Job 17

17 Eigi punsisi loisille maramsina eihak sor honba ngamsillaktre. Houjikti eihak karisu touningngai leitre. Mongphamda chatpa nattana.

2   Tamthina miyamna noknaribasi yengduna leiri eidi,

3   Hey Ipuroi, nanai pukchel sengba amadi nanaibu lousinbiyu. Eina ngangjaruba wa khuding chummi haibinaba mi leitre.

4   Ibungo nahakna makhoigi wakhandu mareida onthokpire, eibu makhoina maithibadi pihanbiganu.

5   Hainaba lei peisa yengduna maruppu yonthok-i, aduga machasingdu awaba khangi.

6   Miyamna hainaribasi eingonda thokle hainari, makhoina laklaga eigi maida tin sitlare.

7   Eigi awabasina eibu khoiranghalli, eigi ikhong ikhut wachetkumna pakhre.

8   Thamoi sengbani haina leiribasingdu thamoi kaire, makhoina eibu asengba amani hairi. 9 Ikai khumnaba mishingni haina leiribasingduna makhoina touriba pumba achumbangaktani haina leiri.

10 Adubu makhoi eigi imangda laklaga leplabadi, makhoidu asingbani haibasigi pandam amatta phangloi.

11 Eigi punsi loisillakle aduga asa pumba amatta leitre.

12 Irupsingna hairi amambadu anganbani aduga mangaldu naksillakle. Adubu eihak amambada leiri haibasi khangi.

13 Eigi asadi asibasinggi marakta tinkhiduna amambakonda yatakhibasini.

14 Mongphamdu ipani haijarage, eibu chatokpigadouba tinsingduna ima amadi ichasingni koujage.

15 Karibu yengduna asa tougani? Kanana kari uribage?

16 Eigidi asa arembani, asibasinggi marakta tinkhiba matamda amatta oikhragani.