oigani, amasung ebungngoga loynanaa chahi lishing amaa panminnagani.

Satanbu thaadokpa amasung aroiba aura anang

7 Amasung chahi lishing amaa adu loirabada, Satanbu maagi keishumshangdagi thaadokkani,

8 Aduga Prithibigi chithek marida leiriba Jaatshing, Gog amasung Magogpu minamnanaba amasung laanda makhoybu khomjinnanaba thoklakkani; makhoygi mashingdi samudragi leingoigum yaammi.

9 Amasung makhoyna prithibi pumbada thoklaklaga, ashengba shinggi tenggol amasung nungshiraba saahargi akoybada koisille; aduga atiyaadagi mei kumtharaktuna, makhoybu chakthokle.

10 Amasung makhoybu minamba diyaabol adubu, shaa adunasu Eeshorgi waa takthokshinnaba adunasu leiba, mei amasung gandupki pat adugi manungda hunjille, aduga makhoybu loyba naaidana ahing nungthil waahan-gani.

Aashibashingna hinggatpa amasung akonba waayel

11 Amasung phambaal achouba angouba amaa amasung madugi mathakta phamliba ebungngo mahaakpu eina ure; ebungngo mahaakki maangdagi prithibina amasung atiyaana chenthokle, aduga makhoygi damak mapham phangdre.

12 Amasung ashibashing, achoubasu apikpasu, phambaal adugi maangda lepliba eina ure; aduga laairik mayaam haangdokle, Amasung alaairik atei amaa, hingbagi oiba adu, haangdokle. Aduga ashibashingbu makhoygi thabak matung ennaa laairik laairikta esinkhiba adudagi waayenle.

13 Amasung samudrana maagi manungda leiriba ashibashingbu pithokle, aduga shibaga khamnung leibaakkana makhoyda leiramba ashibashingbu pithokle, amasung makhoygi mi khudingbu makhoygi thabak matung ennaa waayenle.

14 Amasung shibaga khamnung leibaakkabu meigi pat manungda hunjille. Asi, haaybadi meigipat, anishuba shiba aduni.

15 Aduga hingbagi laairik manungda esinba phangdaba kanaagumba mi leiramlabadi maabu meigi pat manung aduda hunjille.