Hosea 10
1 Amunba mahei paallaba angur paambigumle Israelse, mahei henna pallaga manaa phaankhong mashing henna shaaba houwi.
mahaakki leibaak chaaokhatpa hellaga manaa ashengba yumbi henna shaagatli.
2 Makhoygi thamoi shengdre, maramsina makhoy paapki potlum pugani. Eeshorna makhoygi phaankhong amadi yumbishing thudekkani.
3 Makhona thouna phana haaygani, eikhoygi ningthou leitre, eikhoy Eeshorbusu kidre, ah, ningthounasu eikhoygidamak kari touba ngamgani?
4 Makhoyna arembada waa yaamna ngaang-e, aduga chumdaba waashak shaktuna aremba waashak loujaba shai. Loubukki lourokta mahu paanba naapi hourakpagumna dandagi numittu laakle.
5 Bethavenda leiba sannaao maanba laaidu yengbada Samariagi mishingna kiba pok-e haayriba sannaao laisi marai chaithaarakpada, maasibu ningba mishingna kapkani, aduga purohit shingnasu masigidamak tengtha naoigani.
6 Haayriba pottumak Syriada pukhiduna achouba ningthou amada manaa oinaa pithokhragadabani. Ephraim ekaaiba nanggani aduga Israelsu laai murti latpa maramna mamaay phiruk khumgani.
7 Laaija eeshingda taoba uchetkumna Samariagi ningthou marai chaitharagani.
8 Avengi laimang ningpham amadi Israelgi paap pumnamak tumna maanghallagani. Amakhoygi phaankhonggi akoybada tinkhang houraklagani, makhoyna chingshaangshingda kupsannaba haayjagani, eikhoygi ethakta taraklo haayna chingdumshingdasu haaygani.
Israelgi mathakta awaapham taahanba
9 Gibeahda thokkhiba numittudagi houna he Israel, nakhoyna paap touraklabani. Maphamduda makhoy houjik phaaoba touri, maramsina laan houraktuna Gibeahda leiribashingu laakhatloidra?
10 Laan houba kaangbugi mayokta dandi pinaba eihaak laaklabani, jaat ayaamba makhoygi mayokta lepkani, anirak haanna paap touba maramna makhoybu dandi pigani.
11 Israel tambiraba sangai olle, masina mahei marong neikhaaiba paammi. Adu phaaoba eina maagi phajaba mangaktu thudekpidribani. Houjikti eina Israelgi mangaakta popu thanghallagani, Judahsu sanpot khoihan-gani, Jacobnasu mashagidamak yotlam chatkani.
12 Nashaagidamak yengduna achumbada maru hunjou, adu oirabadi chetna channa nungshibagi maheidu phangba ngamgani. Nakhoygi amotpa thamoidu thugaaykhre, maramdi Eeshorbu thijaba matam youre, adu oirabadi mahaakna lengshinbiraktuna aran khubham nongchubagi matougumna pibigani.
13 Nakhoyna paap toukhre, maramsina nakhoy phattaba mahei phangle, minamba ngaangbagi maheikhakta nakhoyna chakhri, pumnamaksi ateina natte nakhoyna dolai amadi nakhoygi laanmi mashingda thaajabadagini.
14 Nakhoygi mishinggi mayokta laanmi kholaao laaogani, masina nakhoygi laanban pumnamakpusu maanghankhrani. Laan touba numitta Solomonna Betharbelbu haatkhibagumna, mamaa oibishing machaashingga loynanaa tannaduna haatkani.
15 He Israelgi emung manung nakhoyna haayningngai leitana paap touba maramna, masimak nakhoygi naphamdasu oigadouribani. Ngong nganba soidabagum Israelgi ningthou maanghankhragani.