Isaiah 7
Ningthou Ahazda piba paaojel
1 Judahgi ningthou Uzziahna pokpaa Jothamgi machaanupa Ahazna pallingei matamda Syriagi ningthou Rezin, Israelgi ningthou Remaliahgi machaanupa Pekah anisina Jerusalemda laandarakkhi. Makhoyna maasibu joy toubadi ngamkhide.
2 Davidki emung manungda "Syriaga Ephraimshinga Jukti tounakhre." haayba paaosi taaba matamda ningthougi thamoi amadi mishinggi thamoidu nonglei nungshitki mamaangda haay humna khangbagum leipham khangkhide.
3 Matangduda Eeshorna Isaiahda haayrammi, "nachaa-nupaa Sear Jashubka chatlaga dhobishinggi loubukki nakanda, mathak thangba lamda leiba pukhridugi siridu taanna chatlaga Ahazbu unou.
4 Maangonda haayyu" Nathawaay changna taao. Kiba touganu. Mei yaaodana meichaakpa sariba ngamkhei leitana shaaoriba Rezin amadi Syriashing aduga Remaliahgi machaa khoidubu kiduna thamoi kaiba touganu.
5 Syriashing, Ephraim amadi Remaliahgi machaanupana tanduna nahaakki mayokta Jukti touduna phattaba touge haayna laanglabasu kiganu. Makhoyna haayri.
6 "Judahgi mayokta eikhoy laandarurasi aduga maasibu kihansi. Maasibu joy touduna Tabilgi machaanupadubu ningthou oinaa hapsi."
7 Eeshorna asumna taakpiri, madu keidoungeidasu oithokloi.
8 Syriagi makokti Damascusni, Damascuski makokna Rezinni. Adubu chahi 65 gi manungda Israel machet machet taagani. Mahaakpu jaat amani haayna kouraroi.
9 Ephraimgi makokna Samariana oi, Samariagi makokna Remaliahgi machaanupana oi. Karigumba nahaakna maasibu thaajadrabadi nahaak leitaana paanba ngamloi."
Immanuel pokpagi laaibao
10 Amukka haanna Eeshorna Ahazda paao thara klammi.
11 "Nahaakki napuroi Eeshordagi areppa khudam amaa nijou. madu asithengumna luba yaai nattraga nongmadon-gumna waangba yaai."
12 Maduda Ahazna haayrammi, "eina asigumba waahangdu hangloi. Eina Eeshorbu changyeng toujaroi."
13 Isaiahna haayrak-e, "phare, adu oirabadi he Davidki chada, taro pukning changna. Nahaakna taaibangmibu tinnabada chokthaba poktra? Masigumna Mapu oiriba ebungngo busu ngaiba ngamdre haaygadra?
14 Maramsina Eeshor mashaamakna khudam amaa pigani: "yeng-u, leishaabi amanaa mironduna angaang nupaa amaa pokkani. Mahaakki maming Immanuel kougani.
15 Mahaakna aphaba amadi phattaba mashak khanglakpadagi houna shanggom mapaan amadi khoihi chaagani aduga thakkani.
16 Haayriba angaangsina aphaba amadi phattaba mashak khangdringeida nahaakna kiriba ningthou anisibu maanghan-gani.
17 Eeshorna nahaakki nathakta, nahaakki mishinggi mathakta, amadi nahaakki napaa napugi emung manungda Ephraimna Judahdagi khaaydokkhiba numittudagi amukta thokkhidriba thoudok kayaa thok-hangadouri."
18 Adugumba numittuda Eeshorna Egyptki turelgi marudagi hayingshing thok-han-gani. Assyriagi ningthoubu laandahangadouri. Kouthokkani Eeshorna Assyriagi lamda leiriba hayingkhoishingdu.
19 Haayribashingsina pairaktuna aruba lokchapta makon shaaduna leigani. Chinggi shurungshingda, narak mongsongda, aduga sanjabungshingda pakna chaaona shaandokkani.
20 Matamduda, Eeshorna Assyriagi ningthoudu khudongthihanduna awa- ana kaya phanggani. Eeshorna Euphrate turen waangmadagi shaam kaknaba katigumna, tuhao phannaba bladekumna laakkani.
21 Adugumba numittuda nupaa amanaa saanbi amaaga haameng anikhaktaga loirabasu
22 Shanggom mapaann naaidana piba maramna mahaakna shanggom aphamba chaagani. Leibaaksida leihouriba mi pumnamak makhan amadi khoihi chaagani.
23 Adugumba numittuda silver shekels lishing lishingna mamal oiraba angur engkhon lishing kayaa naapi amadi tingkhang houba mapham oihan-gani.
24 Maphamduda mishingna lirung amadi ten paidung laakkani maramdi maalem pumbaa naapi amadi tingkhangna shinba thungani.
25 Chingda gyaanti paayduna touraga shemkhraba maphamshingduda naapi amadi tingkhang yaamna houba maramna kiduna changba ngamloi. Haayriba maphamshingsida shaa-san aduga yaao senpham oinagani."