Numbers 13

Lamit tumit yengnaba mi thaarakpa

1 Adudagi Eeshorna Mosesda haayrammi,

2 Eina Canaangi laamshi Israelgi mishingda pibigani. Marashina houjik  Canaangi laamda lonna lamit tumit yenglunaba mi khara tharo. Tribe khudingmaktagi luchingba amam mam khandoklaga tharo.

3 Israelgi mishinggi makok oinaa leiriba mishingdu Mosesna Eeshorgi yaathang matung ennaa khandoklaga Paran-gi lamhaangdagi Canaan taanna thaarammi

4 Makhoygi mamingshingdi:

Reuben tribetagi Zakkurgi machaanupa Shammua,

5 Simeon tribetagi Horigi machaanupa Shaphat,

6 Judah tribetagi Jepunnehgi machaanupa Caleb,

7 Issachar tribetagi Josephki machaanupa Igal,

8 Ephraim tribetagi Nungi machaanupa Hoshea

9 Benjamin tribetagi Raphugi machaanupa Palti,

10 Zebulun tribetagi Sodigi machaanupa Gaddielel,

11 Manasseah tribetagi  (Joseph tribeki manungda leiba) Susigi machaanupa Gaddiel,

12 Dan tribetagi Gemalligi machaanupa Ammiel,

13 Asher tribetagi Michaelgi machaanupa Sethur,

14 Napthali tribetagi Vophsigi machaanupa Nahbi,

15 Gad tribetagi Makigi machaanupa Geuel,

16 Mathakta paalliba mishingsi Mosesna lamit tumit yenglunaba thaakhiba mishingni. Mosesna Nun-gi machaanupa Hoshea koubadu onthoktuna Joshua koukhi.

17 Mosesna mishingsi Canaan-gi lamdu lonna yenglunaba thaaba matamda haayrammi," Negebki waangma laanduna chingda mi taariba maphamdu taanna chatlu.

18 Leibaaktu karam touwi haaybasi phajanaa yenglaga laakkadabani. Maphamduda leiriba mishingdu kalli nattraga sholli haaybadu phajanaa yenglaga laakkadabani. Makhoy mashing yaammi nattraga yaamde haaybadusu munna khanglakkadabani.

19 Makhoyna leiriba leibaakttu leihao lei leite haaybadusu phajanaa khanglakkadabani. Makhoyna leiriba saaharshingdu laanbangumna shaaba nattraga yum oinaa shaaraga leibara haaybadusu yengadabani.

20 Leibaaksi chaaba thakpa haoba leibaakla nattraga u waanachingba phajanaa houbara haaybadusu yenglakkadabani. Nathouna lieyu. Maphamduda houba mahei marong kharasu puduna laak-u. Matamsi ahaanba angur mahei lokpa matamni.

21 Asumna makhoyna Hamathki manaakta leiba Jingilamhangdudagi Rehob kouba maphamdu youba phaaoba lonna yengba chatlammi.

22 Makhoyna Negav youraga Hebronda laaklammi. Mathang mathang oinaa makhoyna Ahiman, Sesai, amadi Talmaida laaklammi. Haayriba lamsida Anakki machaa-masushing taarammi. (Egyptki Zoan kouba maphamdudagi masina chahi taret haanna shaagatkhibani.)

23 Makhoyna Eskolgi tampaakta thungba matamda chaarong amatta paanba angur masha amaa kakladuna mi anina cheida lengduna purammi. Makhoyna kaphoi amadi theibong kharasu purakkhi.

24 Maphamdubu Eskol koukhi. Maramdi Israelgi mishingna maphamdudagi chaarong amaa kaktuna purakkhi.

25 Numit niphuni chupnaa lonna lamit tumit yenglaba matungda makhoy hallakkhi.

26 Kades kouba lamduda leiba Paran-gi lamhaangda potthaaduna leiriba Israelgi ahanshing amadi Moses amadi aronda makhoyna laaklaga paao tamlammi. Makhoyna Moses, Aaron amadi ahanshingda paao tambaga loynanaa mahei marongshingdusu uhallammi.

27 Makhoyna Moseda haayrammi, "Ebungngona thaabiba lamduda nanaai eikhoy chatcharure. Lamsi thoidokna leihao Phaba mapham amani. Maasi chingnaningai leitraba waaphamni. Lamduda pallamba mahei marongsu asini.

28 Adubu leibaaktuda leiriba mishingdu mapaanggal yaamna kanba jaat oinaa ui. Makhoyna leiriba saaharshingdu laanbangunna shaaduna lei. saaharshingdu chaaoi pumnamaksigi mathakta Anakki dhaara kharasu maphamduda khundaduna leiba urak-e.

29 Negavta Amalekshing tari. Chingdana Hittishing, Jebusishing amadi Amorishing tari. Samudra khongbal amadi Jordan turenda mapaanda Canaanshing tari.

30 Mosesgi mathakta mi kharana waakattuna leirambadu Calebna tumin leihallaga asumna haayrammi, "thinthaba leitana laan changlasi. Lamsi eikhoygi ekhut chanba ngamgani. Eikhoy mi phana yaammi."

31 Matamduda mahaakka loynanaa chatluba mishingduna haayrammi, "maphamduda leiriba mishingdu ekom komna eikhoyna laakshinba ngamloi. Makhoyna eikhoydagi henna kalli."

32 Makhoyna yengluba lamdugi maramda makhoyna araanba paao amaa Israelgi mishinggi marakta sankokhi. Makhoyna haayrammi, "eikhoina tuminna yengluba leibaakttudi maphamduda leiba mishingna chaaba oknaba chinjaak phaaoba thok-hanba ngamde. Adugisu mathakta maphamduda leiba mishingdu yaamna waang-e.

33 Maphamduda Anakki dhaaraahingchabashingdu taaba urak-e. Eikhoysi makhoygi mamaangda koujenggumbani. Makhoyna eikhoybu koujenggum ugani."