Matthew 14
Buptized toubiba Johnbu haatpa
( Mark 6.14-29; Luke 9.7-9 )
1 Matam aduda Herod ningthouna Jesusgi maram adu taaraduna,
2 Mahaakki manaaishingda haayrak-e, buptized toubiba John adu asini. Mahaakpudi ashibashinggi maraktagi hinggatpire, maram aduna maangonda toungamdaba thabak toubagi matik leiribani.
3 Maramdi Herodna mahaakki manaao nupaa Philipki nupi Herodiagi mashunglaanggi damak Johnbu phaaduna pullaga keishumshangda thamlammi.
4 Maramdi Johnna maangonda haaykhi, nahaakna maabu louba waayel kaay.
5 Aduna maabu haatninglabasu, mahaakna miyaambu kirammi, maramdi makhoyna maabu Eeshorgi waa taakthokpa mi amani haayna lourammi.
6 Touegumsung Herodki mapok numit oirabada, Herodiagi machaanupina makhoygi mamaangda jaagoi shaaduna Herodpu pelhalle.
7 Maduda mahaakna maangonda karigumba nijaba adu pibigani haayna akanba waashakka loynanaa haayrammi.
8 Aduda mamaagi thoueensindagi manaa haay, mapham asida, buptized toubiba John-gi makok adu sempaak amada haaptuna eingonda pinabiyu.
9 Ningthou aduna thawaay waarabasu, mahaakki waashak amasung chaaminnariba makhoy adugidamak. madu pinanaba yaathang pibire.
10 Amasung mahaakna mi thaaraduna keishumshangda John-gi makok kakhanlure.
11 Mahaakki makok adu sempaak amada puraktuna leishaabi aduda pirabada, manaa mamaada purakle.
12 Amasung mahaakki sebokshingna laaklaga ashibaa masha adu loukhattuna mahaakpu phumlure, aduga makhoyna laaktuna Jesusda tamlare.
Mi lishing mangaabu pijaba
( Mark 6.30-44; Luke 9.10-17; John 6.1-14 )
13 Jesusna madu taaraduna, mapham adudagi hida tongduna achikpa mapham amada tongaanna theidokkhre; amasung madu taarabada, miyaamna saahar saahardagi khongna ebungngogi tung enjare.
14 Amasung Jesusna laakpada miyaamshingdu uraduna, makhoybu nungshiba poktuna, makhoygi anaaba phahanbire.
15 Adudagi numidaang-waai oirabada, sebokshingna ebungngogi maphamda laaktuna haayjarak-e, maasi achikpa maphamni, matamsu houkhre; miyaam asi khun khunda chattuna makhoygi damak chaanaba leijarunanaba thaabikhro.
16 Touegumsung Jesusna makhoyda haay, makhoyna chatthokpa kaannade; nakhoyna makhoyda chaanaba piyu.
17 Amasung makhoyna ebungngoda haayjarak-e, eikhoygi tandum mangaa amasung nga ani nattana asida karisu leijade.
18 Aduda Ebungngona haay, asida madu eingonda purak-u.
19 Aduga Ebungngona miyaam adubu naapi mathakta phammu haayduna yaathang piraga, tandum mangaa amasung nga ani adu loure, aduga swargada yengkhattuna bor pibire, amasung thugaayduna talshing adu sebokshingda piraga, sebokshingna madu miyaamda pirammi.
20 Amasung makhoy pumnamakna chaaduna mapuk thalle, aduga makhoyna aremba machet-makaay adu khun-gatpada thummuk taraanithoi thalli.
21 Aduga chaaba makhoy adu nupi angaang thaadana nupaa 5,000 rom oirammi.
Jesusna eeshing mathakta khongna chatpa
( Mark 6.45-52; John 6.15-21 )
22 Amasung khudak aduda Ebungngona miyaam adubu thaadokkhridiphaoba ebungngogi sebokshingbu hi tongduna maang thaana waangmada chathallammi.
23 Adudagi Ebungngona miyaam adubu thaadokkhraga, haayjana-naba chingda tongaanna kaakhatkhre; amasung numidaang-waai oiraklabada, mapham aduda ebungngo matomta mangaairammi.
24 Touegumsung hi adu matam aduda eethatna waahanduna kangphaandagi yaamna laapna leirammi, maramdi nungshit maayoknarammi.
25 Anganba ayukki pung 4 taaba aduwaida Jesusna eeshing mathakta makhongna chattuna makhoy taanna laak-e.
26 Sebokshingna Ebungngona eeshing mathakta makhongna chatpa ubada paakhattuna haayrak-e, maasi tamnaba laaini, amasung kiduna makhoyna laaorak-e.
27 Touegumsung Jesusna khudak aduda makhoyda haayrak-e, pukning lumna leiyu; eini kiganu. 28 Aduda Peterna ebungngoda khumlammi, Eeshor, ebungngo oirabadi, ebungngogi maphamda eina eeshing mathakta laaknaba yaathang pibiyu.
29 Ebungngona haay, laak-u. Amasung Peterna hidagi kumtharaga, eeshing mathakta khongna chattuna Jesusda laaklammi.
30 Touegumsung mahaakna nungshit adu ubada kirammi, amasung luppa hourakladuna, Eeshor, eibu kanbiyu, haayna laaorak-e.
31 Khudak aduda Jesusna khut tingthoktuna phaaraga maangonda haay, he thaajaphaattaba kari maramdagi nangna chingnabage?
32 Amasung makhoyna hida kaakhatlaba matamda nungshit adu lepkhre.
33 Aduga hinungda leiba makhoy aduna ebungngobu khurumjaduna haayjarak-e, achumbamak, ebungngo nahaak Eeshorgi machaanupani.
34 Adudagi makhoyna laanthokkhiduna Gennesaretki lamdamda laakle.
35 Aduga mapham adugi mishingna ebungngobu khanglabada lam adugi akoybada leiba mapham pumnamakta paao thaakhiduna, anaaba pumnamak ebungngoda pujarakle;
36 Amasung makhoyna ebungngogi phiji adu shokpata shokchanaba ebungngoda haayjarammi; aduna shokchaba makheibu pumpha phahanbire.