Mark 1

Markna lengba aphaba waapaao

Buptized toubiba John amasung mahaakki paao

( Matthew 3.1-12; Luke 3.1-18; John 1.19-28 )

1 Eeshorgi machaanupa Jesus Christagi aphaba waapaaogi ahouba.

2 Eeshorgi waa taakthokpa Isaiahgi laairikta ekhibagumna, yeng-u, eina eigi paakhon-shibabu nanggi namaangda thaay; mahaakna nanggi lambi shemgani;

3 Lamjaaoda laaoriba amagi khonjendi, nakhoyna Eeshorgi laambel thouraang tou, ebungngogi lambi chumhallu;

4 Adugumduna lamjaaoda buptized toubiba John aduna paaptagi handokpinaba pukning hongbagi buptized touba adu shaandoktuna laakle.

5 Amasung Judeagi lam pumnamak amasung Jerusalemgi mi pumnamak mahaakki maphamda thoklakle; aduga makhoygi paap haaydokchaaduna, Jordan turenda makhoyna maangondagi buptized lourammi.

6 Johndi ut matugi phi shetlammi amasung makhwaangda saun-gi khwaangjet laaklammi, aduga koujeng amasung lam khoihi chaarammi.

7 Amasung mahaakna paao shaandoktuna haayrak-e, eigi etungda laakliba Ebungngona eingondagi matik helli; ebungngogi khugraang mari eina nonthaaduna louthokpa etik chaade.

8 Eina nakhoybu eeshingda buptized toubire, adubu Ebungngona nakhoybu thawaay ashengbada buptized toubigani.

Jesusbu buptized touba amasung diyaabolna themba

( Matthew 3.13-17; Luke 3.21,22; Matthew 4.1-11; Luke 4.1-13 )

9 Matam aduda asum thoklare, Galileegi Nazarethtagi Jesusna laaktuna, Jordanda Johndagi buptized loure.

10 Amasung eeshingdagi hek kaarakpada, swarga khanghaang haangdokpa amasung thawaayna khunugumna ebungngogi thakta kumthaarakpa adu ure;

11 Aduga khonjen amaa swargadagi laakle, nang eigi nungshiraba echaa-nupaani, nangonda eina yaamna pelle.

12 Amasung khudak aduda thawaayna ebungngobu lamjaaoda puthokkhi.

13 Aduga ebungngodi Satanna themba adu khaangduna lamjaaoda numit niphuni lamgi sashingga loynanaa leirammi, aduga swargadut shingna ebungngobu thougan tourammi.

Jesusna thabak houba amasung ahaanba sebokshingbu kouba

( Matthew 4.12-22; Luke 4.14-15; Luke 5.1-11 )

14 Johnbu keishumshangda pithokkhibagi matungda, Jesusna Eeshorgi aphaba waapaao shaandoktuna Galileeda laakle,

15 Amasung Ebungngona haay, matam adu thungle, aduga Eeshorgi leibaak nakle; nakhoy pukning hongduna aphaba waapaaoda thaajou.

16 Jesusna Galileegi louktaak mapaanda laallakpada, Jesusna simon amasung Simon-gi manaao Andrew samudrada een koyhun hunduna leiramba ure; maramdi makhoydi nga phaaba mini.

17 Amasung Jesusna makhoyda haay, laak-u, etung ellu, aduga eina nakhoybu mi phaabashing oihan-gani.

18 Khudak adumaktada makhoyna een thaadoklamduna, Jesusgi tung enjare.

19 Aduga khara chatlaga, Ebungngona  Zebedeegi machaanupa James amasung maagi manaao John een phottuna hinungda leiramba ure.

20 Khudak adumaktada Ebungngona makhoybu koure; aduga makhoyna makhoygi mapaa Zebedeebu anekpa mishingga loynanaa hinungda thamlamduna, ebungngogi tung enjare.

Capernaumda Jesusna bhut changba mi amabu phahanbiba

( Luke 4.31-37 )

21 Amasung makhoyna Capernaumda laak-e; aduga potthaaba numitta Ebungngona loysangda hek changduna tambirak-e.

22 Amasung ebungngogi tambiba aduda makhoyna engak ngaklammi, maramdi Ebungngona shaastragi ojaashinggumna nattana, matik leiba migumna makhoybu tambirammi.

23 Khudak adumaktada makhoygi loysangda shengdaba thawaay changba mi amaa leirammi; 

24 Aduga manaa laaorak-e, he Nazarethki Jesus, nangga eikhoyga kari thoknaba leibage? eikhoybu manghannanaba laakpraa? Eina nang kanaano haayba khang-e, Eeshorgi ashengba aduni.

25 Maduda Jesusna maabu khaamjin-duna haay, tuminna laiyu, aduga maangondagi thokkhro. 

26 Aduga shengdaba thawaay aduna maabu noihatlamlaga, awaangba khonjenna laaoduna maangondagi thokkhre.

27 Maduda makhoy pumnamakna engak ngakle, aduna makhoy masen hangnarak-e, asi karino? anouba tambibani! Matik yaaona mahaakna shengdaba thawaay shingmakpu yaathang pi, amasung makhoyna mahaakpu elli.

28 Amasung Galileegi akoyba lam apumbaa mapham khudingmakta ebungngogi paaoninkhon hek shaandokkhre.

Jesusna Petergi manem-bokpu amasung atei ayaambashingbu anaaba phahanbiba

( Matthew 8.14-17; Luke 4.38-41 )

 29 Amasung makhoyna loysangdagi hek thoklakpada, James amasung John-ga loynanaa Simon amasung Andrewgi yumda changle.

30 Matam aduda Simon-gi manembok ningtham chanduna hiplammi, amasung makhoyna maagi maramda ebungngoda hek tammi.

31 Aduga Ebungngona nupidugi manakta changsillga, makhut paayduna maabu hougathanbire; amasung maagi ningtham chanba phakhare; aduga mahaakna makhoybu thougan toujarak-e.

32 Amasung numit taare haayraga, numidaangda miyaamna Jesusgi manakta anaaba pumnamak amasung bhutna pubashing khudingmak puraklammi.

33 Aduga saahar apumbana thongda tillare.

34 Maduda makhal makha ayaamba laainana naaba mayaambu Ebungngona phahanbire, amasung bhut ayaambabu taanthokle; aduga Ebungngona bhut shingbu waa nganghandre; maramdi makhoyna ebungngobu Christani haayba khanglammi.

Jesusna haayjanabagi damak lengba, amasung Capernaum thaadokpa

35 Ayuk nganta, nong nganlamdaida, Jesusna hougatlaga chatthokkhre, amasung achikpa maphamda laaktuna maphamduda haayjarammi.

36 Amasung Simonga mahaakka loynaba makhoygana ebungngogi tung enkhiduna,

37 Makhoyna ebungngobu phanglaga ebungngoda hanggatchei, pumnamakna ebungngobu thiri. 

38 Aduda Jesusna makhoyda haay, eikhoyna khul mathang mathangdasu eina paao shaandokna-naba chatsi; maramdi eina asigidamak thoklakpani.

39 Aduga Ebungngona makhoygi loysang loysangda paao shaandoktuna amasung bhut shingbu taanthoktuna Galilee pumnamakta laakle.

Kusthi thungba mi amabu phahanbiba

( Matthew 8.1-4; Luke 5.12-16 )

40 Amasung kusthi thungba amanaa ebungngoda laaktuna khuru khudak kullaga nijaduna haayjei, Ebungngona yaabirabadi, eibu shenghanbiba ngammi

41 Maduda Ebungngona nungshibiraktuna khut tingthoklaga, maabu shokpiduna haay, eina yaare; nahaak shengjaro.

 42 Amasung khudak adumaktada kusthi laaina adu maangondagi thokkhiduna, mahaak shenghoure.

43 Aduga Ebungngona mahaakpu kanna yaathang pire, amasung mahaakpu hek thaakhiduna maangonda haay,

44 Yeng-u, nangna kanaadasu kari amata haaydokkanu; adubu chatlu, nashaamak purohitta utcharu, aduga nahaakpu shenghanbibagi maramda Mosesna yaathang pikhiba pot adu makhoyda saakhi pinanaba katcharu.

 45 Touegumsung mahaakna chatthokkhiduna, waaram adu yaamna phongdokpa amasung shaandokpa houre; maram aduna Ebungngona saaharda phongna amuk changba ngamdre; touegumsung mapaanda achikpa mapham maphamda leirammi; amasung makhoyna maaykei khudingmaktagi ebungngoda laaklammi.