Deuteronomy 28
Haayba enbagi mahei
(Litchat 26:3-13, anishuba waayel 7:12-24)
1 "Karigumba nakhoyna napuroi Eeshorgi yawaaindaduna ngasi eina piriba ebungngo mahaakki yaathangshingdu kaidana chat chaarabadi, maalemsida leiriba mishinggi marakta nakhoybu khara henna chaaoba jaat amaa oinaa thok-han-gani.
2 Nakhoygi napuroi Eeshorgi yaathang ellu adu oirabadi bor pumnamaksi nakhoygi oigani.
3 "Eeshorna nakhoygi saahar amadi loubuktu kubigani.
4 "Eeshorna nakhoybu chaaron-shuron mashing yaamna, mahei marong maraang kaina amadi shaa-san matik okna pinabiba oisanu.
5 "Eeshorna nakhoygi chinjaak maraang kaina pibiduna nakhoygi chaanaba matik chaana leihanbisanu.
6 "Nakhoyna touba thabak khudingda Eeshorna kubigani.
7 "Nakhoygi yeknabashingna laaksillakpa matamda Eeshorna nakhoybu ngaakpigani. Makhoyna maaykei amadagi nakhoybu laaksillakpa yaai adubu makei khudingmakta makhoy kaayduna chen-gani.
8 "Napuroi Eeshorna nakhoygi thabak khudingmak mahei yalhanbigani aduga nakhoygi pukkei thanna mahei marong thambigani. Ebungngo mahaakna nakhoyda pinabiriba lamduda nakhoybu kubigani.
9 "Nakhoyna karigumba napuroi Eeshorbu tung enjarabadi amasung ebungngo mahaakki yaathangshingdu ngaakna chat chaarabadi, ebungngo mahaakna waashakpikhiba gumna nakhoybu ebungngo mahaakki mi oihanbigani.
10 Asumna tourabadi maalemsida leiriba mishingna nakhoysi ebungngo mahaakki oige haayduna khandokkhiba mishingni haaybasi ugani aduga makhoyna nakhoybu kigani.
11 Eeshorna nakhoyda nachaa nasu yaamna, shaa-san mashing yaamna, amadi ebungngo mahaakna napaa napushingda pibigani waashakkhiba lamduda mahei marong mapaan naaidana pibigani.
12 Ebungngo mahaakna loiba khamba naaidaba ebungngo mahaakki koirouthaktagi nong taahanbiduna jaat kayaamarumda nakhoyna pot puthokpa ngamlanaba nakhoyna touruba thabak khuding kubigani. Maramsina nakhoyna kanaadagisu puroi.
13 Napuroi Eeshorna Jaatshinggi marakta tung enba oihandaduna makok oihan-gani. Eina nakhoyda ngasi piriba yaathangshingsi ellabadi, nakhoy keidoungeidasu maaythiroi aduga matam leiba khibikta athoibada oigani.
14 Keidoungeidasu yaathangshingsi endaba touroidoubani aduga atoppa laaishingbu khurumduna seba changloidoubani.
Haayba endabagi mahei
(Litchat 26:14-46)
15 Karigumba nakhoyna napuroi Eeshorna haaybashingdu endrabadi, aduga ngasi eina nakhoyda piriba yaathangshing amadi chatnalonchat shingsi endrabadi, makhaada piriba phattabashingsi nakhoygi nathakta taagani:
16 Eeshorna nakhoygi saahar amadi loubukshingdu marai taahangani.
17 “Eeshorna nakhoygi chujak maanghan-duna nakhoyna madudagi shemba yaaba chinjaak pumnamak manghanbigani.
18 “Eeshorna nakhoyda chaaron kharatamak taahangani mahei marong khajikta pigani, aduga shaa-san mashing yaamhalloi.
19 “Eeshorna nakhoyna touruba thabak khudingda mahei yalhalloi.
20 "Nakhoyna phattaba thabak touduna Eeshorbu khonggaonarabadi, ebungngo khonggaonarabadi, ebungngo mahaakna nakhoygi nathakta mangtakpa, ngamnaba, aduga nakhoyna touba khudingda khudong thiba amadi yaamna thuna tumna mangba thok-hanbigani. 21 Ebungngo mahaakna anabagi mathakta anaaba makhal kayaa thaaraktuna nakhoyna leigadouriba lamduda leiriba mia amaa phaaoba khaktana laaichat thok-hanbigani.
22 Eeshorna lounaganba leina, apom atang, arum laihou nachingba thok-hanbigani. Ebungngo mahaakna ekang amadi meigi nungshit thok-hanbiduna aduga sithanbiduna. Mahei marong manghanbigani. Haayriba laaichatshingsi nakhoyna sidriba phaaoba tokloidouribani.
24 Nonggi mahutta Eeshorna nakhoyna sidriba phaaoba nonglei nungshit amadi leingoigi mapei mapei sitchilhan-gani.
25 " Eeshorona nakhoygi yeknabashingbu laangamhanbigani. Nakhoyna makhoybu maaykei amadagi laakshin-gani adubu nakhoy maaykei punamak shinba thungna chen-gani. Nakhoyda thokhriba matoudu ubada maalemsida leiriba mishingna akibaa poklagani.
26 Nakhoyna shiraba matamda uchek waaya amadi shaashingna nakhoygi nashaadu chaagani. Makhoysu taanthoknaba kanaasu leiroi.
27 Egyptta leiba mishingda toubikhibagumna Eeshorna nakhoyda apom atang thok-hanbigani. Apombatana nakhoygi nashaadu machet machet taahangani. Unshaada pakpa hakkachaba leinaana nashaa shinba thunggani aduga hakkachabana khaangba ngamloi. Adubu phaba haaybadudi leiraroi.
28 Eeshorna nakhoygi waakhal choihanbigani, Ebungngona nakhoybu namit tanghanduna chamamnahan-gani.
29 Nungthin popopta nakhoyna mittaangba amagi matougumna turoi ngam-loi chatkani aduga nakhoygi laambel keidoungeidasu phangba ngamloi. Nakhoyna tou-ruba khudingda chaaokhatpa naairoi. Tattana nakhoybu ot-neibigani aduga huranbigani. Nakhoybu tengbangbinaba kanaasu leiroi.
30 "Kanaagumba nupi amaaga waaroinarabasu atoppa amanaa nupidubu loukhigani. Nakhoyna yum shaaba yaai adubu leibadi phangloi. Nakhoyna angur engkhon shemba yaai adubu angur chaabadi phangloi.
31 Nakhoygi mamaangda nakhoyna loijaba shaashingdu atoppana haatkhigani. Aduga nakhoyna shaadudi chaaba phangloi. Nakhoyna yengduna leiringeida nakhoygi loladu chingduna mina pukhigani aduga nakhoyda amuk hallakloi. Nakhoygi yeknabashingda nakhoygi yaaoshingdu pithokkhigani aduga nakhoybu tengbananaba kanaasu leiroi.
32 Nakhoyna pokpaa nachaa-nupaa amadi nupishing lamlaanbashingda minaai oinabagidamak pithokkhigani aduga nakhoyna madu yengduna leihougani. Numit khudinggi nakhoygi nachaashing hallakpra haayduna yengbatana namit chokthahan-gani.
33 Nakhoyna waana hotnaduna thaaba mahei marongshingdu kanaagumba atoppa leibaak amanaa loukhigani. Nakhoyna makhoydagi ot neiba amadi tamthiba nattana karisu phangloi.
34 Nakhoyna khanggadouriba awaabaduna nakhoygi waakhal choijaainahan-gani.
35 Eeshorna nakhoygi nakhongda layengba ngamloidouba yaamna naaba apombana shinba thunghan-gani. Apombatana nakhoygi nakhongdagi nakok phaaoba kupsilhan-gani.
36 "Nakhoygi napaa napushingna nattraga nakhoyna keidoungeida leikhridriba miramda nakhoyga konnana nakhoygi ningthoudu puhankhigani. Maphamduda nakhoyna una amadi nungna shaaba laaishing latkani.
37 Eeshorna nakhoybu choina taahanbigadouriba lamduda leiribadu mishingna nakhoybu uraga mapaan naaidana pukning shokkani. Makhoyna nakhoybu noknagani aduga laknagani.
38 "Nakhoyna mahei yaamna thaagani adubu lokpadi khajiktamak lokkani maramdi khoujengna nakhoygi mahei marongshingdu chaathokkani.
39 Nakhoyna angur engkhon shemlaga yaamna chekshinna shennagani adubu angur loktuna nakhoyna mahi sunglaga thakpasu phangloi amasung yaamna ngamloi maramdi tin aduna maheidu chaathokkhigani.
40 Nakhoyna leiriba lam shinba thungna chorphon hougani adubu nakhoyna mahei lokpadi phangloi maramdi mahei paanbaga kenkhigani.
41 Nakhoygi nachaa-nupaa amadi nupishing pokpaa yaai adubu makhoy nakhoygi oiroi maramdi makhoy miramda bandi oinaa pukhigani.
42 Nakhoygini haayna leiriba upaan waapaan amadi mahei marong pumnamak tin-kaang taaduna tumna manghankhigani.
43 Nakhoygi lamda leiriba lamlaanbashingna mapaanggal hen-gatlakkani aduga nakhoygi napaanggalna mayeng asum taarakkani.
44 Nakhoyda shaandoknaba makhoygi peisa leiba yaai adubu nakhoyna makhoyda shaandoknaba peisa leiroi. Aroibada makhoyna nakhoygi nathakta waayen-gani.
45 "Haayriba mangtakpashingsi nakhoygi mathakta taagani. Nakhoy tumna maangdriba phaaoba haayribasi nakhoyda thokkani maramdi nakhoygi napuroi Eeshorna haaybadu nakhoyna enkhide aduga ebungngo mahaakna nakhoyda pikhiba yaathangshingdu nakhoyna ngaakna chatkhide. 46 Eeshorgi waayel nakhoygi nathakta taakhi haaybasi makhoyshingsina saakhi oigadouribani. Masina nakhoygi chaaron-shurondasu saakhi oigani.
47 Eeshorna nakhoybu hiram khudingda kubikhrabani adubu nakhoyna ebungngo mahaakpu thawaay hakchaang animak haraaona seba touroi.
48 Maramsina nakhoyna Eeshorna thaarakkadouriba yeknabashingdu seba touduna lengani. Pot khuding phangdaduna nakhoy aram khouraangani, amasung shetnaba phi leiroi. Eeshorna nakhoybu tumna manghandriba phaaoba otpa tokloi.
49 Maalemsigi aroibadudagi Eeshorna Jaati amakhakpu thakkadouri. Masigi lon nakhoyna khangba ngamloi. Makhoyna nakhoygi nathakta achouba uchekki matougumna paisillakkani.
50 Nahaa ahan khaktana makhoyna tamthina tougani.
51 Makhoyna nakhoygi shaa, mahei marongnachingba chaakhigani maduga nakhoyna chara hen-gani. Makhoyna nakhoygini haayduna mahei marong, angur mahi, Chorphongi thao, shaa-san nattraga yaaonachingba khakloi. Nakhoy siragadabani.
52 Nakhoygi napuroi Eeshorna nakhoyda pikhiba lamda leiriba saaharshingdu makhoyna laandagani. Nakhoyna thajariba awaangba chekpan thaagatlaba laanbanshingdu loina tukhigani.
53 Nakhoygi yeknabashingna nakhoygi saaharshingdu laaksillakpa matamda, nakhoy chinjaak phangdraduna napuroi Eeshorna nakhoyda pibiba nachaashingsi phaaoba chaagani.
54 Laandaraklingei manungda achouba emunggi magun leiba mi phaaoba asukki matik khudong charoi madudi mahaakna Chaaningai leiraktraduna machaa khara chaathokkani.
55 Mahaakna machin manaao, nungshijaraba matu, nattraga leihouriba machaashingda yennaduna charoi.
56-58 Achouba emungda pokpi ekaai-khumnarabi nupi waattaba maramna karigumba mapham amadasu chatludabadu phaaoba asigumba phibhamsida taagani. Yeknabashingna mahaakki saahardu laaksillakpa matamda Chaaningai leitaduna mahaakna nouna pokliba angaang amadi naophan phaaoba chaathokkani. Mahaakna nungshiraba mapuroiba amadi machaashing phaaobada madu piroi. Karigumba nakhoyna Eeshorgi yaathangshing Laairiksida eribasi endrabadi aduga napuroi Eeshorgi angakpana thallaba amadi ekaai-khumnabagi mashak oiraba minglensi kina chattrabadi,
59 Kedoungeidasu leplaroidouba leinaana nakhoygi nathakta amadi chaaron-shuronda taahangani.
60 Egyptta nakhoyna akibagi mashak phanglaba laaina kayaamarum thengnakhibadugumna Ebungngona nakhoygi nathata Amukka haanna taahanbigani aduga maasidi phaba haaybadu nairaroi.
61 Eeshorgi yaathang eriba laairik amadi paaoutaakshing pikhibaduda yaaodaba laaina amadi laaichatnachingba ebungngo mahaakna nakhoygi nathakta thaarakkani aduga masina nakhoybu tumna maanghan-gani.
62 Nakhoy nongmadonda leiriba thawaan-michakkumna mashing yaamlabasu nakhoy kharakhakta lemhougani maramdi napuroi Eeshorgi yaathangshingdu nakhoyna enkhide.
63 Eeshorna nakhoybu chaaokhat-hanbada aduga mashing yaamhanbada haraaobikhiba adugumna ebungngo mahaakna nakhoybu manghan taahanbadusu haraaogani. Nakhoyna changgadouriba lamdu youba matamda nakhoy maru phangna maanggani.
64 "Eeshorna nakhoybu maalemsigi aroiba amadagi aroiba amaa youba phaaoba Jaatshinggi marakta chaai-khaaybigani aduga maphamshingduda nakhoyna amadi nakhoygi napaa napushingna keidoungeidasu khurumkhidriba u amadi nungna shaaba laai murtishing khurumgani
65 Mapham khudingda engthaba haaybadu leiroi aduga nakhoygini haayna kouba yaaba mapham keidasu phangloi. Eeshorna nakhoybu khoiraang khoishaaoba, asha leitba amadi maron maran taknaba mishing oihan-gani.
66 Matam leibada nakhoy awaaba nanggani. Ahing nungthin animakta nakhoy akibana than-gani. Matam leibada siragani haaybasigi akibaduna napukningda leigani.
67 Nakhoyna uruba pot khudingna nakhoygi thamoida akibaa pok-hn-gani. Ayuk khuding nakhoyna numidaang oihanningani, numidaang oiraklaba matamda nong ngalhanningani.
68 Eeshorna nakhoybu Egyptta amuk haanna thaagani. Nakhoy maphamduda amuk haanna chatlaroi haayna makhoyna haaykhrabasu amuk haanna chatkani. Maphamduda nakhoygi yeknabashingda nakhoy nashaamak minaai oinaa yonthokkani adubu naphamduda nakhoybu leibinaba kanaasu leiroi.