Isaiah 9
Tunggi ningthou
9 Awaba maithong puribasingdumasidagi nanthokpa ngamloi. Houkhiba matamda mahakna Zebulun-gi amadi Naphtaligi lamda mingchat athiba purakkhi. Adu-bu lakkadouriba numitsingda Mediterranean, Jordan amadi Jatsinggi lam oiriba Gileadda yaiphaba purakkani.
2 Amambada khongdariba mishingna ure achouba anganba meiri ama. Amamba leibakta leiribasingdugi mathakta, tare mami anganba meiri amgi.
3 Nahakna jatsingbu mashing hen-gathalle. Ibungona makhoigi nungngaiba hen-gathalli. Makhoina Ibungogi mangda leijabada nungngaijari, lourok thada mishingna nungngaibagum, amadi lan thum yennabada nungngaibagum nungngaijari makhoina.
4 Potlum oiriba potpu, marengbanda yalliba cheisu, ot neibiriba kanagi thouri, Ibungo nahakna Midinisinggi matamda thok-hankhibagumna thugaibire.
5 Lanphamda khongdariba lanmishinggi makhong, eena luplaba phising, khambi meida chakthektuna manggani.
6 Eikhoigi irakta angang ama pokle, eikhoida pinabire angang nupa ama, mahakki makhutta leibak ngaklon leigani, maramsina mahakki mamingdu kouragni. "Angakpa lousing leiba, panggallaba Mapu Ibungo, sinaidaba panthou, ahingba ningthou."
7 Mahakki leibakki chaokhatpa aduga mahakki matamda hen-gatkadaba mara chetpadu nairoi aroiba, Davidna lingkhatlamba singhasan aduga mahakki lomba naidaba leibaktuda hairibasi thokkani. Aduga lengba nairoi. Ngasi oiriba matamsidagi houna aroiba naidaba matamdu phaobada achumba amadi asengbana langjin oigani. Nongthak nongkha anigi Mapu Ibungo Lainingthouna tougadouribani hairiba pumnamaksi.
Ishor-na Jerusalembu warakpa
8 Jacobki mayokta Ishor-na yawa ama laobirakle. Masina Israelda ngallagani.
9 Mi pumnamakna masibu uba phanggani, napan amadi chaothopa pukchelga loinana chilang khrangjariba Ephraim amadi Samariagi mishingsinasu masibu ugani.
10 Makhoina hairi, chekki chekpan ningkhaire, sagatkani eikhoina khaidoklaba nungna. Sycamor kouba udu yalle. Adubu masigi mahutta eikhoina deodar hapkani.
11 Maramsina Ishor-na makhoigi mayokta yeknaba thok-han-gani. Makhoigi yeknabasingdu mahakna insinbigani.
12 Nongpoklomda Syriana, nongchuplomda Philistisingna manghan-gani tumna Israelbu. Maramsina Ibungogi saobadu mei muttri, Ibungomakki khuttu tingthokli houjik phaoba 13 Mishingbu manghanba ngamba Ibungo magi maphamda hande amuk mishingna, thide makhoina nongthak nongkha anigi Mapu Ishor-bu.
14 Maramsina Ishor-na Israelgi makok amadi mamei kakthatli, manghanbi Ibungona koina amadi singmut singnang phaobana nongmagi manungda
15 Ahansing amadi ikai khumnaraba mishingna oiri makok, paotak pibiriba wa takthokpasingna leiri matungda,
16 Mishingsibu chinglibasingduna makhoibu lamangnahalli, makhoina chingduna puribasingdu lammangnei.
17 Maramsina Ishor-na makhoigi naha oiribasinggi mathakta nungngaitre, makhoigi mapa leitaba amadi mapuroiba laitabasingdudasu thoujanbiroi, maramdi mi pumnamak sengde aduga phattaba thabak toubasingni, mi khudingmak oidaba wa ngangi. Hairiba maramsingsina mahakki asaobagi meidu muttri, maramsina tingthokli mahakki khut houjik phaoba.
18 Phattaba haibasi meigi matougumna chakkani, masina napisingna amadi tingkhangbu chathek-i, masina songlaba umang phaoba tumna chakthekpa ngammi, makhoina meikhu oidunna mangi.
19 Nongthak nongkha anigi Mapu Ishor-na saobadutana malemsi tumna mangi, mishingsi meida chaklibasinggi matougummi, mi kananasu machin manaosingbu lemna thade,
20 Makhoina yetlomda chatlabasu khourangbadudi kokpa leite, makhoina oiromda neikhairurabasu penbadi leite, mi pumnamakna magi magi yumlonnabasingbu manghalli.
21 Manassehna Ephraimbu, Ephraimna Manassehbu manghalli, makhoina punsillaga Judahgi mayokta leiri, hairiba maramsingsina Ibungogi asaoba meidu muttri, Tingthokli Ibungogi khuttu houjik phaoba.