Numbers 21

1 Aradta paalliba Canaanshinggi ningthou Negavta leiribaduna Israelgi mishingna Atharimlomda laakle. Taabada laambelda thattuna laan thengnakhi. Mahaakna Israelgi mi khara bandi oinaa pukhi

2 Israelna Eeshorda waashak amaa shaakkhi. Mahaakna haaykhi: Ebungngona mishingsibu nanaaigi khutta taahanbigadouba oirabadi, makhoyna leiriba saaharshingsi nanaaina tumna maanghan-gani.

3 Eeshorna Israelna haayjabadu tabikhi. Kananda leirambashingdu Ebungngona Israelgi makhutta taahankhi. Israelgi mishingna makhoygi saaharshingdu tumna manghankhi. Maramsina maphamdugi maming Hormah haaybadi mangtaklaba matam haayna thonkhi.

Senjengna shaaba lin

4 Hor kouba chingdagi makhoyna Akabagi epaaklomda chatlaga Edomgi lamda chaangdana chatkhi.

5 Maramsina mishingna Eeshor amadi Mosesgi mathakta waa yaamna ngaanglammi. Eikhoy lamhaangsida shikhinaba karigi nakhoyna eikhoybu pubiraklibano? maphamsida chaanaba chinjaak aduga thaknaba eeshing leite. Eikhoyna chaaba yaadaba chinjaak chaaduna leiri.

6 Maramsina Eeshorna mahu paanba lin thaaraktuna mishingbu chikkhi. Maramsidagi Israelgi mi yaamna shikhi.

7 Mishingna Mosesda laaklaga haayrammi. "eikhoina Eeshorgi mathakta phattaba waa ngaangduna araanba kayaa toukhre. Eikhoyna nahaakki naphamdasu laankhre. Maramsina Eeshorgi maphamda haayjabiduna linshingsi taanthokpikho. "Asumna Mosesna mishinggi damak haayjarammi.

8 Eeshorna Mosesda haayrammi, mahu paanba lin amaa shaaraga cheida yaanduna thammu. Linna chikpa mi khudingna maasibu ubamaktada hu kokkani.

9 "Mosesna senjengna lin amaa swarga chei amada yallammi. Linna chikpa nupaaduna asaba linsida yengba matamda pharammi.

Hor chingdagi Moabki lamda

10 Masigi Matungda Israelgi mishingna asum chatkhiduna Oboth kouba maphamduda shang shaaduna leikhi.

11 Oboth tungoinaramlaga Moabka maayoknariba Nongpoklomda leiriba Ijeabarim kouba maphamda shang shaakhi.

12 Maphamdu thaadoklaba matungda Zeredki tampaakta shang shaaduna leikhi.

13 Maphamdudagi makhoyna lamhaangda leiriba Arnon kouba mapham Amorishinggi lamdagi shaandokkhibaduda leikhi. Moab amadi Amorishinggi marakta leiba Arnonsi Moabki ngamkheigi aroibani.

14 Maramsina Eeshorgi shaabaao laanbaao eba Laairikttuda asumna eduna lei: Supada waheb, Arnon-gi tampaak,

15 Tampakki leitem mannaba lamdam,

Ar kouba maphamlomda shaandokkhiba, Moabki ngamkheiga tainariba.

16 Maphamsidagi makhoyna Beer kouba lamdu taanna laakkhi. Masini Eeshorna Mosesda haaykhiba eeshing khongdu. "mishingbu punna khomjinlu. Eina nakhoyda eeshing pigani." haayna Eeshorna taakpikhi.

17 Matamduda Israelgi mishingna eshei oinaa asumna shakhi: he eeshing khong, taahallo eeshing, eshei shaktuna maasibu oksi,

18 Guhadu toukhi ningthou machaashingna, miyaamgi luchingbashingna haangdokkhi

mamai, paayduna khoiri chuk amadi cheishu. Lamhangdudagi makhoyna matannahyouba phaaoba chatkhi.

19 Mattanahdagi makhoyna Nahaliel youba phaaoba chatkhi. Nahalieldagi Bamothta chatkhi.

20 Moabki lam Pisgah chingdagi yengthaarakpada ukhiba lamduda makhoy thungkhi.

Sihon ningthou amadi ningthou Ogpu maaythiba piba

(Anishuba waa 2:26-3:11)

21 Amorishinggi ningthou Sihonda Israelgi mishingna paao amaa thaarammi. Makhoyna asumna haayhankhi:

22 Nahaakki leibaak phaaoduna eikhoybu chathanbiyu. Eikhoyna loubuk phaojaroi, angur engkhondasu changjaroi nattraga atei atoppa maphamda lamphei chatcharoi. Nahaakki leibaaksida leiriba guha phaaobadagi eeshing thakcharoi. Chumna ningthougi mayaai lambini haayna leiribsidata chatchage.

23 Adubu Sihonna mahaakki leibaak phaoge haaybadu yaakhide. Mahaakna Israelgi mathakta laandarakkhi. Mahaakna Jahazda laaktuna Israelgi mishingga laan thengnakhi.

24 Israelna mahaakpu maaythiba pikhi. Israelna Sihon-gi leibaaktu Arnondagi Jabbok phaaoba loushinkhi. Jazer Amorishinggi lamgi ngamkhei oirammi.

25 Israelna saaharshingdu khudum chansillaga Amorishinggi saaharshingduda khundaarammi. Makhoyna Hesbon amadi masigi khunggangshingda leirammi.

26 Moabki ningthougi mayokta laan houduna Moabki ningthougi lam Arnon turenda phaaoba loushinbikhiba amorishinggi ningthou Sihon-gi konungdi Hesbon oirammi. Maramsidagi eshei shakpa mishingna asumna thaaduna eshei shaklammi: Laak-o, Hesbonda laak-u, Sihon-gi saahardu amuk haanna shaagatchasanu.

28 Hesbondagi hourakkhi meidu, thoklakkhi meiridu Sihondagi,

Masina chaakkhi Moabki Ar kouba maphamdu, tumna manghankhi Arnon-gi ching amadi tambu.

29 He Moab, awaabanida nahaaksi, Chemosta leiriba mishing, nakhoy toupham khangdedo. Oihalle mahaakna nachaashingbu maroi maran taklaba mishing, Bandi oinaa puhankhre namomloishingdu nahaakki, Amorishinggi ningthou Sihonna pukhre makhoybu

30 Asumna mangkhi makhoygi nungaaiba, Hesabondagi dibon phaaoba, eikhoina Nophahdagi Medeba phaaobasu tumna manghankhi.

31 Asumna Israelgi mishingna Amorishinggi leibaakta leiba houkhi.

32 Matamduda Mosesna Jazerda lonna lamit tumit yenglunaba mi thaakhi. Makhoyna maasida leiba khunggangshingdu loushinkhi. Aduga maphamduda leiramba Amorishingbu tankhi.

33 Masigi matungda makhoyna Basan taanna chatkhi. Basangi ningthou Ogna makhoyga laan thengnnaba thoklakkhi. Ogna luchingduna Edroi kouba maphamduda Israelga laanthengnakhi. 

34 Eeshorna Mosesda haayrammi, "mahaakpu kiganu maramdi mahaak nakhutta taahangani. Mahaakki mishing amadi leibaaksu nahaakki nakhutta taahangani. Amorishinggi ningthou Hesbonda leiba Sihonda nahaakna toukhibagumna mahaakki maphamdasu nahaakna touba ngamgani."

35 Asumna Israelgi mishingna Og, mahaakki machaashing amadi mishingdu loina haatkhi. Makhoyna mahaakki leibaaktuda leiramba mishingdu amaa phaaoba khaklamde. Ogki leibaaktu Israelgi oikhi.