Romans 8

Thawaai asengbada  hingba

8 maram aduna houjik Christa Jesus-da leiribasingda araanba taahanba leite. 2 maramdi Christa Jesus-da Leiba hingbagi thawaay adugi waayel yaathang aduna eibu paapki amasung sibagi waayel yaathang adudagi ening tamhalle 3 maramdi hakchaangna solhanba waayel yaathangna touba ngamdaba adu, Eesor-na ebungngo mahaak-makki machaa-nupaabu paap-chenba hakchaanggi maong oinaa amasung paapki damak thabiraktuna, hakchaangda paap adubu araanba taahalle; 4 aduna hakchaangdi matung ennaa chatpa nattana, thawaaygi matung ennaa chatpa eikhoyda waayel yaathang aduna haayba adu thungna-nabani. 

5 maramdi hakchaanggi matung enbasingna hakchaanggi oiba adu ningi, adubu thawaaygi matung enbasingna thawaaygi oiba adu ningi. 6 maramdi hakchaanggi ningba adu sibani, adubu thawaaygi ningba adu hingba amasung engthabani. 7 maram aduna hakchaanggi ningba aduna Eesori mathakta yeknabani; maramdi maadu Eesor-gi waayel yaathang adugi maakha ponde, adugaa ponbasu ngamde; 8 Amasung hakchaangda leibasing aduna Eesor-bu pelhanba ngamde. 

9 touegumsung Eesor-gi thawaayna nakhoyda leirabadi, nakhoyna hakchaangda leiba natte, thawaayda leibani. adubu kanaagumba mida Christagi thawaay leitrabadi, mahaakti ebungngo-gi oide. 10 Amasung Christana nakhoyda leirabadi, hakchaangdi paapki maramna sibani, adubu thawaaydi dharma chenbagi maramna hingbani. 11 touegumsung Jesus-bu asiba-singgi maraktagi hinggatpiraba ebungngo mahaak adugi thawaay aduna nakhoyda leirabadi, Christa Jesus-bu asiba-singgi maraktagi hinggatpiraba ebungngo mahaak aduna nakhoyda leiriba ebungngo mahaakki thawaay adugi mapaanna nakhoygi sigadaba hakchaangbusu hinghanbigani.

Eesor-gi machaa-nupaasing

12 adunadi, echin-enaaosa, eikhoyna hakchaanggi matung ennaa hingnaba hakchaangda laman tonba natte; 13 maramdi nakhoyna hakchaanggi matung ennaa hinglabadi, nakhoy sigadabani; adubu thawaaygi mapaanna nakhoyna hakchaanggi thabak adu sihallabadi nakhoyna hinggani. 14 maramdi Eesor-gi thawaayna chingbiriba makhei asidi Eesor-gi machaa-nupaasingni. 15 maramdi nakhoyna amuk kinanaba minaai oibagi thawaay phangba natte, adubu yokchaba machaa nupaa oibagi thawaay nakhoyna phangle; aduna eikhoyna, Abba! epa! laojei. 16 eikhoy Eesor-gi machaasingni haayba thawaay ebungngo mahaakna eikhoygi thawaayga loynanaa saakhi pibi; 17 adugaa machaasing oirabadi, yumlepcharasu oire; ebungngo-ga loynanaa eikhoyna matik mangaan phangminnanaba, ebungngo-ga loynanaa eikhoyna awa khangminnaba oirabadi, Eesor-gi yumlepchara amasung ebungngo-ga yumlepchara oiminnaba oire.

Oiragadaba matik mangaan

18 maramdi houjik matam asigi awa khangliba adu eikhoyda phongdokkadaba matik mangaan adugaa chaangdamnaba matik chaaba natte haayba eina singthanei. 19 maramdi lengli paallibasinggi khouraangna ngaijaba aduna Eesor-gi machaa-nupaasingbu phongdokpibagi damak ngaijari. 20 maramdi lengipallibasingna kannadabagi maakha ponba asi maagi maagi apaambadagi natte, adubu tarang tarang khangna ningduna maadubu maakha Paulhalliba ebungngo mahaakki maramnani; 21 maramdi lenglipallibasingmakpusu mangbagi manaai oibadagi Eesor-gi machaasinggi matik mangaangi maning tamhanbibada thaadokpigani. 22 maramdi lenglipalliba apumbana houjik phioba naheminnari amasung naaoyek naothin phangminnari haayba eikhoyna khang-e. 

23 Amasung madutasu natte, adubu thawaaygi ahaanba mahei phangba eikhoymaksu yokchaba machaa nupaa oiba, haaybadi eikhoygi hakchaanggi handokpiba, adugi damak ngai jaringeida, eikhoy esaagi manungda eikhoymakna nahejari. 24 maramdi eikhoybu tarang tarang khangna ningbana kanbire; touegumsung una ningba adu tarang tarang khangna ningba natte, maramdi mahaakna uriba adugi damak kanaana tarang tarang khangna ningbage? 25 adubu eikhoyna udaba adugi damak eikhoyna tarang tarang khangna ninglabadi, eikhoyna maadugi damak khangheina ngaijei.

26 Amasung adugumduna thawaay adunasu eikhoygi asonbada pang-bi; maramdi eikhoyna kari karamna haayjagadaba khangjade, adubu thawaay ebungngo mahaak-makna hainingai leitba nahebaga loynanaa eikhoygidamak waanombi. 27 Amasung pukningbu thiriba ebungngo mahaakna thwaai adugi pukning karino khangbi, maramdi ebungngo mahaakna Eesor-gi ningba matung ennaa aseengba misinggi damak waanombi. 28 Amasung Eesor-na ebungngo mahaakpu nungsiba-singda, haaybadi, ebungngo mahaakki ningba matung ennaa koubiba makhoy aduda, phanabagi damak thabak pumnamak touminnabi haayba eikhoyna khang-e. 29 maramdi ebungngo mahaakna haanna khngkhiba makhoybu ebungngo mahaakki machaa nupaagi maong matou mannanaba haanna laangbire, machaa nupaa aduna ayaamba machin manaaosinggi marakta ahaanba pokpaa oinanabani. 30 adugaa ebungngo mahaakna haanna laangbikhraba makhoy adubu kousu koubire, koubiraba makhoy adubu chumsu chumhanbire, amasung chumhanbiraba makhoy aduba ebungngo mahaakna matik mangaansu pibire.

Eesor-gi nungsiba

31 adunadi maramsing asida eikhoyna kari haaygadage? Eesor-na eikhoygidamak oibirabadi, yeknagadaba kanaano? 32 ebungngo mahaakki machaa-nupaabu kanbidaduna eikhoy pumnamakkidamak pithokpiba ebungngo mahaakna machaa nupaa adugaa yaaonapot pumnamaksu eikhoyda karamna lemna pibiroidage? 33 Eesor-na khan-gatpasinggi mathakta kanaana waa hungadabage? chumhanbiba adu Eesor-nani. 34 araanba tahangadaba adu kanaano? sikhiba adu Christa Jesusni, amasung maadudagi henna asiba-singgi maraktagi hinggat-piraga, Eesor-gi yetta leiduna eikhoygidamak ebungngona  wasu nombiri. 35 Christagi nungsibadagi eikhoybu kanaana khaaynahan-gadage? pukning olaangbanara, awa meichaaknara, ot neibanara, chaak tangbanara, phi leitbanara, khudongthibanara, nattraga kabaak-thaangnara? 

36 ekhiba asigumbani,

         ebungngo nahaakki maramgi damak eikhoybu numit chuppa hatli; haatnaba yaaosinggum eikhoybu singthaanare

37 Adum oinamakpu maram asi pumnamakta eikhoybu nungsibiba ebungngo-gi mapaanna eikhoyna ngambadagi henna ngambani. 38 maramdi eina thaajei, haaybadi, sibana oirabasu, hingbana oirabasu, swarga-dut singna oirabasu, angamba singna oirabasu. oiribana oirabasu, oirakkadabana oirabasu, paanggalbasingna oirabasu, 39 Awaangbana oirabasu, arubana oirabasu, kanaagumba atoppa lengli paallibana, eikhoygi Eesor Christa Jesus-da leiriba Eesor-gi nungsiba adudagi eikhoybu khaaidokhanba ngamlaroi.