Jeremiah 14

1Kum kangbagi matangda Eeshorna Jeremiahda haaybikhiba waashing:

2 Tengthari Judahna, masigi saaharshingdusu erang laangle, leimaayda olladuna masigi mishingna tengthaajari, houna laakli Jerusalemna tengthaabagi makhondu.

3 Masida leiba phamnaaibashingna manaaishing thaaduna thihalli eeshing, chatli makhoyna guha leiba mapham khuding, phangde makhoyna laaija erik amaa phaaoba,hallak-e makhoyna ehang haangna puduna korphudu makhoygi, nangle makhoy ekaaiba, kupchari makhoygi mamaidu phijina.

4 Malemsida chakthok leitre. Maramdi nong tadaba maramna, nangle ekaaiba lou-ubashingdu, maramsina kupsilli makhoygi mamaidu phijina,

5 Shaaji amomna loubukta machaa hundoklamlaga chen-gani, maramdi chaaba phangloi naapi maphamduda,

6 Machinjaak Chaaningai leitrabada lamlakta leiriba lolashingna nungshit phaaduna chagadabagi ngaaiduna leiri. keishaalshingna toubagum makhoygi mamit usillaktre,

7 Eikhoina toujaba paaptuna eikhoygi mayokta leidunasu, he Eeshor, ebungngogi minglendugi matik mayaaidu yengduna tuminna leithokpiganu. Eikhoyna toukhiba araanba thabakshingdu mashing thaaduna loiroi, aduga ebungngogi mayokta toukhrabani eikhoyna paap kaya,

8 He ebungngo, Israelgi asha oinaa leibiriba, laanbiba mapuni ebungngodi mahaakki awaaba taaraba matamda, leibaaksida ebungngo lamlaanba mi oinaa leigadra? ahing yaareknaba khaangpok shemliba kanaagumba migi matoudu oinaa leiragadra?

9 Khanghoudana loushing mangba migumna nahaaksu touragadra? Mapaanggaldi leiba adubu lanbibadi ngamdaba midugi matougumna leiragadra? he Eeshor, ebungngodi leibiri eikhoygi erakta, koubiri eikhoybu ebungngogi minglen panduna maramsina nanaaishingbu thaadokpiganu.

10 Mishing sigi matangda Eeshorna asumna taakpiri: pamjei makhoyna eigi laambeldudagi natheidu chatpa, chatchari makhoyna pamjaba maphamdu younaba, maramsina Eeshorna makhoyda thoina mitaruba leitre. Houjikti makhoyna toukhiba paapshingdu ningshingbiduna, pibiragani dandi matik chana.

11 Masigi matungda Eeshorna eingonda haayrammi, "mishingsigi nungaai yaaiphaba niduna nahaakna eigi ephamda haayjarakkanu.

12 Nakhoyna chara hellabasu makhoyna haayjabadu eihaak taaroi. Makhoyna meida thaaduna amadi mahei maronggi pujanachingba tourabasu eihaak louroi. Eina makhoygi aroibadu thang, chaak tangba amadi marai tahanduna thok-han-gani. "

13 Maduda eina haayrammi, "he mapaa ebungngo Eeshor, yengbiyu, waa taakthokpa shingna makhoyda haayri, "nakhoyna thang amatta uroi, aduga chaak tangbasu khangloi. Maramdi ebungngo mahaakna leibaaksida aroiba leitraba chaaokhat-padu oihanbigani."

14 Eeshorna ebungngoda taakpirammi, "waa taakthokpa shingna eigi mingda araanba waa phongdokli. Eina makhoybu thaajade. Eina makhoyda yaathangdu pide. Makhoyda thoidokpa Eina waa atei atei phongdokkhibasu leite. Makhoyna nakhoyda kannanaba tungda thokkadaba haayri waa aduga laanna makhoyna araanba laaibaonachingba piri.

15 Eigi ming panduna laanna waa takthokliba waa taakthokpa shingsigi matangda Eeshorna asumna taakpiri: eina makhoybu thadrabasu phongdokli makhoyna wa. Haayjari makhoyna leibaaksi thangna karisu touba yaaroi. Chaak tangbasu thokloi. Haayriba waa taakthokpa shingdu thanggi mayada chatkani. Aduga makhoy chara hen-gani. Masina makhoy tumna maanghan-gani.

16 Makhoyna waa phongdokpada taariba mishingsisu Jerusalemgi laambelda langthokkani. Nanggani makhoy chaak tangba aduga chatkani makhoy thanggi mayada. Makhoybu phumbinaba kanaasu leiroi. Makhoynga loynanaa matu machaanupa amadi nupishingsu phumbinaba kanaasu leiroi, makhoyna toujaba phattaba thabakshingdugi maheidu makhoyda taahangani.

17 Makhoyda nahaakna haaygadaba waadu asini: ahing nungthin animakta eigi emittagi taraksanu atatpa leitana piraang, leitasanu atatpa piraangdu, manghankhre eigi mishinggi khoidon shetliba machaanupishingdu, laaknabikhre thina makhoybu,

18 Eina loubuk thokpa matamda, uri taaduna leiba ashibaa mashaadu makhoygi, saaharda changba matamda, uri chaak tangbagi awaabadu, waa taakthokpa amadi purohit shingna leibaaksi thungna chattuna chakniri.

Miyaamna ebungngoda changjaba

19 Ebungngona Judahbu pum een enthokpikhrabara? ebungngo makna Zionbu awaabagi potlum puhanbiribara? kari maramgidamak nahaakna eikhoybu yeithubiribano? eikhoygidamak aphaba haaybadu udre, awaabada awaaba happiribra?

20 Eikhoina phattaba toukhre haaybadu yaajare, he Eeshor yaajare eikhoygi epa epushingna phattaba toukhi haaybadusu, ebungngogi mayokta toukhre eikhoyna araanba,

21 Ebungngogi minglengi matik mayaai ngaanthoyduna leiriba maphamdu manghanbiganu, nahaakki natik nayaaigi khubham oiriba shinghasandusu manghanbiganu, ebungngo amadi eikhoyna yaanakhiba areppa waashaktu kaobiganu, atoppa Jaatshinggi araanba laaishingduna nong taahanba ngambra? Nongmadonna mashaana khangna nong tahanbra? he Eeshor, nahaak Eeshor natra? eikhoyna ebungngogi naphamdagi asha touribadu thunghanbiraroidra? Thokliba thabak pumnamak Ebungngona toubiba ngaktani.