1 Corinthians 8
Lailatpasinggi iratpot amasung achum aran khangnaba pukning solliba thajabasing
8 Amahiksung lai murtida katlurabe potki maramdi: eikhoi pumnamakki khangba lei haiba eikhoina khangi. khangbana chaothokhalli, adubu nungsibana semgatli. 2 Kana gumba mina karigumba khangi haina ningjarabadi, mahakna khanggadabagum khangdri. 3 Touigumsung kanagumba mina Ishorbu nungsirabadi, mahakpu Ibungo mahakna khangi. 4 Maram aduna lai murtida katluraba pot chabagi maramdadi, lai murtidi taibangpanda karisu natte, amasung Ishor ama nattana atei leite haiba eikhoina khangi. 5 Maramdi sargada nattraga prithibida lai koubasing adu leirabasu asigunma lai yamna aduga mapu yamna leiri. 6 Adum oinamakpu eikhoidadi Ishor ama, haibadi ipa adu, lei; Ibungo mangondagi pot pumnamak ioi oi aduga eikhoi Ibungo mahakki damakni; amasung Prabhu ama, haibadi Jesus Christa adu, lei; Ibungogi mapanna pot pumnamaksu eikhoisu oiri.
7 Adubu khangba adu mi pumnamakta leite. Touigumsungiana kana kanagumbadi houjik phaoba mahousana lai murti latlakpagi wakhal leibana lai murtida katluraba potkumna chari; amasung makhoigi achum-aram khangnaba pukning sonbanina senghande. 8 Touigumsung chanaba potna eikhoibu Ishorda naksinhanba natte. Eikhoina chadraga henna phattaba natte, charagasu henna phaba natte.
9 Adubu nakhoigi touba ngamba asina asonbasingda khudi thinaba oirakpa yai haiduna cheksillu. 10 Maramdi lai murtigi shangda chanaba phamliba akhangba nangbu kanagumbana urabadi, asonba oiriba mahak adugi achum-aran khangnaba pukningbu lai murtida katluraba pot chananaba thouna phahalloidra? 11 Maramdi nahakki khangbana Christana mahakki mahutta sibiba, asonba nachin nanao adubu manghallabani. 12 Aduga asumna nachin nanaosinggi mathakta pap touduna amasung makhoigi solliba achum-aran khangnaba pukningbu sokhanduna, nakhoina Christagi mathakta pap toui. 13 Maram adugi damak chanaba potna eigi ichin inaobu khudi thihallabadi, eigi ichin inaobu khudi thihandananaba, ei amuk hanna sha supcha charoi.