Hosea 6

1 Laak-u, Eeshorgi maphamda eikhoy samai leirasi, maramdi manaa eikhoybu machet taahanbibani aduga manaa phahanphamsu thok-e. Manaa eikhoybu shokhanbani maramsina manaa eikhoybu phi yetpigadabani.

2 Numit ninigi matunga manaa eikhoybu kalhanbigani, humni shubada manaa eikhoybu Mapung phaana kanbigani. Adumna tourabatada eikhoy maagi mamaangda hingba ngamgadabani.

3 Eikhoi nollukpa tamlasi, Eeshorbu khangnaba tallasi. Maramdi maagi achumbadu ayukki mangaan laakpagumna laangi, maagi mangaan laakpadu numit thokpagi matougummi. Eikhoygi ethakta nong chubagi matougumna laakkani, basanta matamda laakpa maalembu enghanba nonggi eeshinggum oigani.

4 He Ephraim, nangonda ei kari tousige? he Judah, nanggi naphamdana kari tousiba? nangga eigagi marisidi ayukta thaaba leichingummi, angaanbada taaba ngaaihaaktada maangkhiba liklaagummi.

5 Maramsina waa taakthokpa shinggi mapaanna eina nakhoybu noihatli. Eigi chindagi thorakpa waaheidana nakhoybu mangtak-hanba ngammi. Eigi bichardi meigi matougum oigani.

6 Irat pujabudi chetna channa nungshibaduna henna paammi, meida thaaba pujanachingba toubagi mahutta Mapubu kina chatpaduna henna paammi.

7 Adamgi matougumna makhoyna areppa waashaktubu thugaaykhre, houjikti makhoy eigi ephamda thaajaba utpa ngamdre

8 Gilead phattaba toubashinggi saaharni, eena loukhong chelli.

9 Huraanbashingna lumduna kanaagumba laakpa ngaibagum, purohit shingnasu pullaga tasanduna lei. Shechem chatnaba laambelda makhoyna mihatpagi thabak touwi, ashengbamak ee taabagi thabak touwi.

10 Israelda tamthiraba matou amaa eina ure, madudi Ephraimgi mishingna oktabba oktabigi thabak touduna laaimangshing khurumkhi, maramsina Israelgi mishingdu pap touduna phattaba oikhi.