Numbers 28
Chang naina katpa thou
(Khong 29:38-46)
28 Ishor-na Mosesda hairammi, 2 Israelgi mishingda yathang ama pigadabani. Yathangdudi asini: Eigi iphamda Eigi chakluk oina meida thaduna katkadaba, Eina pamjaba manamnachingba thok-handuna katpa thousingdu matam matamgi oina kaidana katkadabani. 3 Makhoida nahakna haigadabani: Ishor-gi khuyakhada katkadaba meida thaduna tougadouba thoudu asini: asoi angam leitaba yao laba chahi amarom suraba ani, numit khudinggi atatpa leitana katkadabani. 4 Yao amana ayukta aduga atoppa amana numidangwairamda katkadabani. 5 Mahei maronggi thou oina aphaba yam ephah amagi saruk tara thokpagi ama, sumdoklaba thao hin amagi mari thokpagi ama pigadabani. 6 Ishor-gi khuyakhada meida thaduna katpa thou, manam nungsiba thok-handuna atatpa leitana katkadabani haibasi Sinai chingda yathang oina pikhrabani. 7 Yao ama katpa matamda thaknaba mahi oina katkadouribadu hin amagi mari thokpagi saruk ama oigadabani. Ishor-gi khuyakhada asengba maphamda mayai yamna kaba mahidu heigadabani. 8 Atoppa yaoduna numidangwairamda katkadabani. Ayukta katpa mahei marong amadi mahidugumna masisu meida thaduna Ishor-gi maphamda manam nungsiba thok-handuna katkadabani.
Potthabada katpa thou
9 Potthaba numitta yao laba chahi ama suraba ani asoi angam leitaba yengduna thaoga yannaraga mahei maronggi thou oina aphaba yam ephah amagi saruk ani katkadabani. Masiga loinana thaknaba mahisu katkadabani. 10 Atatpa leitana katkadaba thou amadi thaknaba mahidugi mathakta potthaba numit khudinggi meida thaduna mathakta piriba potsingsi katkadabani.
Thagi ahanba numitta katpa thou
11 Tha khudinggi ahoubada Ishor-gi khuyakhada meida thaduna thou katkadoubani masida Shan-lamcha ani, yao laba ama, asoi angam leitaba chahi ama suraba yao laba taret amasu katkadabani. 12 Thaoga yannaraga mahei maronggi thou oina aphaba yam ephah amagi saruk tara thokpagi ahum katkadabani. Masi shallaba amamamgi konanaba potlamni. Yao laba amamamda thaoga yannaraga mahei maronggi thou oina ephah amagi saruk tara thokpagi ani katkadabani. 13 Yaogina mahei maronggi thou oina ephah amagi saruk tara thokpagi ama katkadabani. Potsingsi kattuna Ishor-gi maphamda manam nungsina manam thok-handuna thou oina katkadabani. 14 shallaba amada thaknaba mahi hin-gi tangkhai ama katkadabani. Yao laba amagina hin amagi saruk ahum thokpagi ama oigadabani. Yao macha amagina hin amagi saruk mari thokpagi ama oigadabani. Thagi oina thoukatpa matamda changgadouba potlamsingdu pikhibasingsini.15 Ishor-gi maphamda ayon-aran-gi thou oina hameng laba ama katkadabani. Atatpa leitana katliba thou amadi mahidugi mathakta hairibasingsi katkadabani.
Hamei haptaba tal katpagi thoudok
(Lichat 23:5-14)
16 Ahanba thagi taramarini suba numitta Ishor-gi mingda potthaba numit ngakkadabani. 17 Thasigi taramangani suba numitta usob ama pangthokkadabani. Numit taretni chupna hamei haptaba tal chagadabani. 18 Ahanba numitta asengba mitin ama pangthokkadabani. Numitsida akanba thabak suba yaroi. 19 Numitsida Ishor-gi khuyakhada meida thaduna thou ama katkadoubani. Masida Shan-lamcha ani, yao laba ama, chahi ama suraba asoi angam leitaba yao laba taret amaga katkadabani. 20 Hairibasingsiga konnana mahei maronggi thou oina thaoga yannaraga aphaba yam katkadabani. Shallaba amagina ephah amagi saruk tara thokpagi ahum katkadabani. Yao laba amada saruk tara thokpagi ani katkadabani. 21 Yao machasingdugina tara thokpagi ama katkadabani. 22 Ayon-aran-gi thou oina hameng laba ama katkadabani. 23 Atatpa leitana meida thaduna katlibadugi mathakta ayukta katliba meida thaduna touba thoududagi hendokna hairibasi katkadabani. 24 Numit taretni chupana meida thaduna manam nungsiba thok-handuna Ishor-da katkadabani. Atatpa leitan meida thaduna katliba amadi thaknaba pot katlibadugi mathakta katkadabani. 25 Taretni suba numitta asengba mitin ama phamgadabani. Hairiba numitsida nakhoina akanba thabak touba yaroi.
Lourokpa loibada katkadaba thou
(Litchat 23:15-22)
26 Ahanba lokpa mahei maronggi khudon pot Ishor-gi khuyakhada katpa matamda, anouba mahei marong katpa matamda, asengba mitin amasu phamgadabani. Hairiba numitsida akanba thabak touba yaroi. 27 Numitsida Ishor-gi maphamda meida thaduna thou katlaga manam nungsiba thok-handuna Ibungobu haraohangadabani. Masida shallaba ani. Yao laba ama, chahi ama suraba yao macha taret amasu katkadabani. 28 Masiga konnana shallaba amada ingadouriba mahei maronggi potlamdu thaoga yannaraga aphaba yam ephah amagi saruk tara thokpagi ahum, yao laba amada saruk tara thokpagi ani oigadoubani. 29 Yao macha tarettugi saruk tara thokpagi amamam oigadabani. 30 Ayon-aran-gi thou oina hameng laba amasu katkadabani. 31 Atatpa leitana meida thaduna katpa thou amadi mahei maronggi thoudugi mathakta hairiba potsingsiga loinana thaknaba mahisu katkadabani. Hairiba potsingsi asoi angam leiba yade.