2 Corinthians 5

1 Maramdi eikhoygi phigi yumgumba leipakki yum asi tumkhrabadi, khutna saadaba Eeshordagi oiba, loyba naaidaba yum swargada eikhoygi lei haayba eikhoyna khang-e.

2 Maramdi swargadagi oiriba eikhoygi leiphamna phigum setchanba khouraangjaduna, asigi manungda eikhoyna nahejari;

3 Haaybadi, phigum setle haayraga, eikhoybu phi yaaodaba phangloidabani. 

4 Maramdi phigi yumgumba asida leiriba eikhoyna thawaay waaduna nahejari; maramdi madu louthokpiba paamde, adubu sigadaba oiriba adu hingbana yotshinnanaba eikhoyna phigum setpiba paammi.

5 Asimakki damak eikhoybu shembiraba, eikhoyda waarepsen-gumna thawaay adu pibiraba Eeshorni. 

6 Maram aduna eikhoyna matam leiba khibikta pukning thouna ningjari, aduga hakchaanggi manungda leiringeida eikhoyna Eeshordagi topna leiri haayna khang-e.

7 (maramdi eikhoyna thaajabagi mapaanna chatpani, mitna ubagi mapaanna natte);

8 Hoy, eikhoyna pukning thouna ningjari, aduga hakchaangdagi topna leinaba amasung Eeshordagi henna paammi.

9 Maram aduna eikhoyna leimin-naba oirabasu, topna leiba oirabasu, ebungngobu pelhanbana eikhoygi waakhal tendamni.

10 Maramdi mi khudingna maagi maagi hakchaangda toukhiba matung enna, aphaba oirabasu, phattaba oirabasu phangnanaba, eikhoy pumnamakpu Christagi waayenphambei maangda phongba taare.

Christagi nungshibana thougatpiba

11 Maram aduna Eeshorbu kiba adu khaangduna, eikhoyna mishingbu themjei; touegumsung eikhoybu Eeshorgi maphamda phongbire; aduga eikhoybu nakhoygi achum-araan khangnaba pukningdasu phongbire haayna eina tarang tarang khangna ningjei.

12 Eithoina nakhoyda eikhoy isabu amuk thaagatchaba natte, adubu pukningda nattaduna mapaanthoigi mityengda chaaothokchaba makhoyda nakhoygi paaoukhum leinanaba, eikhoygi maramda chaaothokchabagi maram nakhoyda eikhoyna pibani. 

13 Maramdi eikhoyna pukning seraannakhrabasu, madu Eeshorgi maphamdani; aduga eikhoyna pukning chumjabasu, madu nakhoygi damakni.

14 Maramdi Christagi nungshibana eikhoybu phajinbire, maramdi eikhoyna asumna waakhal khalle, haaybadi, amanaa pumnamakki mahutta sibire, aduna pumnamakna shire.

15 Aduga hinglibashingna amuk mathantagi damak hingdaduna, makhoygi mahutta sibiraduna amuk hinggatkhraba, ebungngogi damak hingnanaba, Ebungngona pumnamakki mahutta sibire.

Christada nouna hingba

16 Maram adugi damak eikhoyna houjiktagi houna mi kanaa amatabu hakchaanggi matung enba oinaa khangde; eikhoyna Christabu hakchaanggi matung ennaa khangkhrabasu, houjikti eikhoyna ebungngobu adugumna amuk khangde.

17 Maram adugi damak kanaagumba mina Christada leirabadi, mahaakti anouba khutshemni; ariba pot laanthokkhre; yeng-u, pot makhei enou nourakle.

18 Touegumsung pumnamak Eeshordagini; ebungngo mahaakna eikhoybu Christagi mapaanna ebungngo mahaak mashaga tainabiduna eikhoyda tainabibagi thougan pibire;

19 Haaybadi, mioibada makhoy makhoygi ayol aran shingthaanabidaduna, Eeshorna Christada leibiduna taaibang paanbabu ebungngo mahaak mashaagi tainabiramle, aduga tainabibagi waa adu ebungngo mahaakna eikhoyda shinnabire.

Tainabibagi waa amasung madugi thougan

20 Maram aduna Eeshorna eikhoygi epanna enshinbibagumna eikhoyna Christagi mahutta waa pubashing oijari; eikhoyna Christagi mahutta haayjari, nakhoyna Eeshorga tainabiyu.

21 Ebungngogi mapaanna eikhoyna Eeshorgi dharma chenba oiraknanaba, paap ekhang khangjadaba ebungngobu eikhoygi ehutta paap oihalle.