Acts 2
Thawai asengba lengthabirakpa
2 Amahiksung Pentekostki numit thunglabada, makhoi pumnamak mapham amada tinnarammi. 2 Amasung khanghoudana akanba nungsit lakpagumna makhol ama sargadagi lakladuna, makhoina phamliba yum adu pumthal thalle. 3 Aduga meigumba leitol makhoigi marakta tongan khaibiduna makhoida uhalle amasung makhoi mi khudingda tongle. 4 Maduda makhoi pumnamak thawai asengbana thalladuna, thawai aduna makhoibu nganghanbiba adugi matung inna atop atoppa lonna ngangba houre.
5 Amahiksung atiyagi makhada leiba jat khudingmaktagi laining chetpa Jews nipasing Jerusalemda leirammi. 6 Aduga makhol asi tabada, miyamna upsillaktuna tingak maingaknahalle, maramdi makhoina ngangliba adu mahak mahakki marol oina mi khudingna tarammi.
7 Amasung makhoi pumnamakna ngaklammi, amasung onthokpani haiduna ngangnarak-i; yengu ngangliba pumnamak asi Galileegi mi nattra?
8 Aduga eikhoi eikhoigi pokphamgi irol oina eikhoi mi khudingna karamna taribano? 9 Parthians, Medes amasung Elamgi misin, Mesopotamia, Judea amasung Cappadocia, Pontusga Asiagada,10 Phrygiaga Pamphyliagada, Egypt amasung Cyrenegi akoibada leiba Libyada leibasing, Romedagi lamlallakpasing Jews amasung Jews Dharma loubasing, 11 Cretessing amasung Arabiansing, eikhoi asina makhoina Ishorgi achouba thabaksing ngangliba adu eikhoi eikhoigi irol oina tari.
12 Aduga makhoi ptunnamakna ngakladuna amasung langtaknaraduna amaga amaga hainarak-i, asi kari matouno? 13 Touigumsung ateisingna karemnaduna hai, makhoi anouba drakha mahi thanna thakchille.
Pentekost numitta Peterna tambiba;
Christian kanglupki dharmachenba mipal
14 Touigumsung Peterna Taramathoi aduga loinana leptuna, khonjel wangna makhoida hai, he Jewsgi misa, amasung he Jerusalemda leiba pumnamaksa, asi nakhoina khangbiyu, aduga eigi wada nakong thambiyu. 15 Maramdi nakhoina ningbagumna makhoi asi yu ngaoba natte; maramdi nungthingi ahumsuba pungta matari; 16 Touigumsung asi Ishorgi wa takthokpa Joyelna haikhiba aduni:
17 Amasung Ishorna hai, akonba numitsing aduda masi oigani, eina mi oiba pumnamakki mathakta eigi thawai heithabigani, aduga nakhoigi nacha nipasingga nacha nupisinggana eigi wa takthokkani, amasung nakhoigi pakhangsingna auba phanggani, aduga nakhoigi hanubasingna mang manggani;
18 Hoi, aduga eigi minai nipasing amasung eigi minai nupisinggi thakta eigi thawai numitsing aduda eina heithabigani, amasung nakhoina eigi wa takthokkani.
19 Aduga eina mathak atiyada angak angakpa amasung makha prithibida khudamsing, haibadi ee, mei aduga meikhugi manil uhan-gani.
20 Prabhugi athoiba amasung onthokpa numit adu laktringeida,
numitna amambada amasung thana ida onthokkani.
21 Aduga masi oigani, prabhugi ming koujaba mi khudingbu kanbigani.
22 He Israelgi misa, wasing asi tabiyu Nazarethki Jesusdi, Ishorna nakhoigi narakta Ibungogi mapanna toungamdaba amasung angakpa thabaksing aduga udamsing toukhiba, aduna Ibungo asi Ishorna yaraba mini haiba nakhoi nasamaknasu khangbani; 23 Ibungo asibu Ishorgi areppa wakhal amasung hanna khangba adugi mapanna pithoklaga, nakhoina wayel yathang indaba mishinggi makhutna crossta yotpi thaduna pangtingduna hatkhre. 24 Ibungobu Ishorna asibagi awa ana adudagi thadokpiduna hinggatpire, maramdi Ibungobu asiba aduna khudum chanba ngamde. 25 Maramdi Davidna Ibungogi marida hai,
"Eina prabhubu imangda itattattana urammi, maramdi ei lengdananaba Ibungodi eigi yetthangbada leiri;
26 Maram asina eigi thamoina nungaisu nungaijare, eigi ireina haraosu harkojare; asidagi hernia eigi hakchangnasu asada pan-gani.
27 Maramdi Ibungo nahakna ithawaibu khamnung leibakta hundokpiroi, adubu Ibungo nahakki asengba mahak adubu Ibungo nahakna amangba uhanbiroi.
28 Ibungo nahakna eingonda hingbagi lambi khanghanbire; Ibungo nahakki mangda eibu haraobana thalhanbigani."
29 He ichin inaosa, sageigi, piba Davidki maramda, mahak sisu sikhre, phumsu phumkhre, aduga mahakki mongpham numit asi phaoba eikhoigi irakta leiri haiba eina nakhoida taseng tasengna haiba ngamjei. 30 Maram aduna mahakna Ishorgi wa takthokpa oiduna, mahakki dharasingdagi amana mahakki phambal thakta phamgadabani haiduna Ishorna mangonda wasak ama sakpire haiba mahakna khangle.
31 Mahakna asi hanna uduna Christana hinggatpa adugi maramda ngangthokle, haibadi Ibungobu khamnung leibakta hundokpidre, aduga Ibungogi hakchangna amangba ukhidre. 32 Jesus asibu Ishorna hinggatpire, asigi maramda eikhoi pumnamakna sakhi oijari.
33 Maram aduna Ishorgi khut yetna chaokhathanbiba amasung thawai asengbabu pibigani waleppa adu mapadagi phangjaduna, nakhoina uriba amasung tariba asi Ibungona heithabibani. 34 Maramdi Davidti sargada kaba natte; adubu mahak masana hai,
35 Prabhuna eigi prabhuda hai, eina nanggi yeknabasingbu nakhonggi khunet oihandriba phaoba eigi yetta phammu.
36 Maram aduna nakhoina crossta hatkhiba Jesus asibu Ishorna Prabhusu Christasu oihanbire haiba Israel imung pumnamakna thangei sengna khangsnu.
37 Amahiksung makhoina tarabada, makhoigi thamoida tana thinbagum oiraduna, Peterda amasung atei pakhonchatpasingda hairak-i, he ichin inaosa, eikhoina kari tougadage?
38 Maduda Peterna makhoida hai, nakhoigi pap koknabagidamak nakhoina pukning hongu amasung Jesus Christagi mingda nakhoi mikhudingna baptist lou; aduga nakhoina thawai asengbagi khudon phanggani. 39 Maramdi nakhoida, nakhoigi nachasingda, amasung arappada leiba pumnamakta, haibadi eikhoigi Ishor prabhuna koubigadaba makheida, waleppa adu lei.
40 Amasung atei atei wa ayamba mahakna sakhisu pi, makhoibu insu insinbiduna hai, pukchel khoiraba miron asidagi nahei nahei kanjananaba tou. 41 Maram aduna mahakki wa louraba makhoi adu bu baptist toubire, aduga numit aduda mi lishing ahumlom makhoida tinsillammi. 42 Amasung makhoina pakhonchatpasinggi tambibada, marup tinnabada, tal thugaibada, amasung haijabada itattattana pukning changiammi.
43 Amahiksung mi khudinggi mathakta akiba thoklammi, aduga angakpasu khudamsu ayamba pakhonchatpasingna tourammi. 44 Aduga thajaraba pumnamakna tinnaduna, pot pumnamak mayamgi oina sijinnei; 45 Amasung makhoina makhoigi arei areiba yonthoktuna kanagumbagi kannaba matung inna pumnamakta yenbi. 46 Aduga numit khuding Ishor ningnashangda pukning amata oina itattattana tinnaduna, mayum mayumda tal thugaiduna makhoina haraona amasung pukning iting tingna chaminnarammi; 47 Makhoina Ishorbu thagat thagatladuna leirammi, mi pumnamaktagisu chanbiba phanglammi, aduga kanbiba phangjabasing adubu prabhuna numit khuding makhoida tinsinbirammi.