Matthew 26

Jesus hatnanabagi khujin thourang

( Mark 14.1,2; Luke 22.1,2; John 11.45-53 )

26 Amahiksung asum thoklare, Jesusna wa pumnamak asi loiraga, Ibungona seboksingda haire, 2 Numit ninigi matungda aran-chakkhangba thok-i, amasung migi macha nipa adubu crossta hatnaba pithok-i haiba nakhoina khangi. 3 Matam aduda Caiaphas kouba Purohitlen-gi sumangda athoiba purohitsing amasung mishinggi ahallamansing khundinnare; 4 Amasung makhoina marei mara touduna Jesusbu phaduna hatnanaba wa tanare. 5 Touigumsung mishinggi marakta ninnadananaba Chakkhangba matamda oiganusi, haina makhoina hainei.

Bethanyda Jesusbu thao heibiba

( Mark 14.3-9; John 12.1-8 )

6 Amahiksung Jesusna Bethanyda leiringeida, kusthi thungba Simon-gi yumda, 7 Nupi amana mamal yamna luba teinathao happa angouba nungphu ama puduna Ibungogi maphamda lakle, amasung Ibungona luk haringeida, mahakna madu Ibungogi kokthakta heithabire. 8 Touigumsung seboksingna madu ubada nungaitaduna hairak-i, amangba asi kari maramgidamakno? 9 Maramdi masi mamal yamna sitna yonthoklaga, lairabasingda piba yaramgadabani. 

10 Touigumsung Jesusna madu khangladuna makhoida haire, nupidubu nakhoina karigidamak otlibano? Maramdi mahakna eingonda aphaba thabak toubire. 11 Maramdi lairabasingdi itattattana nakhoiga leiminnei, Touigumsung eidi itattattana nakhoiga leiminaba natte.

12 Maramdi mahakna teinathao asi eigi hakchangda heithaduna eibu phumnabagidamak thourang langnanaba toubire. 13 Eina nakhoida thanggei sengna hairibani, taibangpal apumbada aphaba wapao asi sandokkadaba mapham khudingmakta, nupi asina toubikhiba adusu mabu ningsingnanabagi damak ngangthokkani.

Judas Iskariyot marou

( Mark 14.10,11; Luke 22.3-6 )

14 Matam aduda Judas Iskariyot kouba, taranithoigi amana athoiba purohitsingda chatkhiduna haire, 15 Eina mahakpu nakhoida pithoklaga, nakhoina eingonda kari piningbage? maduga makhoina mangonda lupagi shen kunthra onbire. 16 Amasung matam adudagi mana Ibungobu pithoknaba khudong chaba thirammi.

Ikon kouba chakkhang

( Mark 14.12-21; Luke 22.7-13; John  13.21-30 )

17 Amahiksung hamei yaodaba talchakkhangbagi ahanba numitta seboksingna Jesusda laktuna hairei, aran-chakkhangba adu hananaba Ibungogi damak eikhoina kadaida thourang semjaba Ibungona pambibage? 18 Aduga Ibungona hai, saharda changduna asigumba mida hairu, guruna hai, eigi matam nakle; nahakki yumda eigi seboksingga loinna eina aran-chakkhangba adu ngakchage. 19 Amasung Jesusna makhoida takpibagumna, seboksingna touraduna aran-chakkhangba adu thourang toure.

20 Amahiksung numidang oirabada, sebok taranithoiga Ibungoga phamminnarammi; 21 Amasung makhoina charingeida, Ibungona hairak-i, eina nakhoida thanggei sengna hairibani, nakhoigi naraktagi amana eibu pithokkani. 22 Aduda makhoina thoidokna pukning waraduna, Ibungoda mi khudingmakna hanggatcharak-i, einara, prabhu? 23 Aduga Ibungona khumlak-i, pukhamda eiga loinana khut lupminnaraba mahak asimakna eibu pithokkani. 24 Migi macha nipa aduna magi maramda ikhiba adugumna chatlibani, Touigumsung migi macha nipa adubu pithokpa mi aduda awabanida! Mi aduna poklamdragadi, magi damak pharamgadabani.  25 Aduda Ibungobu pithokpa Judasna khumlak-i, einara, Rabbi? Ibungona mangonda hai, nangna haidokchare.

26 Amahiksung makhoina charingeida, Jesusna tal louduna bor piraga, madu thugaire, amasung seboksingda piduna hai, louduna chao; masi eigi hakchangni 27 Aduga Ibungona tenggot louduna thagatcharaga, makhoida piduna hai, nakhoi pumnamak masidagi thak-u; 28 Maramdi masi walepnaba adugi, pap koknanaba ayambagidamak tabikhraba eigi eeni. 29 Touigumsung eina nakhoida hairibani, Ipagi leibakta nakhoiga loinana anouba thakminnagadaba numit adu oidriba phaoba, eina matam asidagi houna drakha mahei asidagi thaklaroi.

Jesusbu seboksingna thadokkadaba adu Ibungona mangjounana khanghanba

( Mark 14.27-31; Luke 22.31-34; John 13.36-38 )

30 Aduga makhoina ishei saklaga Mount of Olives chingda chatthokkhre. 31 Matam aduda Jesusna makhoida hai, nakhoi pumnamak ahing asida eingonda khudi thiba thokkani, maramdi masi ikhrabani, eina yaosenbabu yeithugani, amasung yao shanggu adu ichai chaithoklagani. 32 Touigumsung eibu hinggatpiraga, eina nakhoidagi hanna Galileeda chatkani. 33 Adubu Peterna Ibungoda khumjarak-i, pumnamakna Ibungoda khudi thiba thoklagasu, eidi kadoungeidasu khudi thiba thokcharoi. 34 Jesusna mangonda hairak-i, eina nangonda thanggei sengna hairibani, ahing asida yellaba khongdringeida, nahakna eihakpu ahumlak yaramloi. 35 Peterna Ibungoda hai, eina Ibungoga loinana siba phaoba tarabasu, eidi Ibungobu yadaba suptou toujaroi, Adugumna seboksing pumnamaknasu haire.

Gethsemaneda Jesusgi thawai waba amasung Ibungobu phaba

( Mark 14.32-42; Luke 22.39-46 )

36 Matam aduda Gethsemane kouba maphamda Jesusna makhoiga loinana lenglakpada, seboksingda hai, eina ada chattuna haijaringeida, nakhoi asida phamlammu. 37 Amahiksung Ibungona mahakka loinana Peterga Zebedeegi macha nipa aniga purammi, aduga Ibungona waba amasung pukning olang onsaonaba houre. 38 Matam aduda Ibungona makhoida hai, eigi thawaisigadouba makhei ware; nakhoi asida leiduna, eiga loinana mitseng khangu. 39 Aduga Ibungona mamanglom khara lengthoklaga, uprakna tuthajaduna haijarak-i, he Ipa, masi oiba yarabadi eingondagi tenggot asi lanthoksanu; adum oinamakpu eigi ningbagum oidaduna, Ibungogi ningbagum oibiribani. 40 Amasung Ibungona seboksingda lenglakpada, makhoi tumlamba phangi, aduga Peterda hai, nakhoi eiga loinana pung ama asum mitseng khangba ngamdra? 41 Nakhoina athembada changdananaba, mitseng khangduna haijou; thawainadi maningi, Touigumsung hakchangnadi solli. 42 Amukka anirak hanna Ibungona lengkhiduna haijarak-i, he ipa, eina masibu thakpa nattanadi, asi lanthokpa ngambidrabadi, Ibungogi ningba oisanu. 43 Amasung Ibungona amuk lenglakpada makhoi tumlamba phanglare, maramdi makhoigi mamit lumtharammi. 44 Aduga Ibungona makhoibu amuk thanamduna lengthokkhraga, chap mannaba wahei, amuk haiduna, ahumlak suba oina haijei. 45 Matam aduda Ibungona seboksingda lenglaktuna hai, houjiktagidi tumduna pothajaro; yengu, pungpham adu nakle; migi macha nipa adubu papchenbasinggi makhutta pithok-i. 46 Hougatlu, eikhoi chatlasi; yengu, eibu pithokpa mi adu nakle.

47 Amahiksung Ibungona wa nganglingeimaktada, yengu, Judas, taranithoigi ama adu lakle, amasung athoiba purohitsing amasung mishinggi ahallamansingdagi kabakthangga cheiga paiba miyam yamna maga loinari. 48 Aduga Ibungobu pithokpa mi aduna makhoida khudam ama piduna hairammi, eina chupkadaba mahak aduni; mabu phao. 49 Khudak adumaktada mana Jesusgi manakta laklaga, khurumjari, Rabbi, haiduna Ibungobu yamna chuple. 50 Aduga Jesusna mangonda hai, marup, nang kari maramgi laklibage? Matam aduda makhoina laktuna Jesusbu khutphangnana phare. 51 Amahiksung yengu, Jesusga loinaba makhoi adugi amana makhut lamthoklaktuna magi kabakthang satlaga, Purohitlen-gi minai adubu yallakpada mana soidatle. 52 Matam aduda Jesusna mangonda hai, nanggi kabakthangdu maphamda amuk hapchillu; maramdi kabakthang paiba makhoi pumninnakna kabakthangna manggani. 53 Aduga sargadutki legion taranithoidagi henna inakta houjikmak thabiraknaba eina Ipada haijaba ngammoi haina nahakna ningbra? 54 Adugumna tourabadi, sastrana asumna oiba tare haiba adu karamna thunglamgadabage? 55 Pung aduda Jesusna miyamsingda haire, dakubu phagadabagum kabakthangga cheiga loinana eibu phananaba nakhoina thoklaklabara? Numit khuding eina Ishor ningnashangda tambiduna phamlamlabasu nakhoina eibu phade. 56 Touigumsung Ishorgi wa takthokpasinggi sastra adu thungnanaba pumnamak asi thoklare. Matam aduda seboksing pumnamakna Ibungobu thadoktuna chenkhre.

Purohitlen-gi mangda Jesusbu wayelba

( Mark 14.53-65; Luke 22.54,55,63-71; John 18.13,14,19-24 )

57 Aduga Jesusbu phakhibasing aduna sastragi ojhasing amasung ahallamansingna tinnaramba, Caiaphas Purohitlen-gi maphamda Ibungobu pukhatkhre. 58 Adubu Purohitlen-gi sumang phaoba Peterna Ibungogi tung thapna illammi, aduga manungda changlaga, matungda kari thokkadage yengnaba phamnaibasingga phamminnei. 59 Amahiksung athoiba purohitsingga ahallup apumbagana Jesusbu hatnanaba aranba sakhi thirammi; aduga minambasakhi piba mi ayambana laklabasu, makhoina karisu phangde. 60 Touigumsung konathangda mi ani laktuna hairei, 61 Eina Ishor ningnashang adu manghanba amasung madu numit humnida saba ngammi, haiduna mi asina haire. 62 Aduga purohitlenna hougattuna Ibungoda hairak-i, nang karisu khumlaroidra? Nanggi nathakta mishing asina piriba sakhi asi karino? 63 Adubu Jesusna tuminna leire, Amahiksung purohitlenna Ibungoda hairak-i, Ishorgi macha nipa Christ adu nang oi, oide, eikhoida hainanaba eina nangbu ahingba Ishor yengduna sari solhalli. 64 Jesusna mangonda hai, nahakna haikhre; adum oinamakpu eina nangonda hairi, asigi matungda migi macha nipa aduna matik chaobagi yethangbada phamba amasung sargagi leichinda lenglakpa nakhoina ugani. 65 Matam aduda purohitlenna maphi segaiduna hairak-i, mana Ishorbu thina ngangkhre, Asidagi henna eikhoina sakhi louba kari kannabano? yengu, Ishorbu thina ngangbadu nakhoina tare; 66 Nakhoina kari khanbage? makhoina khumlak-i, mahak siba matik chai. 67 Matam aduda makhoina Ibungogi maida tin sitchinduna, khudumna sure; aduga ateisingna Ibungobu khubakna thaduna hai, 68 He Christa, nangbu kanana phubage? eikhoida takthoku.

Jesusbu Peterna Jadaba

( Mark 14.66-72; Luke 22.56-62; John 18.15-18,25-27)

69 Amahiksung Peterna mapangi sumangda phamlingeida, minai leisabi ama laktuna mangonda hairak-i, nangsu Galileegi Jesusga loinarambani. 70 Touigumsung mahakna makhoi pumnamakki mamangda yadaduna hairak-i, nangna hairiba adu ei khangde. 71 Aduga mahakna mangonda chatthokpada, atei leisabi amana mabu uraduna, maduda leibasingda hai, nipa asi Nazarethki Jesusga loinarambani. 72 Amasung eina mi adubu khangde, haiduna sari sonbaga loinana mahakna amuk yadare. 73 Ngaihak leiraga manakta leplamba makhoina laktuna Peterda hairak-i, aoibamak nangsu makhoigi maraktagini, maramdi nanggi wangangna nangbu khanghanbani. 74 Matam aduda, mi amabu eina khangde, haiduna mahakna masabu serap toujaba amasung sari sonba hourakle. Aduga khudak adumaktada yellabana khongle. 75 Amasung, yellabana khongdringeida nangna eibu ahumlak yaramloi, haina Jesusna haikhiba wa adu Peterna ningsinglakle, Adudagi mahakna mapan thokkhiduna thawai sokna kaplure.