Daniel 7
Danielna shangshangna ubadu phongdokpa
(7:1-12:13)
7 Babylon-gi ningthou Belshazzarna ningthou oiba ahanba chahida Danielna phamungda hiptuna leiringei matamda mang oina khudam ama ukhi. Mahakna mangdu ithoktuna wa machangdusu phongdokkhi. 2 Danielna hairammi, "ahingda eina khudam ama ukhi. Yengu, nongmadonda paiduna leiriba nungsit maram mariduna achouba ipaksibu houhankhi. 3 Matamduda amana amadagi masak toppa achouba sha marikhaksu ipaktudagi thora klammi. 4 Ahanbadu nongshagi matougumlammi aduga achouba uchekki masa pallammi. Eina yengkhibada masigi masadu tonganna takhi. Adubu madu leimaidagi amuk hangatkhi. Migumba amagi makhong anida hairiba masadu lephankhi. Migi wakhangumna hairiba masasida pibikhi. 5 Yengu, atoppa sha amaduna shaom amagi matougumlammi. Masibu nakan amada thokhallammi. Masigi machinda maya ahum thindo klammi. Masida taibangda leiriba shadong panba jibasingsibu tumna manghannaba yathang ama pirammi. 6 Masigi matungda eina yengkhibada yengu, manamganda uchekki masa mari panba kabo keigumba ama urammi. Hairiba shasigi makok mari pallammi. Masida malemsigi mapu oinaba pirammi. 7 Masigi matungda ahingda eina khudamsingdugi marakta, marisuba sa, yengbada akiba phangba yamna kanba ama urammi. Masigi yotna saba akanba maya palammi. Masigi mayasingduna pot khudingmak neikhairammi aduga lemhoubasingdu makhongna netkhairammi. Masigi mamangda ukhiba shasingdudagi masina yamna tongallammi. Masigi machi tara pallammi. 8 Eina machisingdu munna yengba matamda, yengu, machisingdugi marakta atoppa machi ama phaogatlakle. Hairibasi pik-i. Adubu masigi mamangda hanna pallamba machi ahum tektuna takhi. Yengu, hairiba machisida migi mamitkumna pallammi. Machindudagina achouba thoudok kayagi maramda wa nganglammi.
Sinaidaba mapubu shangshangna uba
9 Eina asumna yengbada, singhasan phajana thaba urammi, thainadagi houna leiraklaba Ibungo mahakna masida phambal tongduna leiba urammi. Ibungoduna setliba phidu ungumna ngourammi. Mahakna phamliba singhasandu meirina leitenglammi. Masigi chakadu achakpa meirina oirammi.
10 Masigi meiri pareng naina thora klammi, Ibungogi mangdagi hairiba meirisi houra klammi, lishing lishingna khujing oiduna Ibungosibu seba tourammi, lishing tara tarana khujing oiduna Ibungogi mangda leptuna leirammi. Wayel tagadoubagi loishangdu sem saduna leirammi, lairiksingdu hangdoktuna leirammi.
11 Machindudagi nganglakliba wasingdagi thorakliba ahouba makhondu tabada eina yengtho klammi. Eina yengthokkhiba matamda hairiba shasi sirammi. Masigi masadu louba yadabamakhei kakthatlaga meida thananaba langlammi. 12 Lemhouriba shasingdugina makhoigi leibaksingdu loina munbikhi. Makhoi kumon ama yeithabikhi. 13 Eina ahingda mang mangbaduda ukhiba khdam:
yengu, nongmadonda pairiba leichinga loinana, taibang mi manba ama laklammi, mahakna sinaidaba mapugi nakta changlammi.
Ibungodugi mangda lepladuna leirammi.
14 Mahakki maphamda leibaktu pibikhi. Matik mayai pinabikhi, miyam, jatsing amadi tongan tonganba lon lonbasingna Ibungo mabu seba tougani, atatpa leitana lengdana leiragadaba, mangba leitraba leibak oigani Ibungogi leibaktu. Thugaiba ngamloidaba amatta oiba leibakni mahakki.
Shangshangna ubadu phongdokpa
15 Masi ubada eihak thawai yamna warammi. Eina ukhiba khudamsingduna thamoisi yamna nungnanghallammi. Daniel eina maphamduda leptuna leiriba amagi manakta changlaga thokliba thoudoksigi matangda hangbada wa machangdu eingonda haira klammi. 17 Hairiba achouba sha marisi malemsida pallagadouriba ningthou chaoraba marini. 18 Adubu khwaidagi sengthoiraba mapugi nanai oiriba achumba thabak toubasingduna ningthou leibaktu phanggani. Adugumba ningthou leibaktu matam leibada ahongba leitana makhoigi oigani."
19 Matamduda atei sha ahumdudagi top toppa marisuba sadugi manung hanjinba wa machang karino haibadu eina yamna khangninglammi. Hairiba shasidi akibagi masak phanglammi. Masigi yotki maya aduga pithraigi khujin pallammi. Masina pot khudingmak machet machet tana segairammi. Lemhoubasingdu masigi makhongna netlammi. 20 Masigi makokta panba machi tara aduga machisingdugi marakta chongthorakpa apikpa machi amadi masigi mamangda machi ahum maru phuktuna kenkhiba mamit panba machi aduga wa ngangkhiba amadi masibu yengbada ateisingdudagi ihen henna chaobagum uba adugi maramda eina yamna khangninglammi. 21 Eina asum yengbada hairiba machisina achumba toubasingga lan thengnarammi. Makhoigi mathakta masina mamai pallammi. 22 Sinaidaba Mapu lengthoraktuna sengthoiraba mapugi nanaisinggi maramda wayelbirammi. Achumba toubasingna mameithangda ningthou leibaktu phangkhi.
23 Ibungoduna asumna takpiri: Marisuba sadugi maramda, malemsida Marisuba achouba leibak ama sandorakkani, masi leibak ateidagi yamna tongan-gani, masina malemsi tumna manghan-gani. Masina malemsibu khongna netkani aduga machet machet thugaigani.
24 Machi maridugi matangdadi asini: Hairiba leibaksidagi ningthou tara thorakkani. Makhoigi matungda atoppa amasu pan-gani, mahak ateisingdudagi tongangani, mahakna ningthou ahumbu maithiba pigani, 25 Mahakna sengthoiraba Mapu Ibungogi mayokta phattaba wa ngangani, wangchaoraba Mapu Ibungogi achumba toubasingdu mahakna tumna manghan-gani, mahakna matam amadi ainsibu hangdokke haina ningani. Hairibasingsi mahakki makhutta amurak, anirak aduga ahumlak tahan-gani.
26 Masigi matungda loishangdu tingani, mahakki makhuttagi leibaktu munkhigani, masi ngamkhei leitana tumna manghan-khragadabani.
27 Leibak leibak khudinggi khoiri chup, nongmadon khada leiriba leibaksingsigi matik mayaidu wangchaoraba Mapu Ibungogi manai oiriba achumba toubasingda pibigani. Makhoigi leibaktu lomba naidaba leibak oigani, leibak khudingmakna makhoina haiba ingani aduga makhoigi makha pongani.
28 Masini thokkhiba thoudoktugi aroiba wa machangdu. Daniel eidi khalluraga thoina henna khoiranghalli. Isagi kuchusi olli. Adubu waphamsi eina pukningda chetna thamkhi.