Malachi 2
Eeshorna purohit shingbu cheiba
1 Houjikti taro he purohit shingsa, nakhoygi damak
2 Yaathang amaa laakle: nakhoyna eigi ewaa tadrabanina ei nakhoybu shaap touragani. Bor pibagi mahutta shaap tougani. Nakhoyna eigi yaathang endabanina aoibamk shaap tougani.
3 Yeng-u, Ei nakhoyna katpa pot pamdre, nakhoygi namaida amotpa chaisanbiragani. Chaisan-gadouriba amotpadu nakhoyna katpa pottagini. Eigi emangda nakhoy shunglak laakhalloi.
4 Maramsina yaathangsi eina nakhoyda thaakhibani haaybasi khangu. Nongthak nongkha anigi mapuna haayri: Leviga yaanakhiba waareptu ei thugaayningde.
5 Eigaa maaga yaanakhiba waareptu punsi amadi engthabagi maramdani. Eina maaga yaanakhibagi maramdi atei amagi natte manaa eibu kina toubagini. Mahaak eibu kina chatkhi. Eigi ming taabada mahaak kijei.
6 Maagi machindagi achumba paaoutaak pirammi. Keidoungeidasu araanba ngangkhide.
7 Mahaakna eigaa loynanaa engna amadi chumna chatpa ngamkhi. Paap touba kayabu manaa kanbikhi.
8 Ashengbasu purohit amagi machindagi loushing meira than-gadabani. Mioibana maagi maphamdagi paaoutaak louba laakkadabani, maramdi mahaakti nongthak nongkha anigi paao chatpa nupaani. Adubu nakhoydi laambel laanna chatkhre. Nakhoygi nachindagi kayaa amaa lammuknakhre. Nongthak nongkha anigi mapuna haayri nangna Leviga eigaa yaanakhinaba waashaktu manghankhre.
9 Maramsina miyaamgi mamaangda nakhoybu haayribasini. Nakhoyna mibu laanna paaoutaak piribamakhei aduga michang mikhaai utlibamakhei eina nakhoybu langthokkani.
10 Eikhoy pumnamak epa amattagi machaa nattra? Mapu amattana shembiba nattra? adu oirabadi karigidamak epa epugi waashak thugaayduna amanaa amabu thajanadriba karigino?
11 Judahda phajaba leitre, Jerusalemda amadi Israelda tukkatchaba thabak kayaa toukhre. Yeng-u, Eeshorna nungshijaraba shangdu Judahna mangthokle aduga lamlaanba laaigi machaa luhongle.
12 Jacobki emugdagi koychat chatpa nattra khundaba kanaagumbana asigumna tourabadi, makhoyna nongthak nongkha anigi Mapu, Eeshorda loipot puraktunasu Eeshorna maabu loi thaagani.
13 Nakhoyna touba hiram amaaga waatli: nakhoyna kappa laaoba toudaba leite. Eeshorgi phambaal mamaangda piga loynanaa changjei. Adubu ebungngodi nakhoygi laannapot nattraga athen pottuda mitchina phaaoba yengbide.
14 Nakhoyna khalli " karigi Ebungngona yengbidribano? maramdi nangna nahaa oiringeida louramba nupidugi matangda Eeshorna nangbu phajanaa khang-e. Phajanaa waashakladuna nupi amaa oina, punsigi sharuk yaaminnabi amaa oinaa louraba matungda nahaak maagi maphamda napukchel shengkhide.
15 Mapu amattana maagi thawaay hakchaang shemkhiba nattra? Mahaakna eikhoygi ephamdagi kari paammi? ashengba echaa esu. Nakhoy pumnamak khangu madudi nakhoyna nahaak oiringeida louba nupishinggi maphamda nattaba lamchat chatloidabani.
16 Israelgi Eeshorna haayri, "khaainababu ei tukkachei. Manungda phattaba lotpa mapaanda aphashaabasisu ei paamde. Maramsina napukning hong-u aduga nattaba thabak touganu.
17 Nakhoyna ngaangba waana Eeshorbu pelhande. Adubu nakhoyna haayri, "matou karamna eikhoyna maabu pelhandriba?" makhoyna haay,"Eeshorgi mityengda phattaba touba mi phaaoba aphaba oi aduga makhoyna adumna toubada mahaak haraaowi. Nattraga nakhoyna haay, "achumbagi Eeshor haaybadubu kadaayda leibage?"