Leviticus 23
Dhrmagi haraaoba
1 Eeshorna Mosesda haayrammi,
2 Israelgi mishingda haayyu: Eeshorgi maphamda athoiba haraaoba oinaa paangthokkadoubashingdu asini.
3 Numit tarukni chupnaa thabak shugadabani. Taretni shubaa numitta ashengba mitin phamnaba potthagadabani. Haayriba numitsida thabak touba yaaroi. Maramdi nakhoyna leiruba mapham khudingda haayriba numitsi Eeshorgi khuyaakhaada ashengba numitni.
Araan-chaakkhaangba amadi haamei yaaodaba tal
(Shing 28:16-25)
4 Akhannaba matam yengduna nakhoyna Eeshorgi mingda ashengba mitin phamduna tougadouba haraaobashingdu asini:
5 Ahaanba thaagi taraamarinishubagi Numidaang-waairamda Eeshorgi khuyaakhaada chaakkhanggadabani.
6 Thaa asigi taraamanganishuba numitta Eeshorgi khuyaakhaada taljam katkadabani. Numit taretni chupnaa nakhoyna taljamdu chagadabani.
7 Ahaanba numitta ashengba mitin amaa phamgani. Haayriba numitsida akanba thabak shubaa yaade.
8 Eeshorgi khuyaada numit taretni chupnaa meida thaaduna thou tougadabani. Taretnishuba numittu ashengba mitin phamgadaba numitni. Maramsina nakhoyna akanba thabak touba yaade. 9 Eeshorna Mosesda haayrammi.
10 Israelgi mishingda asumna haayyu. Eina nakhoyda pigadouriba leibaaktu youraga maduda houriba mahei marongshingdu lokpa matamda nakhoyna lokpa mahei marongdugi ahaanba chaarongshingdu purohitta puraklaga pigani.
11 Nakhoybu Eeshorna latnaba leitana loushinbinaba purohittuna chaarongdu athoiba khudon oinaa katpigadabani. Potthaaba numitki nongaallaga purohittuna chaarongdubu athoiba khudon oinaa katkadabani.
12 Nakhoyna athoiba khudon katpa numittuda chahi amaa liraba ashoy angaam leitba yaao laaba amaa Eeshorgi maphamda meida thaaduna katpa thou oinaa katkadabani.
13 Eeshorgi khuyaakhaada mahei maronggi thou manam nungshina thoknaba meida thaaduna katkadouribadu chorphon-gi thaao amadi aphaba ata kilo ani oihan-gadabani. Masi manam ungsinabagidamak Eeshorgi maphamda mei thabagi katnaba potni. Thaknabagi katnapotna angur mahi liter amaa oigani.
14 Tal nattraga mahei marong akangba nattraga hekpada ngaairibadu numitsi youdriba phaaoba chaaba yaade. Nakhoyna ningjariba Eeshorgi maphamda thousigi potshingdu katringeida nakhoyna haayriba potsi chaaba yaade. Nakhoygi miron-miron khudingda leiru leiruba mapham khudingda maasi lengdaba pathap amaa oinaa leihouragadabani.
Lourokpagi haraaoba
(Shing 29:7-11)
15 Athoiba khudon oinaa katnaba chaarong katkhiba potthaaba numittudagi houraga chayon taret haaybadi
16 Potthaaba numit taretlak suraba matung numit yaangkheini shubagi nonggallaga nakhoyna Eeshorgi khuyaakhaada anouba mahei maronggi thou katkadabani.
17 Nakhoyna leiriba maphamdudagi athoiba thou oinaa katnanaba tal mapak ani purakkadabani. Haayriba talsi aphaba ata kilo amaa mayaai kahandana houraga ahaanba paanba mahei maronggi thou oinaa Eeshorgi maphamda katkadabani.
18 Talsiga loynanaa nakhoyna chahi amaa suraba shoinaidaba yaao taretka san-lamcha amaga, yaao laaba aniga meida thaaduna thou amaa katkadabani. Maasi Eeshorgi maphamda manam nungshiba thok-handuna katkatkhinabani.
19 Ayon-araangi thouoina haameng laaba amaa, lamdaai shumdaaigi thou chahi amarom suraba yaao laaba ani katkadabani.
20 Purohitna haayribashingsi chanougi tal amadi yaao aniduga punna louraga Eeshorgi maphamda athoiba thou oinaa katkadabani. Haayribashingsi purohit shingna Eeshorgi maphamdagi ashengba pot oinaa phanggani.
21 Numitsimaktada nakhoyna ashengba mitin amaa phamgadabani. Nakhoyna thabak akanba toupharoi. Nakhoygi miron khudingda amadi nakhoyna leiruba mapham khudingda haayribasi niyam amaa oinaa ngaakna chatkadabani.
22 Nakhoyna loubukta lourokpa matamda louri kachin youba phaaoba lorokpa yaade. Nakhoyna lorokpa hek loibaga phudit khappasu yaade. Haayribashingsi laairaba amadi lamlaanbashinggi oinaa thamgadabani. Yaathangsi nakhoygi Eeshor oiriba Eina piribani.
Chahi houbagi haraaoba
(Shing 29:1-6)
23 Eeshorna Mosesda haayrammi,
24 Israelgi mishingda haayyu: Taretshuba thaagi ahaanba numitta ningthina potthaaduna houkhiba thoudokshing ningshingnaba perenachingba khongduna ashengba mitin amaa phamlaga haraaoba amaa paangthok-u.
25 Haayriba numitsida akanba thabak touroidoubani numitsida Eeshorgi maphamda meida thaaduna thou amaa paangthokkadabani
Aran thou numit
(Shing 29:7-11)
26 Eeshorna Mosesda haayrammi,
27 Haayriba thaasigi taraani shubaa numitta ayon-araangi thou amaa tougadabani. maasida ashengba mitin amaa phamgadabani. maasida awaa shaklon puduna Eeshorgi maphamda meida thaaduna thou amaa katkadabani.
28 Haayriba numitsida akanba thabak shubaa yaade. Maramdi numitsida nakhoygi napuroi Eeshorgi khuyaakhaada ayon-araangi thou toujagadouba numitni.
29 Kanaagumba mina haayriba numitsida awaa maaythong puduna ayon-araangi thou toudrabadi adugumba nupaadu shalaaidagi taanthokkani.
30 Kanaagumba mina haayriba numitsida thabak tourabadi, adugumba nupaadu mahaakki shalaaidagi Eina tumna maanghan-gani
31 Haayriba numitsida thabak touba yaaroi. Yaathangsi miron khuding amadi leiruba mapham khudingda kaidana chatkadaba amani.
32 Haayriba numitsi nakhoyna ningthijana potthagadabani. Numitsida awaa maaythong puduna leigadabani. Mapaanni shubaa numitki Numidaang-waairamdagi mathanggi numidaang-waai phaaoba nakhoyna potthabagi haraaobasi paangthokkadabani.
Shaaidaangbagi haraaoba
(Shing 29:12-40)
33 Eeshorna Mosesda haayrammi.
34 Israelgi mishingda haayyu: Taretshuba thaagi taraamangani shubaa numittagi houraga numit taretni chupnaa Eeshorgi khuyaakhaada khurumjanabagi mitin amaa phamgadabani.
35 Ahaanba numitta ashengba mitin amaa phamgani. Numitsida nakhoyna akanba thabak touba yaade.
36 Numit taretni chupnaa Eeshorgi maphamda meida thaaduna thou tougadabani. Nipaanni shubaa numitta nakhoyna ashengba mitin amaa phamlaga Eeshorgi khuyaakhaada meida thaaduna thouba thou amaa paangthokkadabani. Masisu thoidokna ashengba mitin amani maramsina haayriba numitsida akanba thabak touba yaade.
37 Haayribashingsi Eeshorgi maphamda meida thaaduna, mahei marong kattuna amadi atei atei thoushingga loynanaa thaaknaba thounachingba katkadouba haraaobani. Pumnamaksi akaknaba numit shingduda paangthokkadabani.
38 Nakhoyna Eeshorgi khuyaakhaada katchaba potthabagi thou, khudon, waashak thungbagi thou, amadi katningna katchaba thoushingdugi mathakta paangthokkadouba thoushingni.
39 Taretshuba thaagi taraamangani shubaa numitta potshingdu peisinba loiraba matamda Eeshorgi khuyaakhaada taretni chupnaa haraaoba amaa paangthokkadabani. Nipaanni shubaa numittu nungaaina pothagadabani.
40 Ahaanba numitta ashengba upaanshingda paanba maheishingduga loynanaa thangtup paambigi masha, manaa pungba ugi usa, turenda mapaanda sariba sangshingdu puraklaga nakhoygi Napuroi Eeshorgi maphamda numit taretni haraaogadabani.
41 Chahi khudinggi haayriba matamsida Eeshorgi maphamda numit taretni haraaogadabani. Miron khudingda maasi engadoubani. Maasi taretshuba thaada paangthokkadabani.
42 Maasida numit taretni khaangpok sangda leigani. Israelgi mishingdu khaangpoksangda leigadabani.
43 Eina Israelgi mishingbu Egypttagi purakpa matamda khaangpoksangda leihankhi haaybasi kaodanaba maasi paangthokkadabani. Yaathangsi nakhoygi Eeshor oiriba, Eina piribani.
44 Matou asumna Mosesna Eeshorgi maphamda paangthokkadouba haraaobashingdu Israelgi mishingda laaothokkhi