Ephesians 6
6 angaangsa, Eesor-da nakhoygi napaa namaagi haayba ellu, maramdi asi achumbani. 2 Nahaakki yaaiphaba oinanaba amasung prithibida kuina pannanaba, napaa namaabu ekaai khumnou. 3 (Masi waaleppaga loynaba ahaanba yaathangni).
4 Amasung, nakhoy mapasa, saonaba nakhoygi nachaasingbu langnaganu, adubu Eesor-gi mahei masing tambada amasung mitna singhanbada makhoybu yokkhatpiyu.
5 minaaisa, kiba amasung nikpaga loynanaa Christada toubagumna, pukchel tingna hakchaang matung ennaa nakhoy nakhoygi mapusinggi haayba ellu; 6 mibu pelhanbasinggumna mityenggi thougangi matou toudaduna, Christagi manaaising gumna thamoidagi Eesor-gi ningba adu toubiyu. 7 minaai oirabasu, mapu oirabasu, mi khudingna karigumba aphaba thabak tourabadi, mahaakna Eesor-dagi madumak amuk phangjagani haayba khaangduna; 8 misingda toubagum nattana, Eesor-da toubagumna, aphaba pukningna thougan toubiya.
9 Anaisung, nakhoy nasaabu, nanaaisingbu kihanba thaadoktuna, makhoyda enaduga maannana toubiyu maramdi makhoygisu nakhoygisu mapu adu swargada lei, adugaa ebungngo mahaakki maphamda misak mimaay yengba leite.
Christiangi lan phijet
10 houjiktagi Eesor-da amasung ebungngo-gi akanba paanggalda kanba oiyu. 11 nakhoyna diyaabolgi lounamga maayoknaba ngamnanaba Eesor-gi lan phijet apumha setlu. 12 maramdi eikhoygi naaba asi ee tong yaaobagi mathakta natte, adubu mapusinggi mathakta khutkan paanggalbasinggi mathakta, amaamba asigi angamba singgi mathakta, swargagi mapham maphamda phattabagi thawaay oibasinggi mathakta, laknabani. 13 maram asigi damak nakhoyna phattaba numitta maayoknaba ngamnanaba, amasung pumnamak toure haayraga lepnanaba, Eesor-gi laal phijet apumbaa paaykhathlu.
14 maram aduna nakhoy nakhoygi khwang achumbana laksinduna, amasung dharma chenbagi Thabaakkhang haptuna; 15 adugaa engthabagi aphaba waapaaogi thouraang toubana nakhoy nakhoygi khongda tongsinduna; 16 pumnamak asiga loynanaa thaajabagi chunggoi adu paaykhattuna leppu; aduna phattaba adugi mei houba hunnata pumnamak nakhoyna muthatpa ngamgani. 17 Aran khubaamgi amasung Eesor-gi waa oiba thawaaygi kabaak-thaang loukhatlu;
18 haayjaba amasung nonjaba pumnamakna matam pumnamakta thawaaygi mapaanna haayjou adugaa maaduda asengba-sing pumnamakki damak anam kanba amasung nonjaba pumnamakna mitseng khaang-u; 19 Amasung eigi damakti, aphaba waapaaogi athuppa waa adu thouna phana khnghannaba, 20 eigi eya kathokchabada waaheikhonda eingonda pibinanaba haayjabiyu; athuppa waa asigi damak eidi yot-hing phalangna pulliba waapuba mini; masida ei ngangpham thokpagumna eina thouna phana ngangjananaba haayjabiyu.
Aroiba wa
21 touegumsung nakhoynasu ei karam touriba khangna-naba, Eesor-da thaajaba yaaba thougan touba amasung achaanba echin-enaao oiba Tukhikana eigi, maram pumnamak nakhoyda khanghanbigani. 22 nakhoyna eikhoygi maram khangna-naba, amasung mahaakna nakhoygi pukning themjinbinanaba, maram asimakki damak mahaakpu eina nakhoy taanna thaare.
23 echin-enaaosingda epa Eesor-dagi amasung ebungngo Jesus Christadagi engthaba amasung thaajabaga loynanaa nungsiba leibisanu. 24 eikhoygi ebungngo Jesus Christa-bu mangba naaidaba manungsina nungsiba-sing pumnamakka thoujaal loinabisanu.