Matthew 12

Potthaaba numit ngaakpa

( Mark 2.23-28; Luke 6.1-5 )

1 Matam aduda Jesusna potthaaba numitta louyaaida kumlak-e, amasung ebungngogi sebokshingna chaak laamladuna, gehu chaarong hektuna chaaba hourakle.

2 Touegumsung pharisi shingna uradauna ebungngoda haay, yeng-u, nahaakki sebokshingna potthaaba numitta touba hounadaba thabak adu touwi.

3 Maduda Jesusna makhoyda haayrak-e, Davidna, mahaak amasung mahaakka loynabashingna laamlaba matamda kari toukhiba,

4 Haaybadi, mahaakna Eeshorgi sangda matou karamna changduna, purohit shingtana chaaba yaaba aduga mahaak amasung mahaakka loynabashingna chaaba yaadaba auttal adu makhoyna chaakhibage, haayba adu nakhoyna paadabra?

5 Adu nattraga potthaaba numitta purohit shingna Ningnashangda potthaaba numit adubu thugaayrabasu maraal leite haayba asi nakhoyna waayel yaathang aduda paadabra?

6 Touegumsung eina nakhoyda haayribani, mapham asida Ningnashangdagi henna chaaoba amaa lei.

7 Adubu eina nungshiheibabu paammi, eeratpotpu paamde, haayba asi kari haayribano nakhoyna khanglamlabadi, maraal leitbashingbu laalhallammoidabani.

8 Maramdi migi machaanupa adu potthaaba numitki mapuni.

Makhut naamma shithaba mi amabu phahanbiba

( Mark 3.1-6; Luke 6.6-11 )

9 Amasung Ebungngona mapham adudagi laaktuna makhoygi loysangda changshinkhi.

10 Amasung yeng-u, makhut naamma shithaba mi amaa leirammi, aduga makhoyna ebungngobu maraal piba yaana-naba, potthaaba numitta phahanba hounabra, haayna ebungngoda hangjarammi.

11 Amasung Jesusna makhoyda haayrak-e, nakhoygi naraktagi kanaagumbagi yaao amaa leijaba adu potthaaba numitta komda taarabadi, mahaakna madubu paayduna loukhatloidra?

12 Adu oirabadi, mina yaaodagi kayaada mamal helliba! maram aduna potthaaba numitta aphaba touba hounei.

13 Matam aduda Ebungngona mi aduda, nanggi nakhut tingthok-u, haay; aduda mahaakna tingthoklak-e, amasung madu atoppa amaa adugumna pungpha phaare.

14touegumsung pharisi shing aduna thokkhiduna, ebungngobu karamna maanghansige haayna waa taanarammi.

15 Amasung Jesusna khangladuna mapham adudagi chatthokkhre. Amasung ayaamba mina ebungngogi tung enjariki, aduga Ebungngona makhoy pumnamakpu anaaba phahanbirammi;

16 Amasung eibu mida khanghan-ganu haayduna Ebungngona akanba yaathang makhoyda pire.

17 Maasidi Eeshorgi waa taakthokpa Isaiahbu haayhankhiba adu thungna-nabani, madudi:

18 Yeng-u, eina khallaba enaai, eigi thawaayna yaamna pellaba, eigi achaanba; maangonda eina eigi thawaay haappigani; amasung mahaakna atoppa Jaatshingda achumba waayel phongdokpigani.

19 Mahaakna angamsu taalloi, laaosu laaoroi; aduga kanaanasu lambi lambida mahaakki khonjen taaroi.

20 Ngamnanaba achumba waayenbu chat-handriba phaaoba,mahaakna akaaiba shingut thudekloi amasung meikhu chenba leemon muthatloi;

21 Aduga mahaakki mamingda atoppa Jaatshingna khouraangna ninggani.

Jesusdi Satan-gi pang-bibana thabak touribani haaybada Jesusna khumbaa

( Mark 3.20-30; Luke 11.14-23; 12.10 )

22 Matam aduda ebungngoda bhutna puba, mittaangba amasung marol thoktaba mi amabu purakle, amasung Ebungngona maabu phahanbire; aduda marol thoktaba aduna thokle amasung ujare.

23 Maduda miyaam pumnamakna engak ngakladuna haayrak-e, maasibu Davidki machaanupa adura?

24 Touegumsung pharisi shingna maasi taabada haayrak-e, bhut shinggi mapu Beelzebulgi mapaan nattana, mi asina bhut shingbu taanthokpa natte.

25 Amasung Ebungngona makhoygi waakhal adu khangladuna makhoyda haayrak-e, ningthou leibaak khudingmakna mashaagi manungda naakpaak taajarabada amaangba thoklei; amasung saahar nattraga emung manung khudingmakna mashaagi manungda naakpaak taajarabada panduna leiroi.

26 Amasung Satanna Satanbu taanthoklabadi, mahaakna mashaagi manungda naakpaak taajare. Adu oirabadi, mahaakki leibaak adu karamna paangadage?

27 Amasung eina Beelzebulgi matengna bhut shingbu taanthoklabadi, nakhoygi nachaa-nupaashingna kanaagi matengna makhoybu taanthokpage? maram asina makhoyna nakhoygi waayel mapu oigani.

28 Touigumbisung eina Eeshorgi thawaaygi mapaanna bhut shingbu taanthoklaba, adu oirabadi Eeshorgi leibaak nakhoyda laaklabani.

29 Adu nattraga kanaagumbana akanba mi amagi mayumda changlaga maabu haanna pundana maagi mapot machei adu karamna munba ngamgadage? Pullabatada maagi yum adu lut tougani.

30 Eigaa loinadaba mahaak aduna eigi yeknabani, amasung eigaa khomjinminnadaba mahaak aduna chaai-khaay.

31 Maram asina eina nakhoyda haayribani, mishinggi paap amasung thina ngaangba khudingmakpu kokpigani, adubu thawaaybu thina ngaangbadi kokpiroi.

32 Amasung migi machaanupa adugi mathakta waa ngaangba kanaagumba adubu kokpigani; touegumsung thawaay ashengbagi mathakta ngaangba kanaagumba adubudi taaibang paanba asidasu laakkadaba adudasu kokpiroi.

33 Upaambi amasung maagi maheisu aphaba oihallu, nattraga upaambi amasung maagi maheisu phattaba oihallu; maramdi uheidagi upaambi adu khang-e,

34 He lin-gi dhaaraasa, nakhoyna phatti phattana karamna aphaba ngaangba ngambage? maramdi pukningda leiba ayaamba adudagi chinna ngaangthok-e,

35 Aphaba mina aphaba pukkeidagi aphaba potshing puthok-e, amasung phattaba mina phattaba pukkeidagi phattaba potshing puthok-e.

36 Amasung eina nakhoyda haayribani, mishingna ngaanggadaba waarem khudingmakki maram waayen-gi numitta pigadabani.

37 Maramdi nanggi waaheishingdagi nangbu chummi haayna, amasung nanggi waaheishingdagi nangbu laalli haayna shingthaanagani.

Khudam nijaba adu Ebungngona yaabidaba

( Mark 8.11,12; Luke 11.29-32 )

38 Matam aduda shaastragi ojaashing amasung pharisi shing kharana, oja, eikhoyna nangondagi khudam amaa ujaning-e, haayna haayrak-e.

39 Touegumsung Ebungngona makhoyda khumlak-e, phattaba amasung nupi laannaba mironna khudam thi, amasung Eeshorgi waa taakthokpa Jonahgi khudam nattana khudam amatta maduda piraroi.

40 Maramdi Jonahna ahing nungthil numit humni achouba ngaagi mapuk manungda leiramba adugumna migi machaanupa adunasu ahing nungthil numit humni leibaakki mapuk manungda leigani.

41 Ninevehgi mishingna waayen-gi matamda miron asiga loynanaa lepkhatlaktuna madubu araanbani haayna utkani; maramdi Jonahna paao shaandokpada makhoyna pukning honglammi, amasung yeng-u, asida Jonahdagi henna chaaoba amaa lei.

42 Makhaaromgi ranina waayen-gi matamda miron asiga loynanaa hougatlaktuna, madubu araanbani haayna utkani; maramdi mahaakna Prithibigi ngamkheidagi Solomon-gi loushing taage haayna laaklammi; amasung yeng-u, asida Solomondagi henna chaaoba amaa lei.

43 Touegumsung shengdaba thawaayna mi amadagi chatthokpa matamda potthaapham thiduna, eeshing leitba lam lamda koychat chatli, adubu madu phangde.

44 Matung aduda manaa haay, eina thoklakkhiba eeyum aduda ei hanjillage. Amasung manaa laakpada, madu haanglamba, sitoklamba amasung leitenglamba ui.

45 Matam aduda manaa chattuna mahaakmaktagi henna phattaba atei thawaay taretka loynaraktuna, changshinduna maduda lei; amasung mi adugi akonbagi phibam aduna ahaanbadagi henna phatlakte. Phattaba miron asidasu maduga chap maannana thokkani.

Achumba echin-enaao

( Mark 3.31-35; Luke 8.19-21 )

46 Ebungngona miyaam-shing aduda ngaanglingei adumaktada, yeng-u, ebungngogi mamaa amasung manaaoshingna ebungngoda waa haayningduna mapaanda leplammi,

47 Amasung kanaagumba amanaa ebungngoda haayrak-e, yengbiyu, ebungngogi ema amasung enaaoshingna ebungngoda waa haayningduna mapaanda lepli.

48 Touegumsung waa haayrakpa mi aduda Ebungngona khumlak-e, eigi ema kanaano, aduga eigi enaaoshing kanaa kanaano?

49 Amasung Ebungngona mahaakki sebokshinglomda khut tingthoktuna haayrak-e, yeng-u, eigi ema amasung echin-enaaoshing!

50 Maramdi swargada leiba eigi epaagi ningba touba kanaagumba adumakna eigi echin-enaao, echan-eche amasung emaani.