Numbers 28
Chang naaina katpa thou
(Khong 29:38-46)
28 Eesor-na Mosesda haayrammi, 2 Israelgi misingda yaathang amaa pigadabani. Yaathangdudi asini: eigi ephamda eigi chaakluk oinaa meida thaaduna katkadaba, Eina pamjaba manamnachingba thok-handuna katpa thousingdu matam matamgi oinaa kaidana katkadabani. 3 makhoyda nahaakna haaygadabani: Eesor-gi khuyaakhaada katkadaba meida thaaduna tougadouba thoudu asini: asoy angaam leitba yaao laaba chahi amarom suraba ani numit khudinggi atatpa leitaana katkadabani. 4 yaao amanaa ayukta adugaa atoppa amanaa Numidaang-waairamda katkadabani. 5 Mahei maronggi thou oinaa aphaba ata kilo ama-ga, sumdoklaba thaao liter amaa pigadabani. 6 Eesor-gi khuyaakhaada meida thaaduna katpa thou, manam nungsiba thok-handuna atatpa leitaana katkadabani haaybasi Sinai chingda yaathang oinaa pikhrabani. 7 yaao amaa katpa matamda thaaknaba mahi oinaa katkadouribadu liter amaa oigadabani. Eesor-gi khuyaakhaada asengba maphamda mayaai yaamna kaba mahidu heigadabani. 8 atoppa yaoduna Numidaang-waairamda katkadabani. ayukta katpa mahei marong amadi mahidugumna masisu meida thaaduna Eesor-gi maphamda manam nungsiba thok-handuna katkadabani.
Potthabada katpa thou
9 Potthaaba numitta yaao laaba chahi amaa suraba ani asoy angaam leitba yengduna thaoga yaannaraga mahei maronggi thou oinaa aphaba ata kilo amaa katkadabani. Masiga loynanaa thaaknaba mahisu katkadabani. 10 Atatpa leitaana katkadaba thou amadi thaaknaba mahidugi mathakta potthaaba numit khudinggi meida thaaduna mathakta piriba potsingsi katkadabani.
Thagi ahaanba numitta katpa thou
11 thaa khudinggi ahoubada Eesor-gi khuyaakhaada meida thaaduna thou katkadoubani masida San-lamcha ani yaao laaba amaa, asoy angaam leitba chahi amaa suraba yaao laaba taret amasu katkadabani. 12 Thaoga yaannaraga mahei maronggi thou oinaa aphaba ata kilo ahum katkadabani. maasi sanlaba amam-mamgi konanaba potlamni. yaao laaba amam-mamda thaoga yaannaraga mahei maronggi thou oinaa ata kilo ani katkadabani. 13 Yaogina mahei maronggi thou oinaa ata kilo amaa katkadabani. Potsingsi kattuna Eesor-gi maphamda manam nungsina manam thok-handuna thou oinaa katkadabani. 14 sanlaba amada thaaknaba mahi hingi tangkhay amaa katkadabani. yaao laaba amagina liter 1.2 oigadabani. yaao machaa amagina liter amaa oigadabani. thaagi oinaa thoukatpa matamda changgadouba potlamsingdu pikhibasingsini.15 Eesor-gi maphamda ayon-araangi thou oinaa haameng laaba amaa katkadabani. Atatpa leitaana katliba thou amadi mahidugi mathakta haayriba-singsi katkadabani.
Hamei haptaba tal katpagi thoudok
(Lichat 23:5-14)
16 ahaanba thaagi taramarini subaa numitta Eesor-gi mingda potthaaba numit ngakkadabani. 17 thaasigi taramangani subaa numitta usob amaa paangthokkadabani. Numit taretni chupnaa haamei haptaba tal chagadabani. 18 Ahaanba numitta asengba mitin amaa paangthokkadabani. Numitsida akanba thabak subaa yaaroi. 19 Numitsida Eesor-gi khuyaakhaada meida thaaduna thou amaa katkadoubani. Masida San-lamcha ani yaao laaba amaa, chahi amaa suraba asoy angaam leitba yaao laaba taret amaaga katkadabani. 20 Haayriba-singsiga konnana mahei maronggi thou oinaa thaoga yaannaraga aphaba ata katkadabani. sanlaba amagina ata kilo ahum katkadabani. yaao laaba amada ata kilo ani katkadabani. 21 yaao machaasingdugina ata kilo amaa katkadabani. 22 Ayon-araangi thou oinaa haameng laaba amaa katkadabani. 23 Atatpa leitaana meida thaaduna katlibadugi mathakta ayukta katliba meida thaaduna touba thoududagi hendokna haayribasi katkadabani. 24 Numit taretni chupana meida thaaduna manam nungsiba thok-handuna Eesor-da katkadabani. Atatpa leitan meida thaaduna katliba amadi thaaknaba pot katlibadugi mathakta katkadabani. 25 Taretni subaa numitta asengba mitin amaa phamgadabani. Haayriba numitsida nakhoyna akanba thabak touba yaaroi.
Lourokpa loibada katkadaba thou
(Litchat 23:15-22)
26 Ahaanba lokpa mahei maronggi khudon pot Eesor-gi khuyaakhaada katpa matamda, anouba mahei marong katpa matamda, asengba mitin amasu phamgadabani. Haayriba numitsida akanba thabak touba yaaroi. 27 Numitsida Eesor-gi maphamda meida thaaduna thou katlaga manam nungsiba thok-handuna ebungngobu haraaohangadabani. Masida sanlaba ani. yaao laaba amaa, chahi amaa suraba yaao machaa taret amasu katkadabani. 28 Masiga konnana sanlaba amada engadouriba mahei maronggi potlamdu thaoga yaannaraga aphaba ata kilo ahum, yaao laaba amada ata kilo ani oigadoubani. 29 yaao machaa tarettugi ata kilo amam-mam oigadabani. 30 Ayon-araangi thou oinaa haameng laaba amasu katkadabani. 31 Atatpa leitaana meida thaaduna katpa thou amadi mahei maronggi thoudugi mathakta haayriba potsingsiga loynanaa thaaknaba mahisu katkadabani. Haayriba potsingsi asoy angaam leiba yaade.