Leviticus 12
Yumsengba
12 Ishor-na Mosesda hairammi, 2 "Israelgi mishingda haiyu: Kanagumba nupi amana mironduna angang nupa ama poklabadi, numit taretni soknaba yaroi. Thagi khongchat lakpa matamda soknaba yadaba adugumna mangi haina lougani. 3 Nipalni suba numitta angangdugi maton-gi un kakkadabani. 4 Numit kunthrahumdoini chupna nupiduna chabokshangda leigadabani. Hairiba matamsigi manungda mahakna asengba pot amatta sokpa yaroi. Masa sengdoktriba phaoba ningnashangda lakpasu yaroi. 5 Karigumba nupiduna angang nupi ama poklabadi mahak chayon ani manggani. Thagi khongchat lakpada soknaba yadaba adugumna mahak numit humphutarukni suraba matungda sengdokkadabani.
6 Angang nupa nattraga nupi oirabasu angangdubu poklabadi, mathakta haikhibasigumna sengdokpagi matam loirabada mitinshangda purohitki manakta chagi ama suraba yao ama meida thaduna touba thougi potlam oina aduga yumda yokpa khunu nattraga lamkhuna ama ayon-aran-gi thou oina katkadabani. 7 Ishor-gi mangda masibu katlaga nupidugidamak ayon-aran-gi thou tougadabani. Masi touraba matungda chabokpa matamda nupidudagi tarakpa eeduna mahakpu manghallambadu sengle haina lougani. Angang nupa nattraga nupi pokpi nupisingna ingadouba pathaptu asini. 8 Karigumba mahakna yao ama katpa ngamdaba thoklabadi, yumda yokpa khunu ani nattraga lamkhunu ani katkadabani. Amana meida thaduna katpa thougi aduga atoppa amana ayon-aran-gi thou oina katthokkadabani. Purohituna nupidugidamak ayon-aran-gi thou touthokpiraba matungda mahak sengle haina lougani.