2 Chronicles 34
Judahgi ningthou Josiah
(2 Ning 22.1–2)
34 Josiahna ningthou oiba matamda chahi nipal khakta surammi. Mahak Jerusalemda chahi kunmathoi pankhi. 2 Mahak Ishor-gi mityengda aphaba thabakngakta toukhi. mahakki mabudhou Davidna toukhiba aphaba thabak pumnamak mahakna toukhi. Mahak mapukning hongkhide.
Josiahna laimang khurumba tokhanba
3 Mahakna ningthou oiba nipalsuba chahi thoidokna naha oiringeiduda Ishor-bu thijaba houkhi. Chahi taranithoisuba matamda Judah amadi Jerusalemda leiriba asengba mapham-singdu muthatpa hourammi. Leibakna saba Asherah amadi yotna saba lai murtising thugaikhi. 4 Miyamna mahakki mangda Baalgi murtidu thugairammi. Hairiba laisingsigi phankhongda thallamba thaomeigi maphamsingdu thugaikhi. Pumnamaksi makhoisingsibu ninglamba mishinggi mangda uphul tahankhi. 5 Hairiba laisingsigi purohitsinggi sarudu louduna thou toukhi. Judah amadi Jerusalemsi mathak makha onkhi. 6 Manasseh, Ephraim amadi Simeon-gi saharsingda aduga Naphtalida leiriba 7 Phankhongsingdu manghankhi. Asherah amadi atei lai murtisingdu uphul tahankhi. Israelgi maphamsingda latnariba phankhongsingdu thiduna thugaikhi. Masi loiraba matungda Jerusalemda amuk hallakkhi.
Mosesna piramba puya phangba
(2 Ning 22.3–20)
8 Mahakna panba taranipalsuba chahida leibak sinbathungna amadi yum khuding changduna thiba matamda Azariahgi machanupa Shaphan, sahar ngakliba Maaseiah, lairik laisu pansinbagi thabak touriba Joahazgi machanupa Joahbu Mapu Ibungogi ningnashangdu semjinnaba thamlammi. 9 Mahoina purohitlen Hilkiahgi maphamda lakkhi. Sennabagi thabak touriba Levisingduna khomliba peishasingdu purohitlen Hilkiahda pisillami. (Hairibasi Manasseh, Ephraim amadi awangda tariba jatsingdagi khom-khiba peisani. Judah amadi Jerusalem aduga Benjamindagisu khomkhi. 10 Hairiba peisasi ningnashang sembada thabak puriba nupa ahumduda sinnakhi aduga makhoina peisadu 11 Usubasingda sinnakhi. Judahgi ningthouna semjindabadagi mangtharaklaba ningnashangdu semjinnba haiduna makhoina nung amadi unachingba leinakhi. 12 Mishingduna thabaktu yamna phajana tourammi. Makhoigi marakta Levisinggi maraktagi Jahath, Obadiah Merarigi machasinggi maraktagi khara ama aduga Zechariah amadi Meshullam Kohathtisinggi machasinggi maraktagi khara ama thabaksingdu yengsinnaba haplammi. Jantra paibada heisinglaba Levisingduna 13 Potlum puribasingdubu pannarammi. Makhoina thabak suriba mishingdubu sennarammi. Levi kharana lairiksindokpa aduga kharana phamnaiba amadi thongsangbasing oirammi.
14 Ishor-gi ningnashangda thamliba peisadu puthorakpa matamda purohitlen Hilkiahna Mosesgi makhutta pinabikhiba Ishor-gi yathang iba puyadu phanglammi. 15 Hilkiahna secretary Shaphanda hairammi, ”Ishor-gi ningnashangdagi eina puyadu phangle." Masi hairaduna Hilkiahna Shaphanda lairiktu pirammi. 16 Shaphanna lairiksingdu ningthougi maphamda pura klammi. Mahakna ningthouda hairammi, "Ibungona nanaisingda thoudakhiba thabaksingdu phajana pangthokli. 17 Ishor-gi ningnashangda peiduna thamliba peisadu loikhre. Thabak subasing amadi pannaribasingduda peisadu sinnakhi. 18 Mahakna makha tana hairammi: Purohit Hilkiahna eingonda lairik ama pirammi. Shaphanna madu ningthougi mangda pakhi. 19 Ningthouna puyadu taba matamda maphi segaiduna awaba phongdokkhi. 20 Ningthouna Hilkiah, Shaphan-gi machanupa Ahikam, Micahgi machanupa Abdon, secretary Shaphan, amadi ningthougi phamnaiba Asaiahbu kouraduna hairak-i. 21 "Ishor-dagi eigidamak laibao loubiyu. Judah amadi Israelgi mishinggidamaksu phanglakliba lairiksina kari mahei purakkani haibadu khangpham thok-i. Ishor-na saoraklabadi hingpham leite aduga eikhoigi ipa ipusingna Ishor-gi waheisingdu inkhide. Makhoina lairiksida iriba pumnamaksi toukhide.
22 Ningthougi yathang matung inna Hilkiah amadi atei mishingna phi thamnaba upu sennariba Hasrahgi machanupa Tokhathki machanupa Shallumgi nupi Huldahda laktuna laibao tarammi. Matam-sida mahak Jerusalemda leirammi. 23 Mahakna makhoida hairammi, " Israelgi Mapu Ibungo Ishor-na asumna takpiri: Nakhoibu laibaosi tarunaba tharakliba nupaduda asumna tammu:24 Ishor-na asumna takpiri: Judahgi ningthougi mangda pakhiba lairiktuda yaoriba awa ana pumnamak leibaksida leiriba mishinggi mathakta tahan-gani. 25 Makhoina eibu thadoktuna atoppa laisingbu nijari. Makhoina touriba thabaksingduna eibu saohalle maramsina lamduda awabasi tahan-gani. 26 Nakhoibu laibao tarunaba tharakpa Judahgi ningthouda asumna tamgadabani: Ngasigi laibaosimak thokkani. 27 Nahakki thamoida napan lei aduga wasi khanglabada napukning hongli. Masi khanglaba matamdata naphi segaiduna kapli. Nakhoina haijaribadu Eina tare. 28 Eina nakhoida pigadouba dandidi sibani. Nakhoina siraba matungda nungngaiba phanggani. Matam-duda lamsida leiriba mishinggi mathakta awaba tabadu nakhoina uroi. " Makhoina laibaosi ningthouda tamkhi.
Josiahna haiba ingage haina yaba
(2 Cori 23.1–20)
29 Ningthouna waphamsi tabada Judah amadi Jerusalemgi ahansing khomlammi. 30 Ningthouga loinana Jerusalemgi mishing, purohitsing, Levising, achou apik amatta khaktana Ishor-gi ningnashangduda chatlammi. Ningnashangduda Ishor-gi Lairiktagi areppa wasak ngakpagi matangdu paraga tarammi. 31 Ningthou phambaldagi hougattuna Ishor-gi mangda areppa wasak ama lourammi. Ningthouna haikhi: Ibungogi tung injagani, Ibungogi yathang, lichatlon ngakna chatchagani aduga Ibungogi matiktu sonjagani. Thawai hakchang amatta oina lairiksida iramliba areppa wasaksi ngakna chatkani. 32 Mathangda ningthouna Jerusalem amadi Benjamin-gi miyamdusu lepkhat-hallammi. Jerusalemda leiriba mishingna mapa mapusingna ninglamba Mapu Ibungogi yathang ngakna chatpa houkhi. 33 Josiahna pallingeida Israelgi manungda phattaba lamchatni haina lounaramba pumnamak thadokhankhi. Israel machasingbu Mapuroi Ishor-gi seba touhankhi. Mahakki matamda mapa mapusingna ninglamba Mapuroi Ishor-gi yathang ngakna chatpadu honghankhide.