1 Chronicles 14
Jerusalemda Davidki thabaksing
(2 Sam 5:11-16)
14 Tyregi ningthou Hiramna Davidki maphamda paao puba nupaa amaa thaaraktuna konung amaa saaba oknaba deodar, chek amadi u subaa misingnachingba thaarakkani haayhallammi. 2 maramsidagi Davidna Israelgi mathakta ningthou oinaa panbasi Eesor-na yaabire haayba thajakhi. Israelgi mapaanna Davidki leibaak thoidokna achouba leibaak amaa oikhi.
3 Jerusalemda Davidna nupi kayaamarum thiduna machaa nupaa amadi nupi kayaamarum pokkhi. 4 Jerusalemda leiba mahaakki machaasinggi maming: Sammua, Sobab, Nathan, Solomon, 5 Ibhar, Elisua, Elpelet, 6 Nogah, Nepheg, Japhia, 7 Elisamaha, Beeliada amadi Eliphelet.
Philisti-singbu maaythiba piba
(2 Sam 5:17-25)
8 Davidpu Israel pumnamakki oinaa ningthou oinanaba thaao noikhre haaybasi taabada Philisti-singna Rephaimgi tampaakta laanthengnanaba sem saaduna leirammi. 10 Davidna Eesor-da haayjarammi. "Eina Philisti-singga laanthengnabasida ebungngona nanaaida makhoybu pibigadra?"
Masida Eesor-na khum-khi, "laan thengnou amasung makhoybu nahaakki nakhut chalhanbigani."
11 maramsina Davidna makhoybu Baal Perazim kouba maphamduda laanthengnakhi amasung makhoybu maaythiba pikhi: Mahaakna haayrammi, "Eesor-na eibu eesing eechaaogi matougumna yeknaba-singbu ngamhanbire. "maramsidagi haayriba maphamsibu Baal Perazim haayna thon-khi. 12 Philisti-singna lan kaiduna chenba matamda makhoyna purakpa laai murtisingdu hundoklamlaga chellammi amasung Davidna laaisingdu meida thanaba yaathang toukhi.
13 ekui kuidana Philisti-singna tampaakta taraktuna potchei huraanba hourakkhi. 14 Matamsidasu Davidna Eesor-da laaibao hangjarammi amasung Eesor-da asumna khumlakkhi, "maikei aso-mdagi nahaakna makhoybu laandaruganu. maadugi mahutta nakoinana laaklaga manam nungsiba thaao sungnanaba upaambi houriba asidagi lonna changlaklaga khanghoudana laaksillu. 15 Houriba upaansingdugi matondu lengbagi makhon taarakpa matamda nahaakna makoigi mathakta laksinba yaare maramdi eina nahaakki namang thaaduna chatkadouribani. Masidata Philisti-singbu maaythiba piba ngamgani." Eesor-na taakpikhiba matung ennaa Davidna thabak pumnamak chattharammi. asumna mahaakna Philisti-singbu Gibeondagi Gezer taanna taanthokkhi. 17 leibaak kayaa laanna Davidki mamingdu taanaba houkhi adugaa jaat ateina mahaakpu thoidokna kirammi.