Amos 6

Israelgi athoiba

1 Zionda tingli yaangliduna ningaidana leijariba mishing Samariagi loibi chingshaangda thupchaaduna thawaay kanjanaba khanjabashing, prithibida makok oinaa shingthaaraba jaatishinggi marakta ahaanba pham yajariba Israelgi emung manunggi mishinggi mathakta awaabanida.

2 Calneh haayna kouba lamduda khodoi hunduna mityeng tajarucho. Maphamdudagi Hamath haayna kouba ngamkhei leitana chaaoba maphamduda chatchou. Maphamsidagi amuk Philistishinggi Gath haayna kouba maphamduda khongdajaru. Haayriba lamshingsina nakhoygi lamdagi henna phabra? Nattraga makhoygi lamshingna nakhoygi lamdagi henna chaaobra?

3 Phattaba numitpu thaapna thaktoktuna mang takpagi phambeibu nakna pujaraklibashing.

4 Saamu mayaana haktuna shaaba phamungda yatajaduna, khong khut tingthoktuna ningaidana awaa potthokchari bashing, yaao shanggulaktagi masha noiraba yaaoshing, san shanggulaktagi lamcha charibashinggi mathakta awaabanida.

5 Pere shingagi khoithumnaba khonjenga loynanaa tande mande nonglennabagidamak eshei shakcharibashing, Davidki matougum Makhoygi damak eshei shakpada khongnnaba jantra makhal mathel sajaribashinggi mathaktasu awaabanida.

6 Joseph tribeki mang taklaklibashingdudadi thoina mipairudabashing, ahoinadum phajaraba tenggotta angur mahi heiduna thakliba, Khwaaidagi mamal yaamlaba manam nungshiba thao, hakchaang thungna teija noijaribashinggi mathakta awaabanida.

7 Adunu houjikti mathakta haaykhribashingsina maram oiduna eina makhoybu loi chatkadaba mishinggi marakta ehaan haanna chaathan-gani. Makhoyna haayningngai leitana nungaaijabasu ngamnamak leichin takpagum eina maanghan-gani.

8 Laanmishinggi mabungngo Eeshor mashaamakna asumna shonduna taakpiri madudi Jacobki napal toubadu ei yaamna tukkachei. Tukkachei eina maagi laanbangi palidu. Maramshing asina eina mahaakki saahar amadi mishing loina lamlaanba yeknabashinggi khutta pithokkani.

9 Karigumba yum amada munu taaibang mi taraa hinghourabasu ngamnamak shigani.

10 Makhoy amaang yaaithong kumhan-gani. Kanaagumba nupaa amanaa siraga nipadugi mari matasu thokpanipaduna ashibadugi sharu khunnabagidamak emung manungdagi ashibadubu puthoklakkani. ashibaa leiramliba yumdugi manung hanjinba kachinda lottuna leiramliba kanaagumba nupaa amada nangga loynanaa kanaagumba leiribra haayna paaohn-gani. maduda manaa khumlakkani madudi natte, eigaa loynanaa kanaasu leite. Adudagi khambi mei churiba mahaakna haaygani, "tumin leiyu. Eikhoyna Eeshorgi shengthoiraba minglendu solloidabani. "

11 "maramsina chekshinjou achoba sanaa sang-gaidu machet machet thugaaygani, aduga apikpaduna sunu shaaba makhei noikhaaigani haayna Eeshorna sanaa-yaathang taothabikhre."

12 Yaangoy shagolna thoudu nungpakta khrup thaaba ngambra? kanaana samok paayduna aruba erenbu khoinabage? Mathak makha onnana nakhoyna achumbadu hu oihalle. Dharmagi maheibu nongmakhanggum khahalle.

13 Mahaao leitba potta pukning thingjinduna, eikhoygi epaanggal ethounana yaaip-ha nungaai phangjaba nattra haayjariba nakhoy chekshinjou. Maramdi "he Israelgi emung manung, nakhoygi mayokta leinanaba eina mi kaanglup amaa shemgatkani haayna laanmishinggi mabungngo, Eeshorna taakpiri. Asidagi hendokna eina shemgatkadouriba mishingna nakhoybu Hamathki kharai thonggaldudagi Arabahgi tureldu taanna lisang sitna ot neiduna pugani haayna taakpiri.