Micah 2

Laairabashingbu otpagi mahei

1 Phattaba thabak toubagidamak phamungda tumlaga waakhal khallibashingdugi mathakta awaabanida, nongngaallakpa matamda makhoyna adumak touwi. Maramdi madu tounaba paanggaldu makhoygi makhutta lei.

2 Makhoyna lam pamlabadi madu namduna louwi, yum pamlabasu madu namduna louwi. Makhoyna kanaagumba migi mapot maran munduna louwi, migi leijaba mapot machei namduna loui,

3 Maramsina asumna taakpiri Eeshorna yeng-u, asigumba mishingsigi mathakta eina phattaba thok-han-gani. Nakhoygi nangaktagi adugumba potpu adu louthokpa ngammi. Chumna chatpasu ngamloi, haayribasimak nakhoygi aroiba pungpham oigani

4 Adugumba numittuda makhoyna nakhoyda eshei amaa shakkani, yaamna thamoi shokna kapkani, makhoyna haaygani, eikhoy maru phangna maangle makhoyna eikhoygi mishinggi maraibak honghalle, makhoyna kayaa laaina eikhoydagi munba ngamkhiba, eikhoygi yeknabashingda mahaakna eikhoygi lam yonkhre,

5 Maramsina Ningnashangda nakhoygi sharuk asini haayna pinnaba kanaasu leiraroi.

6 Makhoyna asumna haay, nakhoy waa ngaangba yaade, kanaanasu asigumba waasi haayroidabani, eikhoy karigi ekaaiba nanglugadage

7 Asumna haaygadra he Jacobki emung manung? Eeshorgi thawaaydu leitrabara? pumnamaksi manaa touribara? Achumba chatpa mishinggi maphamda eigi waaheishingsi kari amatta kannadrabara?

8 Adubu nakhoydi eigi mishinggi mayokta yeknaba oinaa lei, eingna leijabashingdagi nakhoyna maphi mulli, laangi waakhal toudana thaajabaga loynanaa chatpa mishingbusu nakhoyna shingnei.

9 Eigi mishinggi nupishingbu nakhoyna makhoygi, nungaaiba mayumdagi taanthokpi, eigi etik egundu nakhoyna makhoygi machaa-masudagi louthok-e.

10 Hougatlo aduga chatlo, maramdi maphamsi nungaaina potthaaduna leinaba leite. nashaana nashaabu manghannaba nakhoydi touningbata tougadaba jatni.

11 Kanaagumba nupaa amanaa koychat chattuna oidaba waa nganglaba aduga yu amadi nisa yaamna chaao haayna makhoyda haayrabadi adugumba nupaadu haayriba mishingsigi paao shaandokpa oigani

12 He Jacobki Misa, eina nakhoybu punsanbigani, Israelgi lemhouba eremkhaktusu eina tinsinbigani. shanggu tinba yaaogum makhoybu shajik chaphamda shanggu tinbagumna, Nile khonglaba mia kaangbu amaa eina shemgatkani. Makhoygi luchingbashingna makhoygi mamaang thaagani, makhoyna thonggal namthektuna naanthokkhigani, makhoygi ningthouna makhoygi mamaang thaaduna chatkani, aduga Eeshorna makhoy pumnamakki mamaang thaaduna chatkani.