Deuteronomy 1

Langjin chingthokpa

1 Jordan waangmada Israelgi mishingda Mosesna Suphki mayokta leiba lamhaang Paran amadi Tophel, Laban, Hazeroth amadi Dizahabki marakta leiba Arabah kouba lamduda waa haayba houraklammi.

2 Haayriba maphamsi Herebgi Seir phaaoduna chatlaga Kadesbarnea taaba phaaobada numit taraamaathoynigi lambi oirammi.

3 Niphu shubaa chahigi taraamaathoy shubaa thaagi nongma panbada Eeshorna makhoyda haaygadouba waashingdu Mosesda taakpiraba matungda Israelda amuk mahaakna haaykhibani. 4 Thoudoksi Hesbonda pallamba Amorishinggi ningthou Sihonbu amadi Asherahta pallamba Basangi ningthou Ogpu Edroida maaythiba piraba matungdani.

5 Jordangi waangmada Moabki lamdamda Mosesna waayenlonsi shaandokna taakpikhi. Mahaakna haaykhi,

6 "Eikhoigi epuroi Eeshorna Horebta asumna taakpikhi: nakhoyna chingsida matam kuina leirakle.

7 Houjikti maphamsi thaadoktuna Amorishinggi chingleibaktutanna chatlo. Arabahgi chingleibaakta leiriba lonnaba khunshingda chatlo. Leitem mannaba lamdam amadi Negev, Canaanshinggi leibaak epaakna koisilliba, Euphrate kouba achouba tureldu youba phaaoba chatlu.

8 Nakhoygi damak leibaaksi eina khaaidoklabani. Eeshorna nakhoygi napaa napu Abraham, Isaac, amadi Jacob aduga makhoygi machaashingda pigani haaybikhiba lamduda chattuna leiba houro.

Mosesna waayenbashing khandokpa

(Khong 18:13-27)

9 Matamduda eina nakhoyda asumna haaykhi, "ei etomtana nakhoy pumnamakki potlum puba oithokte.

10 Nakhoygi napuroi Eeshorna nakhoybu mashing yaamhanbire. Ngasidi nakhoyse nongmadonda thokliba thawaan-michakkumna mashing yaamle.

11 Nakhoygi napaa napushinggi Eeshorna sharuk lishing amaa hen-gatna yaamhanbiba oisanu. 12 Matou karamna ei etomtana nakhoygi arumba potlum amadi talliba dabishingdu puba ngamgani?

13 Maramsina tribeki matung ennaa nakhoygi naraktagi ashingba, waakhan leiba amadi shaayaam thengnaraklaba mishing khandok-u."

14 Maduda nakhoyna asumna haaykhi," Ebungngona nanaaishingda taakpiriba waaphamsi nanaaishinggidamak thoidokna aphaba amani.

15 "maramsina eina nakhoygi tribetagi ashingba amadi shaayaam thengnaraklaba mishingdu khandoktuna nakhoygi luchingba oihankhi. Makhoybu eina lishinggi makok, chaammagi makok, yaangkheigi makok, taraagi makok amadi nakhoygi tribe khudinggi mashing waattana phamnaaiba khankhi.

16 Matamduda nakhoygi nathakta waayen-gadouribashingduda asumna haaykhi," "nakhoygi nachin nanaaoshinggi marakta leiriba waathoktu taaraga nachin nanaaoshing amadi atoppa mishinggi marakta chumna waayennaba haaykhi.

17 Waayenba matamda michang mikhaai naaiba yaade. Atonba amadi achouba animakki waakattu phajanaa tagadabani. Mishinggi mamaay yengduna nakhoyna pukning hanthaba touroidoubani. Waayenba haaybasi Eeshornani haaybasi khangu. Yaamna luba waathak oirabadi eigi ephamda purak-u haaykhi. Adugumba arubadu eina thengnagani haaykhi.

18 Matamduda eina nakhoyna tougadouba thabak pumnamak shaandokna haaykhrabani.

Kadesbarneada lonna mi thaaba

(Shing 13:1-13)

19 Eikhoyna Hereb thaadoklaba matungda epuroi Eeshorna eikhoyda yaathang pibikhiba matung ennaa chaaoraba amadi akibaa phanglaba lamhaang amaa Amorishinggi chinggi lamdamda thungna-naba laakpa matamda thengnakhi. Maasi laanthokhlaba matungda Kadesbarneada thungkhi.

20 Eina nakhoyda haaykhi, "eikhoigi epuroi Eeshorna eikhoyda pibikhiba Amorigi chinggi lamsida houjikti eikhoy youredo.

21 Nakhoygi napuroi Eeshorna haayriba lamsi tomthin oinaa uhanbikhi. Nakhoygi napaa napushinggi Eeshorna yaathang pibikhiba matung ennaa chattuna haayriba lamsi lousillo. Kiganu amadi ninghannaba touganu."

22 Matamduda nakhoyna eigi enaakta nakna changsillaaktuna haaykhi, "eikhoygidamak khudongchaba tanja Ngairunaba mi khara maangjounana thaakhisi. Eikhoyna lamsibu laakshinba ngamnaba pambei khara thiraga laaksanu."

23 Nakhoyna haayriba waadu eina yaaningladuna tribei taraanithoidagi nupaa taraanithoi khandokkhi.

24 Makhoyna koyna chattuna ching amadi Eskolgi tampaakta lamit tumit yengkhi.

25 Makhoyna leibaaktuda houba mahei marongshinggi maheidu puduna eikhoygi enaakta laakkhi. Eikhoyda makhoyna akuppa maron tamlamkhi. Makhoyna haaykhi, "eikhoigi epuroi Eeshorna eikhoyda pinabiriba leibaaksi thoidokna leihao leiraba lam amani."

26 Adubu nakhoyna leibaaktuda changu haayba yaakhide. Onnateinabada napuroi Eeshorgi yaathanggi mayokta lepkhi.

27 Nakhoyna leiriba sangshingda murum murum shonduna lenkhi. Nakhoyna haaykhi, "Eeshorna eikhoybu tukkachaba maramna eikhoybu Egypttagi puthoraklaga Amorishinggi makhutta thawaay thanaba thaadokpire.

28 Eikhoyna karigi leibaaktuda chatlugadage? eikhoygi echin-enaaoshingna eikhoygi thamoisi kaihanbire. Makhoyna haaykhi, "maphamduda leiriba mishingduna eikhoydagi henna kalli amadi waang-e. saaharshingdu yaamna chaaoi aduga yaamna waangna chekpan khagatli. Makhoydu Anakimgi machaanupashingni."

29 Matamduda eina nakhoyda haaykhi, "makhoybu thoina kiduna napukning hanthaba touganu. Nakhoygi namaangda Egyptta leiba mishinggi mathakta laan shoknakhibagi matougumna nakhoygi namang thaaduna lengbiriba Eeshorna nakhoygi damak shoydana laan shoknabigani. 31 Nupaa amanaa angaang amaa poduna pubagumna lamhaangda Eeshorna nakhoygi awaaba pubikhibadu nakhoyna khangle. Nakhoyna chatkhiba mapham khudingda aduga maphamsi youdriba phaaoba Ebungngona awaaba kayaa nakhoygi damak khangbikhi.

32 Haayriba pumnamaksi thokkhidunasu nakhoyna Eeshorda mapung phaana thaajaba ngamkhide.

33 Nakhoygi namaangda nakhoygi damak leipham amaa thibiduna shang sahanduna numidaang mei oi aduga nungthindana leichin oinaa chingbiduna nakhoy kadaayda chatkani taakpikhraba phaaobada ebungngobu nakhoyna thaajaba ngamkhide.

Eeshorna Israelbu awaapham taahanba

(Shingtha 14:20-45)

34 Nakhoyna haaykhiba waashingdu Eeshorna taarabada shaaobana ee kakhi amasung shari pandom lomkhi.

35 Nakhoygi napaa napushingda pigani haaybikhiba leihao leiba lamdu phattaba mironsida piraroi taakpikhi.

35 Adubu Japhunnehgi machaanupa Calebti haayriba lamsi ubaa phanggani taakpikhi. Mahaakka machaashingana makhoyna takhiba lamsi eina shoydana pigani haaykhi. Mahaakna Eeshorbu ngamkhei leitana thaajakhi.

37 Eeshorna nakhoygi nashunglaanggidamak eibusu shaaokhi. Maramsina Ebungngona eingonda haaykhi, “nahaaksu maphamdu youroi.

38 Nahaakki namaangda lepliba Nun-gi machaanupa Joshuadi haayriba lamsida shoydana yougani. Mahaakpu thougatpiyu maramdi mahaakna Israelgi mishingbu chingduna haayriba lamsida shoydana changgani.

39 Nachaashing yeknabagi makhutta taagani ningliba aphaphatta khangdribashingsida leibaaktu pigani. Makhoyna lamdugi mapu oigani.

40 Nakhoydi Akabagi epaaklomda chatkho."

41 Maasi taabada nakhoyna eingonda haaykhi, "eikhoina Eeshorgi maphamda ayon araan kayaa toure. Eikhoygi epuroi Eeshorna yaathang toubikhibadugi matung ennaa eikhoy laan changlagaani." nakhoyna khutlai paayduna chingda laan changbadu thoina lukhide.

42 Eeshorna eingonda taakpikhi, "makhoyda haayyu: chingda kaaduna laan thengnaruganu. Maramdi eihaak nakhoygi narakta leitre. Haayribasi endaba thoklabadi nakhoygi yeknabana nakhoybu maaythiba pigani.

43 Eina waasi haayba matamda nanada hapkhide. Eeshorgi yaathangdu nakhoyna enkhide. Nakhoyna ngakchao thektuna chingleibaakta chattuna laan thengnakhi.

44 Matamduda chingleipaakta leiba Amorishingna khoina tannabagum tannaduna Seirdagi Hormah youba phaaoba taanthokkhi.

45 Nakhoyna hallaklaga Eeshorgi maangda thamoi shokna kapchakhi. Adubu nakhoyna haaykhiba amadi waaribadu Eeshorna thoina taakhide.

46 Maramsina nakhoyna Kades kouba maphamduda numit shingbum kayaani lenkhi.