Psalm 135

Thagat ishei

135 Lainingthougi mingkhei sollasi. Lainingthougi manaising, Ibungogi mingkhei sollasi.

2   Lainingthougi ningnashangda leplibasing, ipuroigi sonnapungda leiribasing, Ibungogi mingkhei sollasi.

3   Lainingthougi mingkhei sollibasi maramdi Ibungotani Mapuk phabasi, Ibungotagi mingkhei thagatlasi maramdi Ibungodi thoujan leibani.

4   Ibungona Jacobpu khandokpikhi, khandopikhi Israelgi mishingbu mahakki oina.

5   Khangjei eina Lainingthoudi athoibani, laiyamsing punsindunasu Ibungona chaoba helli.

6   Nonmadon amadi malemda, ipak achouba amadi laija ironnungda Ibungona touba ngamdaba leite.

7   Malemsigi aroiba maphamdudagi Ibungona nonglei nungsit purak-i,

nonglei nungsittagi nongthang thok-hanba ngammi.

Ibungogi pukkeidudagi nungsit sithanbi.

8   Egyptta Ibungona mi amadi sha amimakki ahanba pokpa machanupasingdu hatpikhi.

9   Maphamduda ningthou amadi phamnaibasingbu awapham tahanba oina angakpa thabak kaya Ibungona pangthokpikhi.

10 Ibungona jati kaya manghanbikhi, aduga mapanggal leiraba ningthou kaya hatpikhi.

11 Amorisinggi ningthou Sihon, Bashan-gi ningthou Og,

Cannan-gi ningthousing loina Ibungona laksinbikhi.

12 Makhoigi lamsingdu Ibungogi mishingda pibikhi, pibikhi Israel machasingda.

13 Hey Lainingthou, Ibungobu matam leibada ipuroini hainagani,

miron miron khudingda Ibungobu ningsingnahouragani.

14 Lainingthouna Ibungogi mishingbu nagakpi senbigani,

Ibungogi manaisingda Ibungona thojanbigani.

15 Jatsingna khurumliba laisingdudi lupa amadi sanana sabani,

makhoidudi mioibagi khutna sembani,

16 Makhoigi machin palli adubu ngangbadi ngamde, mamit palli adubu ubadi phangde,

17 Mana palli adubu tabadi phangde makhoi sor honba phaoba ngamde.

18 Hairiba khutsemsingsida thajaribasingdu makhoina semba khutsemgumlasanu.

19 Israelgi mishing, Lainingthougi mingkhei sollasi,

Mapu Ibungogi purohitsing, Ibungobu thagatlasi.

20 Levising, Lainingthoubu thagatlasi,

Ibungo mahakpu khurumjaribasing, Lainingthougi mingkhei sollasi.

21 Zion amadi Jerusalemda Ibungogi yumni maramsina maphamsida Lainingthougi mingkhei sollasi,