Psalm 92

Thagat eshei

1 He Eeshor, ebungngobu thaagatuna leijabasida kayagi matik nungaaijaba, thoihenba Eeshor, ebungngogi natik sakchaba matamda kayagi matik haraaojaba.

2 Ebungngogi nungshibadu ayuk khuding sheithaaduna amadi numidaangda ebungngogi hongnaidaba nagundu sakpadu nungaaibani.

3 Bina amadi pena paayduna khongbadagi thorakpa nungshiba makhondu taabada kayaada nungaaijaba.

4 He Eeshor, nahaakki angakpa thabakshingduna nanaaibu sumhatli. Ebungngona toukhiba thabakshingdu thaaduna pukningda haraaojei.

5 He Eeshor, Ebungngona touba thabakshingsi kayaada chaaoba, ebungngogi waakhanna lamba phangdaba karisu leite,

6 Masidi apangba mina khangba ngamde, loushing leitba kanaana maasibu lamba phangde.

7 Phattabashingdu napigumna hougatlakpa yaai, araanba toubashingdu yaaipharakpa yaai, adum oinamak mameithangda makhoy tumna maanggani.

8 Maramdi he Eeshor, Ebungngona taaibangsida eechaao chaaobani.

9 Ebungngogi yeknabashingdu shigani haayba eikhoy khang-e, phattabashingdusu maaythiba pibigani.

10 Lamshanggumna Ebungngona nanaaigi paanggal happire, Ebungngona nanaaibu kubire'

11 Nanaigi yeknabashingdu maaythihanbibadusu ujare, phattabashingna laaoribadusu taare.

12 Thangtup paambigumna achumbadu yaaipharakkani, Lebanangi deodargumna makhoy chaaokhatlakkani.

13 Makhoydu Eeshorgi ningnashangda houriba upaan-gum oigani, epuroigi shonnapungda manaa pungna hougani.

14 Matam kuina houraklaba oidunasu mahei yaamna paan-gani, aduga matam leibada manaa shaangna leigani.

15 Masina takpadi Eeshordi achumbani, ngaakpiheiba Mapuna araanba toude.