Daniel 8
Danielna yaao amadi haameng uba
8 Eina ningthou Belsazzarna paanba ahumsuba chahida haannagi ukhiba khudam singduba mannaba khudam amaa urammi. 2 Eina khudamsi ubaa matamda Elam kouba lamgi konung Susada eihaak leirammi. Eina ukhibasida eisi Ulai turenda leirammi. 3 Eina mit yengthok-khibada turen mapaanda yaao laaba amaa leptuna leiba urammi. maasi machi ani paallammi. Haayriba machi anisimak yaamna sanglammi. adubu amanaa amadagi henna sanglammi. Khara henna sangba machiduna konna phaogatlammi. 4 Eina yaao laaba amanaa maning, awaang amadi maakha olladuna singnaduna leibadu urammi. Masigi mamaangda saa amaa phaaoba leppa ngamlamde. Masigi mapaanggalsiga paaba yaaba kanaasu leiramde. masina apaambadu tourammi adugaa matomtabu waangna thaanggat-charammi.
5 Eina haayribasi asum yengduna leiringeida yeng-u, maninglomdagi haameng laaba amanaa makhong leibaakta tadana pairaduna laaklammi. Haayriba haameng labasigi mamit anidugi marakta machi amaa paallammi. 6 turenda mapaanda eina lepna ukhiba yaao labadu machi ani panbadugi mamaangda changsillaaklammi. masina ahaanbadugi mamaangda saaobana mapaa leitraduna chensinkhirammi. 7 Eina masina yaao labadugi manaakta nakna changsillakpadu urammi. masina saomankhraduna yaao labadubu waairammi. maramsina yaao labadugi machi anidu te klammi. Yaodu masigi mamaangda mairong yaaba ngamlamde. haameng labaduna yaao labadubu leimaayda tuhallammi. adugaa makhongna netsillammi. Masigi mapaanggal amadi mathounadudagi yaao labadubu kanbinaba kana amatta leiramde. 8 Haayriba haameng labasina masaabu waangna thaagat-charammi. adubu mahaak yaamna kallaba matamda machidu tekhi. Masigi mahutta nongmadonda sittuna chatliba nungsit maram maridugi maraktagi machi mari thora klammi.
9 Makhoygi maraktagi apikpa machi amaa thora klammi. masina khaa maaykeida mapaa leitbamakhei mapaanggal leirammi. Nongpok amadi matik mayaai leiraba leibaaksing youna sando klammi. 10 masina nongmadonda leiriba jibaasinggi marakta phaaoba mapaa leiramde. thawaan-michak kharadi masina leimaayda langtharammi. Makhoygi mathakta masina khongnetnarammi. 11 masina nongmadonda leiriba jibaasinggi ningthouduga phaaoba lamba tourammi. ebungngodugi maphamda atatpa leitaana meida thaaduna katchariba thoudu munkhi. ebungngodugi ningna sang oinaa leiriba maphamdusu mahaakna lousinkhi. 12 paap yaamna touduna nongmadonda leiriba jibaasing amadi atatpa leitaana meida thaaduna katchariba thoudu masina lousinkhi. Achumba haaybadu masina uphul-lakta tinhankhi. Machinduna haayba ngamdaba leiramde. adugaa maasi yaamna kallammi. 13 Matamduda sengthoiraba ebungngo amakhakna waa ngaangbagi khonjendu eina taarammi. atoppa sengthoraba Mapu amanaa haannagi sengthoiraba mapududa haayrammi, "matam haya kuina atatpa leitaana katnariba meida thaaduna katkadaba thou, maalemsibu leikangla oihalliba paap, ningna sang amadi nongmadonda ngaanthoiriba jibaasingsibu khongna nethalkhigadage?" 14 Mahaakna amaduda haayrammi, "ayuk amadi numidaang 2,300 netkhigani. Masigi matungda ningna sangsigi matik mayaaidu phudorakkani."
Gabrielna piba waahanthok
15 Daniel eina haayriba khudam singsi ubaa matamda khangna-naba tallammi. Yeng-u, eigi emangda taaibang migi masak louduna kanaagumba amaa leplammi. 16 Ulai turelgi mapaan anidugi marakta haayriba nupaasigi makhon taarammi. masina laoraklammi, "he Gabriel nupaasida khudam singsi khanghanbiyu." 17 maramsina mahaakna eina lepliba maphamdu taanna laaklammi. Mahaakna eigi enaakta laakpa matamda eihaak yaamna kirammi. maramsina eihaak emaay luktharaduna leirammi. adubu mahaakna eingonda haayrammi, "he nupaa, nahaakna uriba khudam singdu aroiba matamdi maramdani."
18 Mahaakna eingonda waasingsi haairingei matamda leimaayda maay upsilladuna eihaak yaamna phajanaa tumduna leirammi. adubu mahaakna eibu soklaga hougatpirammi. 19 Mahaakna haayrak-e, "yeng-u, touriba paapsingsigi tungda oiragadaba thoudok-singdu eina nangonda taakpige. maramdi thokkadouribani tungda laakkadouriba matamgi waani. 20 Machi ani paanba yaao laaba amaa nahaakna ukhibadu asini: Hiribasina midi amadi Persia-gi maramdani. 21 haameng labaduna Greeceki ningthougi matangdani. Mamit anidugi marakta paalliba machiduna ahaanba ningthouni. 22 Tekkhiba machidugi mahutta machi mari hourakpadu Greecetagi leibaak mari thorakkani. adubu haayribasi mahaakki mapaanggalna oigadaba nette. 23 makhoyna touba paapki maton lomlaba matam adugaa makhoygi matam loirabada matik mayaai leiraba aaronba paaokhong khngba ngamba ningthou amaa thorakkani. 24 mahaak yaamna mapaanggal leiba ningthou oigani. maramsina mahaakna akibaa thabak kayaamarum tougani. Mahaakna touruba thabak khudingmak engamda ngamgani. Mahaakna mapaanggal leiraba amadi achumba toubasingdubu loina maanghan-gani. 25 mahaakki lamhui lousingduna mahaakna maaykei khudingda chaaokhatnaba laaklagani. mahaakki pukningda napaanna than-gani. paao pidana mahaakna mi kayabu tumna maanghan-gani. Mahaakna ningthou-singgi mayoktasu lepkani. adubu taaibanggi paanggalna mahaakpu maanghanba ngamloi. 26 Numidaang-waairamda amadi ayukta ukhiba khudam singdu achumba ngaktani. Ukhiba khudam singsi chetna thamjillu maramdi makhoysi thoklagadaba matam yaamna waatli.
27 Daniel eihaak matam khara naduna leirammi. Pharaba matungda ningthougi loysangda kaba hourammi. eihaakna ukhiba khudam singduna khoiraang khoisaohallammi. maramdi eihaak masigi waa machangdu khngba ngamlamde.