Psalm 148

Malem shinba thungna Mapubu khurumnaba kouba

1 Eeshorgi mingkhei sollasi nongmadonda leiribashing nongmadondagi Eeshorbu thaagatlu.

2 Nongmadonda leiriba laanmishing, nongmadonda leiriba dutshing, ebungngobu thaagatlu.

3 Numit amadi thaa, ebungngobu thaagatlu ngaalliba thawaan-michakshing ebungngobu thaagatlu.

4 Wanglaba nongmadon, ebungngobu thaagatlu, nongmadonda leiriba eeshing, ebungngobu thaagatlu.

5 Makhoy pumbaa tinnaduna Eeshorgi mingkhei sollusanu. Ebungngogi yawaatana pumnamaksi shemkhibani.

6 Matam leiba khibikki oinaa ebungngogi yaathangtana pumnamaksi maagi maagi maphamda lepkhibani. Amasung makhoyna ebungngogi yaathang hiktokpa ngamde.

7 Malemdagisu ebungngobu thaagatlu epaakta leiriba hingba amadi eronnungda leiriba jibaashing, Eeshorbu thaagatlu.

8 Nongthaang, len, un amadi leichi, ebungngogi yaathang elliba akanba nungshit, nakhoy loynaba tinnaduna Eeshorbu thaagatlu.

9 Chingum amadi chingjaao, uhei paambishing amadi umang wamang,

10 Lamlak amadi yumda leiba shaashing, mapukna shittuna chatpa amadi uchekshing, nakhoy loina tinnaduna Eeshorbu thaagatlu.

11 Ningthoushing, mipum khuding, ningthou machaashing amadi atei leibaak ngaakpashing, ebungngobu thaagatlu.

12 Nupi machaashing amadi nahashing, ahanshing amadi angaang loynabasu ebungngobu thaagatlu.

13 Pumnamak tinnaduna Eeshorgi mingkhei sollasanu, malamsida ebungngogi mingkheidagi henna chaaoba leite, ebungngogi matik mayaaidu nongmadon amadi maalemdagi helli.

14 Ebungngogi mishingdu Ebungngona paanggal happi, asumna ebungngogi mishingna ebungngobu thaagatkani, Israelgi mishingdu Ebungngona asukki matik nungshijei. Eeshorgi mingkhei sollasi.