Jeremiah 24
Theibonggi thumuk ani
24 Ishor-na eingonda Shangshangnana utpikhiba: Ishor-gi ningnashanggi mamangda theibong happa thumuk ani eina urammi. Hairiba thoudoksi Nebuchadnezzarna Jehoiakimgi macha nupa Jehoiachin Judahgi ningthou oiriba, aduga mahakki phamnaiba Judahda leiribasing, usuba amadi chek subasing Jerusalemgi Baby-londa loi oina pukhraba matungda thokhibani. 2 Thumuk amada makum matha oiraduna ihan hanna munba theibonggumna yamna marik chumba theibong yaorammi. Atoppa thumuk amadana chabada matik chadraba theibong yaorammi. 3 Ishor-na eingonda hanglammi, "Jeremiah nahak kari ubage?" Eina maduda hairammi, "yamna marik chumlaba theibongsing aduga yamna phattraba chabada matik chadraba theibongsing ui."
4 Masigi mathangda Ishor-na eingonda wasi takpirammi, 5 "Israelgi Mapu Ibungo Ishor-na takpiri: Chaldeansinggi lamda eina loi oina tanthokkhiba Judahgi mishingdu aphaba theibongsingsiga praman tougani. 6 Makhoi yaiphanaba eina yengsingani. Leibaksida makhoibu eina pubirakkani. Eina makhoibu semgatkani. Makhoibu choijainahanba touroi. Makhoibu eina yokkhatkani aduga maru phuktokpa touroi. 7 Eihak Ishor-ni haibasi khangnanaba makhoida thamoigi ithin ama pigani. Makhoi eigi mishingni haina khangnagani aduga eihak makhoigi Mapu Ibungo oigani. Maramdi makhoi thawai hakchang amatta oina eigi ikada mamai leirakkani.
8 Adubu Ishor-na asumna takpiri: chabada matik chadraba theigongsingdugi matougumna Judahgi ningthou Zedekiah, mahakki ningthou machasing, leibaksida leihouriba Jerusalemgi iremkhaksing aduga Egypt leibakta chat-kharabasingdu oihangani. 9 Malemsida leiriba leibaksinggi mamangda makhoibu akiba, ikainapham oiraba maming panduna mina thina ngangnaba, noknanaba, wapham, aduga eina makhoibu thaba mapham khudingda sap phanglaba mishing oina leihangani. 10 Makhoida amadi makhoigi mapa mapusingda eina pikhiba lamsidagi makhoi maru phangna mangdriba phaoba makhoigi mathakta thangshang, chak tangba aduga laichat thok-han tahan-gani.