Exodus 38
Meigi thou tounaba phankhong
(Khong 27:1-3)
38 Bezalelna chinggonglei pambina meida thaduna tounaba thougi phankhong ama sarammi. Mayung amadi marak khudup manga manga oirammi. Marakmayung chap mannarammi. Masigi awangba khudup ahum oirammi. 2 Masigi kachin mariduda machi amamam thinggathallammi. Masaduga machiduga amatta oirammi. Aduga masibu pithraina yomlammi. Phankhongduda thamnanaba patrasing chaphu yotpak, khudeng, chegap amadi khang amadi meitan hapnabanachingbadu pithraina sakhi. 4 Phankhongduda hapnaba pithraina lang ama sarammi. Masi mapandagi tangkhai amarom chonthahallammi. 5 Kachin marida macheisingdu thingjinnaba pithraina kochi semlammi. 6 Macheisingdu mahakna chinggonglei pambidagi semlammi. Masibu sanana yomsinlammi. 7 Puba matamda sijinnanaba haiduna macheisingdu kochida thingjillammi. Mahakna masibu hanghallammi.
Irujanaba Khudeng
(Khong 30:10)
8 Bezalelna Pithraigi khudeng ama sarammi. Masigi maningdusu pithraina sarammi. Hairibasi mahakna mitinshang pannariba nupiduna katpa thongnaoda haplamba pithraiduna semkhibani.
Sang khajinba
(Khong 27:9-19)
9 Bezalelna sumang matek ama haptokrammi. Hairiba sumangsigi kha thangbada ananba limonna saba khudup chamma sangba yanthanaba phishang ama semlammi. 10 Masibu punba yumbi kunga phambak kungasu sarammi. Adubu yumbisingduda palliba kochi amadi marisingdu lupana sarammi. 11 Masiga chap mannana awangthangba maikeidasu phishang ama khangadabani. Masibu punnaba yumbi kunga phambak kungasu semlammi. Hairibasi pithraina sarammi. Yumbisingda hapkadouriba kochi amadi marisingdu lupana sarammi. 12 Nongchuplomda leigadouriba sumangdugi akoibada khudup chama sangba phishang ama khallammi. Masi punba yumbi taraga phambak taraga semlammi. Masida palliba kochi amadi marisingdu lupana sarammi. 13 Nongpoklomda inthokkadouriba sumangduna khudup yangkhei sanggadabani. 14 Sankhongda panggadouriba phishangduna khudup tara sanglammi. Masibu punba yumbi ahumga phambak ahumgasu semlammi. 15 Atoppa nakan maromdasu phishangdu khudup taramanga sanghallammi. Masibu punba yumbi ahumga phambak ahumga sarammi. 16 Sumangda pangadouriba phishangsingdu ananba limondagi sarammi. 17 Yumbisingdugi phambaktu pithraina sarammi. Yumbisingda palliba kochising amadi Marisingdu lupana sarammi. Makokta toplibasingdu lupana semlammi. Sumangda yungliba yumbisingdu lupana mari chinglammi. 18 Sumanggi thongda pangadouriba Phishangdu mureinaba, angangba, ngangleinaba ananba limonna khut changna sarammi. Masi mayungda khudup kun aduga marakta khudup manga oirammi. Sumangda yalliba phishangsingduga amatta oina urammi. 19 Masibu punba makong mari leirammi. Masigi phambaksingdu pithraina sarammi. Masida palliba kochisingdu lupana sarammi. Aduga masigi matonda topliba makok amadi maridusu lupana sarammi. Khubhamgi amadi sumangda pot yannaba semlibadu pithraina saba oirammi.
Mamal yamba nung sijnnaba
21 Purohit Aaron-gi machanupa Ithamargi makhada Levisingna tougadouba thabaksinggi matangda Mosesna pikhiba yathang matung inna makhoina msing thibada phangkhiba matik mayai leiraba khubhamdugidamak semkhiba potsingdu mathakta pikhribasingsini. 22 Ishor-na Mosesda yathang pikhiba matung inna Judahgi salaida pokpa Hurgi machanupa Urina pokpa Bezalelna sakhiba potsingni. 23 Mahakka loinana Dan-gi salaida pokpa Ahisamakki machanupa Oholiab yaokhi. Mahak mureinaba, angangba, ngangleinaba amadi ananba limonna phi mayek yamna thokpa heiba nupa ama oirammi.
24 Ningnashang semgatpada makhoina sijinnakhiba mishingna katlakpa sanadu ningnashanggi khan-gi matung inna talent kunmapalga shekel chatretka kunthra surammi. 25 Miyamna mashing punna katlakpa lupagi changda ningnashanggi khan-gi matung inna talent chammaga shekel lishing amaga chatret humphutaramanga surammi. 26 Ningnashanggi khan-gi matung inna mipum tingna shekel amagi tangkhai beka amamam pirammi. Chahi kun-gi mathak makhei louraga mikok thibada maming chankhrabasingdu lakh tarukka lishing ahum chamanga oirammi. 27 Ningnashanggi yumpham amadi phishanggi phambak sembatada lupa talent chamma sijinnakhi. Phambak amamamda talent amamamgi changda phambak chamma sakhi. 28 Yumbida hapnaba kochisingdu sembada lupa talent lishing amaga chatret humphutaramanga changkhi. Hairibasigi manungdagi Bezalelna makoknachingbadasu topnakhi. Marisu chingkhi. 29 Miyamna katlakpa pithraigi changdu talent humphutaraga shekel lishing ani chamari oirammi. 30 Masina mahakna mitinshanggi thonggi thongba, pithraina saba phankhong, prithaina thabakkhang, aduga phankhongduda sijinnanaba patrasing, sakhi. 31 Hairiba pithraigi changsidagi mahakna sumanggi akoibada yumpham, sumangda palliba