Isaiah 36
Assyriana Jerusalembu kihanba
(2 Ning 18:13-27, 2 Miron 32:1-19)
1 Ningthou Hezekiahna paanba taraa Marishuba chahida Assyriagi ningthou shennacheribna Judahgi sagtlaba laanbandu loushinkhi.
2 Assyriagi ningthouna Rabshakehgi achouba laanmi mapei amaa Lachishtagi ningthou Hezekiahgi mathakta laandarunaba Jerusalemda thara klammi. Levishinggi loubukki manaakta leiriba achouba laambeldugi mathak thangba maaykeida leiriba pukhridugi mapaanda Hezekiah leptuna leirammi.
3 Konung pannaba Hilkiahgi machaanupa Eliakim, laairik pansinba Sebna, thoudok esinba Asaphgi machaanupa Joah ningthougi manaakta laaklammi.
4 Rabshakehna makhoyda haayrammi," "Hezekiahda haayyu, Assyriagi matik mayaai leiraba ningthouna asumna haayri, "nahaakna kari yengduna mashaabu thaajaduna leithoklibano?
5 Artha yaaodaba waadu paaoutaak amadi laanmigi paanggalga mannabra? kanaagi mateng louduna nahaakna eigi ethakta laandage haayna ninglibano?
6 Yeng-u, nahaakna Egyptta yengduna leijaba sari. madudi mapundagi machoi taraklaba shingnagumbani. Maangonda ngathajaruba mishingdu shoydana tugadabani. Egyptki Pharaohdu asi mangaay. Maangonda changjaruba mishingdu mahaakna haanna chikpani.
7 Aduga karigumba nahaakna "eikhoigi Eeshorda changjare" haayrabasu oiba yaaroi. Nahaakna mahaakki phaankhong amadi ashengba maphamshingdu muthattuna Judah amadi Jerusalemda "nakhoy Jerusalemda phaankhongshinggi mamaangmaktada khuroumjagadabani" haaykhibadunasu oiba yaaroi.
8 Houjikti thaarak-u, eigi ebungngo Assyriagi ningthouga lanba tourarao. Nahaakna shagol thouba mi puthokpa ngamjani haayrabadi eina shagol lishing ani pibigani.
9 Nahaakna dolai amadi shagol laanmigidamak Egyptta ngaaiduna leirabadi matou karamna nahaakna eigi ebungngogi Khwaaidagi pikpa laanmigi maraktagi luchingba amaaga lanba touba ngamgani?
10 Asigisu mathakta eina maphamsida laandage haayna laaklibasi Eeshorgi yaathang yaaodabani haayna ningbra? Eeshorna eingonda taakpikhi, "leibaksigi mathakta laandaru. Aduga makhoybu tumna manghallu."
11 Matangduda Eliakim, Sebna amadi Joahna Rabshakehda haayrammi, "nollukna hanggatchari, nanaaishingda Arami londa taakpiyu maramdi eikhoy haayriba lonsi khangjei: Judahgi mishinggi londa chekpanda tongduna leiriba mishingsina tannaba nanaai eikhoyda taakpiganu."
12 Maduda Rabshakehna makhoyda haayrammi “eigi Ebungngona eibu nakhoyda waasi haaynanaba aduga nakhoygi ningthoutada haaynanaba thaarakpani haayna ninglabra? Eina chekpanda tongduna leiriba mishingsidadi karigi haayroidouribano? Makhoysi nakhoyga loynanaa mang taklaba mishingni. Makhoy mathi chaaduna hingliba nattra? Mayung thaktuna leiriba nattra?"
13 Mathangda Rabshakehna hougatladuna Judahgi mishinggi maronda khonjen waangna laaoraklammi. Mahaakna haayrammi, "matik mayaai leiraba ningthou, Assyriagi ningthouna haayrakpa waasi taro:
14 Ningthouna asumna taakpiri, Hezekiahna nakhoybu minamhanganu. Maramdi mahaakna nakhoybu eigi khuttagi kanba ngamloi.
15 "Eeshorna eikhoybu shoydana kanbigani aduga eikhoybu ningthougi makhuttagisu kanbigani" haayna minamduna Hezekiahna laningthoutani haayna nakhoyda haayribadu louruganu.
16 Hezekiahna haayba waa louganu. Assyriagi ningthouna nakhoyda haayri, "nakhoy eigaa loynanaa engthana paanba yaana-naba sandhi amaa tou. Eigi ekaada changjarak-u. Adu oirabadi nakhoy pumnamak nashaagi angur mahi thakpa phanggani. Mi khudingmak nashaagi pukhridagi eeshing thakpa phanggani.
17 Nakhoygi lamduga mannaba lam amada eina nakhoybu thaadokpigani. Haayriba lamsi mahei marong, angur mahi, phou heng aduga angurgi engkhon amadi chorphon yaamna houba lamni. Maphamsi khoihisu yaamna phangba lamni. maduda nakhoy leitaana nungaaina paanba yaanaba eina pubigani. Adu oirabadi nakhoy siraroi. Hezekiahgi waa louganu. Mahaakna nakhoyda haayba yaai, "Eeshorna eikhoybukanbigani."
18 Leibaak ateigi laaishingna makhoygi mishingbu Assyriagi ningthougi khuttagi kanba ngamkhibra?
19 Hamath amadi Arpadki laaishingdu kadaayda leikhre? Sepharvaim, Hena, amadi Ivvahgi laaishingdu kadaayda leikhre? makhoyna Assyriabu eigi ekhuttagi kanba ngamkhibra?
20 Karamba leibaakki laaishingna makhoygi laanmishingdu eigi ekhuttagi kanba ngamkhi? adu oirabadi EeshordunaJerusalembu eigi ekhuttagi shoydana kanba ngamgadra?
21 Mishingna maangonda paaoukhum amatta piramde. Tuminna leirammi. Maramdi ningthouna makhoyda waa amaa phaaoba ngaangba yaade haayna yaathang amaa pirammi. Ningthouna haayrammi, " Mahaakna haayba waashingdugi paaoukhum pirunu."
22 Konung pannaba Hilkiahgi machaanupa Eliakim, laairik pansinba Sebana, thoudok esinba Asaphki machaanupa Joahna maphi shegaairaduna Hezekiahgi manaakta laaklammi. Makhoyna ningthouda Rabshakehna haayba waashingdu tamkhi.