Galatians 1
Galatianda Paulna eba laairik Khurumjaba
1 Mishingdagisu nattaba, migi mapaannasu nattaba, adubu Jesus Christagi amasung ebungngobu ashibashinggi maraktagi hingatpiraba mapaa Eeshorgi mapaanna paakhon-chatpa oiraba Paulna,
2 Amasung eigaa loynaba echin-enaaoshing pumnamakna Galatiangi shinglupshingda:
3 Eikhoygi epa Eeshor amasung ebungngo Jesus Christadagi thoujaal amasung engthaba nakhoyda leibisanu.
4 Eikhoygi Eeshor amasung epaagi ningaba matung ennaa matam asigi phattaba taaibang paanbadagi eikhoybu kanbina naba, Ebungngona mashaamakpu eikhoygi paapkidamak pibire.
5 Epa Eeshor asida loyba naaidana matik mangaan oisanu. Amen.
Galatianshinggi marida Paulgi ningba kaiba
6 Christagi thoujaanna nakhoybu koubiba ebungngo mahaakpu thaadoktuna tongaanba aphaba waapaao amada nakhoyna asup thuna hongi haaybada eina engak ngaki;
7 Aphaba waapaao asi atei amaa natte; mi kharana nakhoybu ottuna, Christagi aphaba waapaao adu seraannahanningbatani.
8 Touegumsung eikhoyna nakhoyda shaandoklamba aphaba waapaao adudagi onna teinaba aphaba waapaao amaa nakhoyda eikhoymakna nattraga swargadagi dut amanaa shaandoklaba di, mahaak siraap phangsnu.
9 Eikhoyna mamaangeida haaykhiba gumna, eina houjiksu amuk haayri, haaybadi, kanaagumba mina nakhoyna phangkhraba adudagi onna teinaba aphaba waapaao amaa shaandoklaba di, mahaak siraap phangsnu.
10 Maramdi eina houjik mishinggi yaana-naba thiribra, nattraga Eeshorgira? nattraga eina mishingbu pelhanba honaribra? eina houjiksu mishingbu pelhallamlabadi, eina Christagi manaai oijaramloidabani.
Mahaakki aphaba waapaao adu Christadagini, mishingdagi Natte
11 Maramdi, echin-enaaosha, eina shaandokpa aphaba waapaao adu mioibagi matung enba natte haaybagi marida eina nakhoybu khanghanjari.
12 Maramdi eina maasi mioibadagi phangbasu natte, tamjabasu natte adubu Jesus Christana phongdokpibagi mapaannani.
13 Maramdi mamaangeide Jewish-shinggi dharmada eina chatlamba matou nakhoyna taare, haaybadi, eina Eeshorgi shingluppu kayaa otneiduna manghannaba tourammi;
14 Amasung eigi epa epushingna chatna-rakliba adugi damak thoidok hendokna thawaay yaaoduna, eigi ereipakki mishinggi marakta emannaba ayaambada gi Jewish-shinggi dharmada eina mang thaarammi.
15 Touegumsung atoppa Jaatshinggi marakta eina ebungngo mahaakki, machaanupabu shaandokna-naba, eibu emagi puknungdagi khaaidok oiduna,
16 Ebungngo mahaakki thoujaalgi mapaanna koubiba Eeshorna eigi nungda ebungngobu phongdokpininglabada, khudak aduda eina ee amasung tong yaaobaga waa tanarude;
17 Aduga Jerusalem taanna eigi emangda paakhon-chatpashing oiramba aduda eina chatte, adubu eina Arab leibaakta chatthoklui, aduga Damascusta amuk hallak-e.
18 Matung aduda chahi ahum leiraga eina Jerusalem taanna Cephasbu unanaba karuduna, mahaakka numit taraamangani leiminnarammi.
19 Adubu Eeshorgi manaao James nattana eina paakhon-chatpashing atei kanaa amatabu ude.
20 Eina houjik nakhoyda eri eriba asidi, yeng-u, Eeshorgi maangda ei chin thide.
21 Adugi matungda eina Syria amasung Kalikiyagi maaykeida laakle.
22 Aduga Christada leiba Judeagi shinglupshingna eibu shaak khanglamde;
23 Adubu, ahaanbada eikhoybu otneiramliba niahak aduna ahaanbada manghanlamliba thaajaba adu houjikti mahaakmakna shaandokli, haayba makhoyna tarambatani;
24 Aduga makhoyna eigi maramda Eeshorbu thaagat-charammi.