Song of Solomon 4
Nupaana amuk khumlakpa
1 He nungshirabi, nahaak kayaada ningthijabano, maikhumphina khumjillaba nahaakki namit anidu kayagi matik nungshibaga loynanaa ngaanthoiriba. Gileadki chingdagi kumtharakliba haameng shanggushinggi matougumna taari choijaainana nahaakki samlangdu. Houjikta erujathokpiduna matu takkhriba yaaoshinggi matougumna nahaakki nayashingdu ngouwi. Kayagi matik phajakhrabano, tinjang laichangba amattasu yaaode.
3 Nahaakki nachindu ngaangleinaba phijetki matougummi. Nahaakna waa nganglakpa matamda kayagi matik ningthiba. Nahaakki nakhajaaigi ngaangleinabadu maikhum phina khankhrabasu uri.
4 Matum taaba amadi paaybada mollaba Davidki ukhongshinggummi. Nahaakki nangaksamdu. Chunggoi lishingna pareng yaanduna leitenglaba ukhongshinggumna liklaang parengna leitengli nahaakki ngaksamdusu.
5 Nahaakki khomlang anidu sangaishinggi matougummi, yengbada maannei Shaaji anina tharo marakta chaktaba.
6 Nungshiba manam thorakliba chingduda leijage eihaak, khangjage nungshiraba
manam chelliba chingduda ayukki naamiba nungshit laaktriba phaaoba ahinggi amaamba koktriba phaaoba
7 He nungshithoirabi, nahaak kayagi matik ningthijaba, yengbada awaatpa amattasu leite.
8 He eigi taloi oigadouribi, laaklo Lebanangi chingshingdagi, laaklo eigaa loynanaa Lebanandagi, kumtharaklo amanaa kouba chinggi chingdondagi, nongsha amadi kabo keina leiriba Senir amadi Hermon chingdagi laaklo.
9 Eigi thamoigi mabemma amadi nungshi thoibi oiribi, nahaakki namitta yengjarubamaktada aduga nahaakki nangakta tholliba liklaang parengdu ujarubada, hukhre thamoisi eigi ngamnamak.
10 Thamoigi mabemma amadi channathoibi oiribi, nangna eibu nungshibibadutana eisi nungaaihalli. Nahaakna eibu nungshibibaduna angur mahi thakpadagi helli, maru maraangshinggi manamdagi nahaakki nungshiba manamduna mahelli.
11 He nungshiribi, khoihigi athumbadu nahaakki nachinbanda pakli, nahaakki nareidu eigidamak shanggom amadi khoihigummi. Nahaakna shetliba phidu Lebanangi manam nungshibadu pak-e.
12 Eigi thamoigi mabemma amadi pamubi oiribisi, aronba leikongummi, chekpan khagatlaba amadi mina changdraba eephutkummi.
13 Adugumba maphamduda mahei marong paambishing hom hom houwi. Kaphoi paambigi heikongi matougumna makhoyna houwi, palli mahei ningthijaraba maraang kaina maphamduda manam nungshiba awaatpa leite.
14 Leite awaatpa yaaingang, dalchini, amadi makhal mathen kayaamarumgi maru maraang thoidokna nungshiraba manamna leitenglaba upaan kayaana maraang kaina houkhri.
15 Heikondu chairi eeshing, thorakpa laaijana chelliba thong oina, chentharakliba lebanan chingdagi eephut kayaana,
Nupina khumlakpa
16 He awaanglomdagi sitlakliba malya, laaklo, khaa haramdagi laakliba nungshit sitlaro eigi leikonda, tilhallo malemsi manam nungshibatana, eigi nungshithoibadu laaklasanu mahaakki leikonsida, chaajarasanu maasida houriba paambigi mahei marong.