Isaiah 8
Isaiahna pokpaa machaaduna khudam oiba
1 Matangduda Eeshorna eingonda haayrammi, "achouba korbak amaa langlaga mayaamna khangnaba mayektu eyu, " Maher-salal-has-bazgi chaakkhang"
2 Eina thaajaba yaaba saakhi phangle. Purohit Uriah amadi Jeberechiahgi machaanupa Zechariahna eina haayriba waasi chummi chumde haaygani.
3 Eina waa taakthokpi nupidugi manaakta chatlammi. Mahaakna mironduna machaanupa amaa pokkhi. Matangduda Eeshorna haayrammi, " mahaakki maming Maher-salal-has-baz´kougani
4 Maramdi angaangduna epa nattraga ema kouba heitringeida Damascus amadi Samariagi lan thum pumnamak Assyriagi ningthouna pukhragani."
Assyriagi ningthou laakpa
5 Eeshorna eingonda Amukka haanna haaybirammi, "mishingsina Siloahdagi tapana tarakliba laaija eeshingdu thingkhrabanina aduga Rezin amadi Remaliahgi machaanupagi maangda kibana mahi chellabanina.
7 Yeng-u, Eeshorna achouba turelgi eeshing eechaaogumna Assyriagi ningthougi matik mayaainachingbadu pusillakkani. Lamduda leiriba turenda khongbal pumnamak paathoktuna chen-gani.
8 Masina Judah phaaoduna chen-gani. Masina yaamna saphu kanna chenkhiduna mangak youhn-gani, he Immanuel, masina nahaakki leibaaktu shinba thungna chen-gani. "
9 He mishing, khangu, nakhoy tumna maanggani, thaapna leiriba leibaakshing nakhoysu pukning changna taao, nakhoyna thouraang toujarabasu madu maay paakloi.
10 Nakhoyna punna waa taanarabasu madu khak thokloi, Eeshorna eikhoyga loynariba maramna nakhoyna ngaangba waa khudingmak aremba taagani.
Eeshorna maaichoubu waarakpa
11 Eeshorna mahaakki paanggallaba khuteigi ethakta thambiduna haayriba waashingsi phongdokpikhre. Mishingsigi ma-ong matou tamdanaba mahaakna eingonda taakpikhre. Mahaakna eingonda haayri,
12 "Mishingsina lonna khujin touribani haayna khangnariba thouraangdu nahaakna aronba thouraangni haayna lourunu. Makhoyna kiba pottuda nahaak kirunu. Karigi kiningai leibage.
13 Adubu nahaakki thammoina sheng-e haayna ningadabadu nongthak nongkha anigi mapu, Eeshordutani. Nahaakna kijagadabadu mahaaktani. Nahaakna tu chunggadabadu mahaaktani.
14 Eihaakna ningnashang, aduga khudi thinnaba nungjaao oiri oiri mahaakna khudi thinnaba nungjaaodu Israel amadi Jerusalemda leiriba mishinggi damak.
15 Ayaamba mishingna maduda khudi thigani makhoy maasida thengjinduna machet machet kaaygani. Makhoybu namduna phaaraga loi oinaa pukhigani
Mangdaba yaadaba
16 Haayriba matiksi eina manghalloi, eigi tung enbashingda maasibu takkani.
17 Jacobki emung manungdagi maaythong lotpiriba Eeshorbu eina ngaaiduna leigani. Ebungngona mahaakki maphamda eikhoyna asha toujagani.
18 Yeng-u, Eeshorna pinabikhraba angaangshingsi aphaba khudamni. Maasi Zion chingda ngaanthoibiriba nongthak nongkha anigi mapu, Eeshorna thok-hanbiribani.
19 Makhoyna nangonda "tungda thokkadaba waa haayba ngambashingga tanou" haayrabadi, jaat amagi mishingna makhoygi Eeshorga tanapham thoktra? makhoyna ahingbashinggidamak ashingbada waa tanagadra haayyu?
20 Pikhriba paaoutaak amadi utkhraba matik mayaai pumnamak kannadabani. Eeshorgi yawaasi tajou. Makhoygi mawaadu chatluganu.
Awaaba taaba matam
21 Makhoyna leibaaksida charamnana laakkani. Makhoyna aram khouraanglaba matamda makhoygi ningthou, amadi makhoygi Eeshorbu siraap tougani. Mathak lomda makhoyna maay onkhatkani.
22 Makhoyna maalemsida koyna yeijagani. Adubu yeng-u, awaaba, amaamba, kinthaaraba asana than-gani. Amaamba taaibangda makhoy lanmangnagani.