Numbers 23

1 Balamna Balakta haayrammi "maphamsimaktada phaankhong taret shaaraga saren tunaba sanlaba taret amasung yaao laaba taret purakkadabani.

2 Balakna Balamna haayrakpashingdu thinthaba leitana purakrammi. Balak amadi Balamna phaankhong khudinggi sanlaba amaaga yaao laaba amaaga katthoklammi,

3 Balamna Balakta haayrammi, "meida thaaduna katlaba thousigi manaakta nahaak lepu. Eihaak ngaaihaaktang chatthokke. Eeshorna eigaa unnaba shoydana laaklamgani. Ebungngona eingonda uhanbiba pumnamak nahaakki naphamda eina tambigani.” Mahaakna awaangba ching amagi matonda kakhatkhre.

4 Eeshorna Balamga unarammi. Balamna Eeshorda haayrammi, "eina phaankhong taret shaaduna phaankhong khuding thungna sanlaba amaaga yaao amam-mamga katchaare."

5 Eeshorna Balamgi machinda shokladuna haayrammi, "Balakki manaakta hallo. Nahaakna maangonda haaygadaba waadi asini:

6 Mahaakna waa haayrurage haayna laakpa matamda Balak amadi Moabki ningthou machaashingdu meida thaaduna katliba thougi manaakta lepladuna leirammi.

7 Madu ubada Balamna waa haayba houraklammi. Asumna haayrak-e," "loibi chinggi Nongpoklomda leiriba Syriakouba maphamdudagi Moabki ningthou Balakna eibu pubirakkhi. Mahaakna haayjakhi, 'lengbiraktuna eigi eramda laiphao phaobiyu, Israel kouba mishinggi mathakta shaap toubiyu.

8 Adubu Eeshorna shaap toudabashinggi mathakta eina karamna touba ngamgani? Manglasanu karamna eina haayba ngamgani Eeshormaknasu haaykhidringeida?

9 Loibi chinggi matondagi eina ukhi mahaakpu, chingthaktagi yengthaarakpa matamda taakhi eigi mityeng mahaakki mathakta, yeng-u, matomta taariba mishingsi jaat amani, atei Jaatshingdagi makhoyna henna kubiba phanglaba jatni haaybasi makhoyna khang-e.

10 Israelgi machaashingsi uphulgumna mashing yaammi, Makhoybu mashing thibaasi oithokpa natte, Eeshorgi mi mayaamgi marakta amaa oinaa eigi punsi loisanu, Ashengba kanaagumbana nungaaina shibagumna eisu sijage.

11 Maasi haayraba matungda Balakna Balamda haayrammi, "nahaakna eigi ephamda touribasi karino? Eina nahaakpu yeknabashinggi mathakta shaap tounaba koukhibani. Yeng-u, nahaakna makhoyda bor henna pibire."

12 Maasida Balamna paaoukhum pirak-e, "Eeshorna eigi echinda ngaang-u haayba waashingduta eihaak ngaangba taay."

Balamgi anishuba laiphao

13 Balakna Balamda haayrammi, "nahaakna makhoybu henna phajanaa ubaa yaaba atoppa mapham amasu leiri. Makhoy loynaba ubadi ngamdaba yaai, adubu maphamdudagi makhoybu shaap toubiyu."

14 Balakna Balambu Pisgah chinggi maton Zophimgi louphamduda pukhatlammi, phaankhong taret shaaraduna sanlaba amam-mamga yaao laaba amam-mamga katthoklammi.

15 Balamna Balakta haayrammi, "eina maphamsidagi khara thaapna Eeshorbu unaba chatlingeida nahaakna katchariba meida thaaduna touriba thougi manaakta leptuna leirammu." 16 Eeshorna Balamga unarammi." Balamna haaygadaba waashingdu Ebungngona khanghanbirammi. Ebungngona  Balaki manaakta haanna chatkhinaba taakpirammi. Ebungngona  Balamda haaykhiba waashingdu Balakta haaynanaba thaakhirammi."

17 Balamna Balakki manaakta hallakpa matamda Balak mashaana katchaba meida thaaduna touriba thoudugi manaakta leptuna leirammi. Mahaakka loynanaa Moabki ningthou machaashingdusu leptuna leirammi, Balakna Balamda haayrammi, "Eeshorna nangonda kari paao taakpirakpage?"

18 Balamna Balakta haayrammi "hougatlo Balak, taro houjikti, he Zipporgi machaanupa eina haayriba waasi taro.

19 Eeshordi taaibang mi natte, maramsina ebungngodi oidaba waa haaydabani, Taaibangmigumba nattaba maramna pukningsu hongba naide. Ebungngona  haaikhiba toudana tokpa leibra? ebungngodi haaykhiba waadu ngaakna chatli

20 Yeng-u, Handaksu makhoybu bor pikho haayri, Ebungngona bor pikhrabadugi mathakta eina shaap touba ngamde.

21 Ebungngona Jacobki maraibakta laaibkthihalloi, Israelgi mishinggi mathakta awaaba tahanningde. Eeshorna makhoybu Loinabiri Eeshorna makhoygi ningthouni haayri.

22 Eeshorna makhoybu Egypttagipurakpani, Ebungngona makhoygi maramgidamak lamsaagumna waainabiri.

23 Matousi mitrang amadi jadu natte, Israelgi mayaaokta mitrang amadi jadu changde. Houjikti makhoygi mishinggi maramda asumna haaygani, "yeng-u, Eeshorna makhoygi damak toubikhibasi angakpani.'

24 Israel haayba jatsi akanba nongsha amagumbani, Masina maangda leiriba shaadu hattriba phaaoba tuminna leiroi, hatlaba shaadugi eedu masina thak-e.

Balamna Ahumlak laiphao phaaoba

25 Balakna Balamda haayrammi, "makhoybu borsu piranu aduga shaapsu touranu"

26 Balamna Balakta haayrammi, "Eeshorna tou haayrakpaduda tougani haaybasi eina nanggi naphamda maangjounana haaykhrabani."

27 Balakna Balamda haayrammi, "phare adudi laak-u, atoppa mapham amada eigaa amuk chatlasi. Eeshorna Penbiraduna maphamdudagi makhoygi mathakta shaap tounaba yaathang pibirakpa yaai."

28 Balakna balambu Peorgi chingdonda pukhatlammi. Maphamdudagi leikangla oinaa leiriba lamdu phajanaa ubaa phanglammi,

29 Balamna Balakta haayrammi, "maphamsida phaankhong taret shaaduna sanlaba taretka yaao laaba taretka purak-u"

30 Balakna Balamna haayba matung ennaa tourammi. Phaankhong khudingda sanlaba amaaga yaao laaba amaaga kathoklammi.