1 Chronicles 19
Davidna Amoni amadi Syriabu maaythiba piba
(2 Sam 10:1-19)
19 Amonsinggi ningthou Nahas nonggarammi. mahaakki mahutta machaa-nupaana ningthou oirammi. 2 ningthou Davidna haayrammi, "Nahasna thaajaba utkhiba adugu-mna eina ningthou Hanunda thaajaba utpa taay. "maramsina Davidna thoujan utna-naba mising thaarammi.
Paaopubasingduna Amon youraklaba matamda Hanunggi manaakta changlammi amasung 3 Amongi luchingba-singduna ningthouda haayrammi, "leikhidraba napaa ebungngo-gi ekaai-khumnaba utpa oinaa ningthou Davidna misingsi thaarakpani haayna asa toubra? nanaai eikhoyna khanjabadi maadu natte haayna ningi. Mahaakna lamsibu laksinba yaannaba lammit tumit yengnanaba misingsi thaarakpani haayna ningi."
4 Hanunna Davidna thaarakpa misingdu phaaduna maru kokpirammi adugaa setliba phidu makhwaangda kakthattuna thado klammi. 5 Makhoy mayumda hallakkadoubadu ekaaibana khaangba ngamkhide. Davidna haayriba waaphamsi taabada misingdu Jerichoda leinanaba yaathang thaarammi adugaa makhoygi makoidu mapung phaadriba phaaoba maphamduda leinanaba khanghankhi.
6 Amonsingna Davidki mayokta araanba thabak amaa toukhre haaybasi khanglabada Hanun amadi Amonsingna silver khaaojaao lising amada punna silver kilo 34,500 piduna Mesopotamiagi awaangba lamdam amadi Syriagi leibaak oinaa leiriba Maacah amadi Zobahdagi dolai amadi dolaithoubaa-sing waainaba thouraang tourammi. 7 makhoyna dolai 32,000 waairammi. Maacahgi ningthousu laanban saaduna Medebagi mamaangda laanmi peiduna leirammi. Amonsingdusu makhoygi sahardu thaadoktuna laanthengnanaba thoklakkhi.
8 Oirakliba phibhamsi Davidna khanglaklabada Joab amadi laanmising laan thengnnaba thaarammi. 9 Amonsingna makhoygi sahar Rabbahgi mamaangda laanban saaduna leikhi adugaa makhoybu tengbangba laakkhiba ningthou-singduna ahaangba maphamsingda laanban saaduna leikhi.
10 Mang amadi tunglomdagi laanmi singna mahaakpu tannarakani haaybasi khanglabada, Israelgi manungda khan-gatlaba laanmi kharaga mahaakka loynarammi. adugaa makhoybu Syriasinga maayoknaba thamkhi. 11 atei lemhouriba laanmisingduna mahaakki manaao-nupa Abisaigi liching makhaada thamlammi. makhoyna Amonsingga maayoknarammi. 12 Joabna manaaoda haaykhi, "karigumba Syriasingna eibu laaksillaklabadi nahaakna eibu tengbanggadoubani adugaa karigumba Amonsingna nahaakpu maaythiba piba thoklabadi eina nahaakki nateng paanglakkani. 13 Narin leiyu adugaa samai leiduna chelloidoubani. eikhoygi miyaamgi amadi Eesor-gi saharsigi yengduna aroiba thaaduna laanthengnasi. Laanphamsida Eesor-gi aningba pumnamak thungba oisanu.
14 Joab amadi mahaakka loynariba laanmisingduna laanjanglakpa matamda Syriasingdu chenba houkhi. 15 Amonisingna Syriagi laanmising chelle haaybasi ubada, makhoysu Abisaigi mamaangda leppa ngamkhide adugaa sahargi manungda leisinduna leikhi. maramsina Joab Jerusalemda hankhi.
16 Syria Israelna maaythiba pikhre haaybasida Mathawaai nungaairamde maramsina makhoyna Syriadagi laanmi maakha puraktuna Euphrateki nongpokthangba maaykeida Jobahgi ningthou Hadadezergi laanmigi makok Sophachki liching makhaada laanban saaduna leikhi. 17 waaphamsi Davidna taaba matamda laanmising khomduna Jordan lallaga Syriagi mayokta laanjangnaba thouraang toukhi. asumna laanphamsi houkhi. 18 Israelgi laanmi singna Syriagi laanmisingdu maaythiba piduna David amadi mahaakka loynariba laanmisingduna numittuda Syriagi dolai tongba laanmi 7,000 adugaa khong laanmi 40,000 haatkhi. Numitsida makhoyna Syriagi luchingba Sobachsu haatkhi. 19 ningthou Hadadezergi maakha pollamba ningthou-singna Hadadezerbu Davidna maaythiba pire haaybasi taabada Davidka yaanaba amaa thamduna maakha ponkhi. Thoudoksidagi houraduna Syriana keidoungeidasu Amon-singbu mateng pange khankhide.