Jeremiah 38

Jeremiahna eeshing leitba guhada leiba

1 Matamduda Mattan-gi machaanupa Sephatiah, Pasurgi machaanupa Gedaliah, Selemiahgi machaanupa Jehucal Malchiahgi machaanupa Pasurna, Jeremiahna mishingda haaykhiba waashingdu taarammi.

2 Eeshorna asumna taakpiri: saaharsida leiba midu thanggi mayada chatkani. Chaak tangba nanggani. Aduga laaichatta yaaogani. Adubu Chaldeanshinggi leibaakta chattuna makhoygi maphamda changjabashingdu mathwaaidu kanjaba ngamgani aduga nungshaangnana paan-gani.

3-4 Matangduda ningthou machaashingna ningthouda haayrammi, “nupaasi angaang olhallasi. Maramdi mahaakna saaharsida leihouriba mishinggi mapaanggal hanthahalli. maasida leithouriba mishingda asigumna waasi haayduna mishinggi jibaasu pikthahalli. Nupaasina mishing sigi nungaai yaaiphaba thouramdi thidaduna maangnanaba khujin thouraang touri.

5 Ningthou Zedekiahna haayrammi, "Yeng-u, nakhoygi nakhutta mahaak leire. Nakhoyna apaambaduda ningthouna karisu haayroi."

6 Maramsina makhoyna Jeremiahbu puraga loisang pannaribashinggi kaada leiba sankiyagi shurungda thourina kiduna thadakhirammi. shurungduda eeshing leiramde. Maphamduda leikhom apetpa leirammi. Jeremiah leikhonda taarammi.

7 Ethiopiangi napungshak ningthou konungda leiba Ebedmelech kouba nupaaduna Jeremiahbu shurungda thadakhre taarammi. Matamduda ningthou Benjamingi sannathong kouba maphamduda phamlammi.

8 Ebedmelechna ningthou konungdagi mapaanda thoraklaga ningthougi manaakta chatladuna haayjarammi,

9 “Eningthou ebungngo, mishingsina Jeremiahbu shurungda thadaduna touribasi aphaba oiroi. Mahaak maphamduda chaaba phangdaduna shigani maramdi saaharsida tal amaa phaaoba Chaaningai leitrabani.

10 "Masigi matungda Ethiopiangi nupaa Ebedmelechta yaathang tourammi, "maphamsidagi mi ahum puduna chatlu. shurungdudagi waa taakthokpa Jeremiahbu shidringeida chingkhatpiru."

11 Ebedmelechna mishingduga ningthougi konunggi phi thamliba mapham amada chatlaga maphamdudagi ariba phi matat mata khara louraga shurungda thouri oinaa shemlaga Jeremiahda pitharammi.

12 Ethiopiangi Ebedmelechna Jeremiahda haayrammi, "thourisiga nasegrakka pannana phijet phigaishingdu thammu." Jeremiahna mahaakna haayba matung ennaa tourammi.

13 Masigi matungda makhoyna Jeremiahbu thouriduda paihallaga shurungdudagi chingkhatpirammi. Asumna amuk Jeremiah loisang pannabashinggi kaduda leikhi.

Zedekiahna Jeremiahgi paaoutaak louba

14 Ningthou Zedekiahna waa taakthokpa Jeremiahbu kouhallammi. Ningthouna mahaakpu Eeshorgi ningnashanggi ahumshuba sannathongda unarammi. Ningthouna Jeremiahda haayrammi, "Eina nangonda waahang amaa hange ningli. Masigi paaoukhum nahaak lotpa yaaroi.

15 Jeremiahna Zedekiahda haayrammi "karigumba eina ashengbadu haayjarabadi Ebungngona nanaaibu angaang olhanbiroidra? adubu nanaaina ebungngoda paaoutaak khara pijarabasu Ebungngona madu loubigadaba leite."

16 Matangduda ningthou Zedekiahna chiron oinaa Jeremiahda waashaktuna haayrammi, "eikhoigi thawaaygi Mapu oiriba Eeshorna saakhi oisanu. Eina nahaakpu nathawaay louge haayduna thiriba mishingdudasu pithokloi. "

17 Masigi matungda Jeremiahna Zedekiahda haayrammi, " Israelgi Eeshor nongthak nongkha anigi Eeshorna asumna taakpiri: Karigumba eningthouna Babylongi ningthou machaashinggi maphamda changjarabadi eningthougi thawaay hingani. saaharsisu mei tharoi. Ebungngoga loynanaa konungsi kanba yagani.

18 Adubu karigumba Ebungngona  Babylongi ningthou machaashinggi maphamda changjadrabadi, saaharsi Chaldeanshinggi makhutta taagani. Makhoyna maasibu mei thaagani. Aduga ebungngo makhoygi makhuttagi naanthokpa ngamloi. "

19 Ningthou Zedekiahna Jeremiahda haayrammi, "Chaldeanshinggi mi oikhraba Jewishshingdubu eihaak yaamna ki. Maramdi makhoyna Chaldeanshingda eibu pithokpa yaai. Makhoyna eibu laaknagani."

20 Jeremiahna haayrammi, "ebungngobu makhoygi makhutta taahalloi. Ebungngoda nanaaina haayjariba Eeshorgi waashingsi enbiyu. Adu oirabadi ebungngoda karisu akaaiba leiroi. Ebungngogi thawaay kanba yagani.

21 Karigumba Ebungngona makhoyda changdrabadi Eeshorna eingonda uhanbikhiba Shangshangna utpibadu asini:

22-23 Yeng-u, Judahgi konungda leiriba nupi pumnamak Babylongi ningthou machaashingna chaktinnagani. Matamduda makhoyna haaygani:

Nahaakki narupshingna nahaakpu lammuknahalle, makhoyna nahaakki mayokta lepli, makhoyna nahaakki nakhongdu leikhomda putthahalle, makhoy mamaay leikhre aduga nahaakpu hundoklamle.Nahaakki taaloishing amadi nachaashingdu Chaldeanshingda pithokkhrabani nashaamaksu makhoygi makhuttagi naanthokpa ngamloi. Nahaakpu Babylongi ningthouna phagani. Aduga saaharsisu mei thaadokkani.

24 Matangdua Zedekiahna Jeremiahda haayrammi, "kana amaa phaaoba waaphamsi khanghanba yaade. Nahaak angaang oihalloi.

25 Karigumba ningthou machaashingna eihaak nahaakki naphamda laaktuna nangonda waashingsi hangkhi taabada makhoyna laaktuna nangonda hanglagani. Makhoyna nangonda kari haaykhibage shengna tammu nahaakki nathawaay kanbige haayrabadi,

26 Nahaakna makhoyda haaygadabadi "eina eningthouda nollukna hanggatchakhiba haaybabu Jonathangi yumda amuk haanna thabiganu, nanaaibu maphamduda sihanbiganu haaysini, nanaaibu maphamduda sihanbiganu haaysini haayyu."

27 Matungda ningthou machaashingna Jeremiahda laaktuna hanglammi. maduda mahaakna ningthouna maangonda taakpikhiba gumna khum-lammi. Makhoyna hanglamlaga chatkhre. Maramdi ningthouga sannakhiba waaridu kanaanasutakhide.

28 Jerusalembu laakshin-driba numittu phaaoba Jeremiah loisang pannabashinggi kaduda leirammi.