Deuteronomy 31
Mosesgi tungda Joshuana luchingba oirakpa
31 Matou asumna Moses-na Israelgi misingda maakha taana waa haaybirammi. 2 Mahaakna asum ngangna ngangna haayrak-e, "eihak chahi 120 sure. eihaak nakhoygi luchingba oinaa thabak touba ngamdre. Masigisu mathakta Eesor-na eihaak Jordan waangma lallaroi taakpirakle. 3 Eesor-na nakhoygi mang thaaduna chatkani adugaa maphamduda leiriba Jaatsinggi lam-singdu nakhoyna leiba yaana-naba ebungngo mahaakna tumna manghanbigani. Eesor-na taakpirakpa matung ennaa Joshuana nakhoygi luchingba oigani. 4 Eesor-na makhoy singdubu Sihon amadi makhoygi leibaak manghanbikhibagumna manghanbigani. 5 Eesor-na makhoygi mathakta nakhoybu laan ngamhan-gani adugaa eina nakhoyda haaykhibadugumna nakhoyna makhoybu toubigadabani. 6 Pukning lepu adugaa nasaabu thaajou. Makhoybu kiganu. nakhoygi napuroi Eesor masaamak nakhoyga loinabigani. ebungngo mahaakna nakhoybu maaythiba piroi amadi hundokpiroi.
7 maasi haayraga Moses-na Joshuabu Israelgi miyaam mamaangda kouraduna haayrak-e. "Napuk-ning hongganu adugaa nasaabu thaajou. Eesor-na pibigani haayduna mapaa mapusingda waasakpikhiba lamdu youba phaaoba misingsi chingduna pubigadouba nupaadu nahaakni. 8 Eesor makna nahaakpu. ebungngona nahaakka matam leibada loinabigani. ebungngo mahaakna mahaakpu maaythihalloi adugaa natomda thaadokpiroi maramsina pukning hanthaba nattraga kiba touganu.
Chahi taret khudinggi puya paba
9 Matou asumna Moses-na puyadu eraga Eesor-gi phaankhong sennariba Levi saageigi purohit sing amadi Israelgi luchingba-singda pirammi. 10 Mahaakna makhoyda haayrammi, "chahi taret taretki aroibada pukhiba sendon kokkadouba chahi yousillakpa matamda, changjapham kummei touba matamda maasi laona paangthokkadabani. 11 Khandokkhiba khurum-janaba maphamduda Israelgi misingna napuroi Eesor-bu khurum-janaba laakpa matamda paangthok-u. 12 nupaasing, nupi-sing, angaang-sing amadi nakhoygi saharda leiriba lamlaanbasingdu kousil-laga paangthokkadoubani. asumna mipum tingna maasibu taaraga napuroi Eesor-bu ekaai-khumnaduna ebungngo mahaakki paaoutaaktu chetna engani. 13 asumna touragadi nakhoygi chaaron-suronsingna napuroi Eesor-gi keidoungeidasu takhidriba puyasi taaba phanggani. Jordan turenda waangmada nakhoyna leigadouriba lamsida makhoyna leiribamakhei ebungngo mahaakpu enjaba ngamgani."
Mosesda Eesor aroiba paaoutaak
14 Masigi matungda Eesor-na Mosesda asumna haayrammi, “nahaak kuina punsiraroi. Joshuabu kouraga mitin-sangda mahaakpu puduna laak-u adugaa eina maangonda piba paaoutaak pibige. Moase amadi Joshuana mitin-sangduda changlammi. 15 Makhoy anigi mamaangda Eesor-na leichin mapei oinaa mitin-sangdugi khongda leptuna uhanbirammi.
16 Eesor-na Mosesda haayrammi, “nahaak yaamna thuna nongaragani. Nahaakna siraba matungda misingsina eibu thousaroi. makhoyna eigi yaanakhiba areppa waasaktu thugaaygani. makhoyna Eibu hundoktuna jaat ateigi laaising makhoyna leirugadouriba lamduda leiribasingdu khurumgani. 17 Haayribasi thokpa matamda eina makhoyda saogani. Eina makhoybu thaadokkani adugaa makhoy tumna maanggani. Makhoygi mathakta hainingai leitraba awaa-ana thokkani. maasi thoklaba matamda makhoygi Eesor oiriba eihaaksi makhoyga loynanaa leitre haaybasi makhoyna khnglakkani. 18 Matamduda Eina makhoybu tengbangbiroi maramdi makhoyna phattaba thabak toukhre adugaa atei laaising khurumkhre, 19 houjikti maramsina eseisi isillu adu-ga Israelgi misingda tambiyu. masina makhoygi mayokta saakhi pigani. 20 Makhoygi mapaa mapusingda eina waasakkhiba matung ennaa leihao leiraba lamduda Eina makhoybu pubigani. Maphamduda makhoyna paamlibamakhei chaanaba chinjaak phanggani. Makhoy nungaaina leigani. adubu makhoyna mapukning hongduna atoppa laaisingbu khurumgani. makhoyna Eibu langthokkani adugaa eigi areppa waasaktu makhoyna thugaaygani 21 Masing naaidraba awaa-ana makhoygi mathakta taagani. adubu eseisi matamduda makhoyna sakkani adugaa masina makhoygi mathakta saakhi pigani. Eina makhoyda waasakkhiba lamduda makhoybu youhandringei matamsidagi houna makhoyna kari khanlibage haaybadu eina khang-e."
22 Haayriba numitsimaktada Moses-na eseidu eraga Israelgi misingda tambirammi.
23 Nun-gi machaa-nupaa Joshuada Eesor-na asumna haayrammi, "nasabu thaajou adugaa napuk-ning honganu. Eina pigani waasakkhiba lamdu younaba Israelgi misingbu nakhakna chingduna pugadoubani adugaa masida Eina nahaakka loynagani."
24 Moses-na Eesor-gi puyadu chittha-nanthaba leihandana laairik amada isillammi. 25 Mahaakna eba loiraba matungda Eesor-gi phaankhongda seba changliba Levi saageigi purohit singda haayrammi, 26 "Eesor-gi puya laairiksi lousillu. nakhoygi napuroi Eesor-gi phaankhonggi nakan amada maasi thammu. masina ebungngo mahaakki misinggi mathakta saakhi oigadou-ribani. 27 Makhoysi kayagi matik mangak chaaoba adugaa laan houganba jatno haayba eihaak khang-e. Eina hinglingeimaktasu makhoyna Eesor-gi mathakta laan houkhre. Eina siraba matungdadi makhoyna thoina henna lanhougani. 28 nakhoygi salaaisinggi luchingba-singdu eigi emangda laknaba haiyu. Eina makhoyda waaphamsi hainingi. Makhoygi mathakta koirou amadi maalemsina saakhi oinaba eina kouthagani. 29 Eina siraba matungda misingsi phattaba oirakkani adugaa eina taakpiramba singdu makhoyna elloi. laakkadouba matamda makhoy awaa-ana khanggani maramdi touba yaade haayna ting-khrabasingdu touduna makhoyna Eesor-bu saohan-gani.
Moses-na sakkhiba esei
30 Israelgi misingna Moses-na sakpa eseisi takhi: