2 Samuel 4

Isbosethpu haatpa

1 Saulgi machaanupa Isbosethna Abner Hebronda shire haayba paaosi taabada thoidokna mapukning hanthakhi. Israelda leiriba miyaamdusu mapukning laangtaknakhi.

2 Saulgi machaanupagi laanmishinggi luchingba ani leirammi. Amagi mamingna Baanah aduga atoppa amagi mamingna Beerothta leiba Benjamin shaageigi Rimmongi machaanupa Rekab oirammi. (Beeroth Benjamingi kaanglupni haayna lounarammi.)

3 Beerothta leibashingna Gittaimda chenkhi aduga houjik phaaoba makhoy maphamduda leiri.

4 Saulgi machaanupa Jonathangi makhong shoyba machaanupa amaa leirammi. Jezreeldagi Saul amadi Jonathangi paao laakpa matamda mahaak chahi mangaa shurammi. Mahaakki khominbi nupiduna mahaakpu tuminna puduna chenkhi. Mahaakna thuna chenbaduda angaangdu taaduna makhong tekkhibani. Mahaakki maming Mephiboseth kourammi.

5 Isbosethna numit yungba matamda potthaaduna leiringeida Beerothki Rimmongi machaanupa Rekab amadi Baanah anisi Isbosethki manaakta laaklammi.

6 Matamsida thongshangbaduna gehu manduna leirammi. Matamsida uisu uirammi. Maramsina Rekab amadi manaaonupa Baanah anina tuminna konungda litsinkhirammi.

7 Isbosethna phamung kaada tumduna leiringaida makhoyna mahaakpu haatkhi. Haatlaba matungda makok kakhi. Mahaakki makoktu puraduna Arabahgi lambida ahing chuppa chatlammi.

8 Makhoyna Hebron taanna laaklaga Isbosethki makoktu Davidki maphamda purakkhi. Makhoyna ningthouda haaykhi, "nahaakki yeknaba Isbosethki makoktu asida leire. Mahaakna ningthoubu haatningkhi. Adubu Eeshorna Saul amadi mahaakki machaashinggi mathakta eningthougidamak laman khumbire."

9 Davidna paaoukhumlammi, "eibu awaa-anaa kayaadagi kanbikhiba Eeshorna saakhi oibisanu. 10 Kanaagumba nupaa amada Saul shire haayduna tamge laakpa matamda aphaba paao tamlugadouribani khankhi. Adubu eina mahaakpu phaaraga Ziklagta haatkhi. Mahaakna purakpa nungaaiba paaogi maheidu asumna hanbikhi.

11 Adu oirabadi phattabashingna maraal leitba nupaa amabu tumlingeida mayummaktada ee taahankhibagi mahei oinaa nakhoybu eina maalemsida thamkhigadra?

12 Davidna mapaanggal kallaba nahashingda yaathang touraba matungda makhoy anibu haatkhi. Makhong makhut kaktuna makhoybu Hebrongi pukhri achoubadugi mapaanda yaanduna thamkhi. Makhoyna Isbosethki makoktu puraga Hebronda leiriba Abnerbu phumliba maphamdugi manaakta phumkhi.

2 Samuel 5

Israel amadi Judah animakki ningthou Davidna oirakpa

(1 Miron 11:1-9:1-7)

1 Matamduda Israelgi jaat khudingmakna Davidki manaak taanna Hebronda laaklaga haayrammi, "eikhoi nahaakki eeni.

2 Houkhiba matamda Saulna ningthou oinaa pallingei matamdasu Israelgi mishingbu nahaakna luchingduna laanpham kayaada laanthengnakhi. Matamduda Eeshorna ebungngogi mishingsibu nahaakki nakhutta shinnakhi.

3 Maramsina Israelgi luchingba pumnamakna Hebronda leiriba ningthou Davidki maphamda laaklammi. Mahaakna makhoyga yaanaba amaa puraktuna miyaamduna Davidpu ningthou oinaba thaao noikhi. Matou asumna Davidna Israelgi ningthou oikhi.

4 Ningthou oiba matamda David chahi kunthra shurammi, ningthou oinaa chahi niphu paankhi.

5 Hebronda Judahgi ningthou chahi taret thaa taruk paallammi. Jerusalemda Israel amadi Judahgi ningthou oinaa chahi niphuhumdoi paankhi.

6 Jerusalemda leiriba Jebusishinggi mayokta David amadi mahaakki mishingna laandarammi. Makhoyna Davidta haayrammi, “nahaak maphamsida laakpa natik leite. Maphamsidabu laaklabadi mittaangba amadi khongtekpa mina phaaoba nahaakpu taanthokpa ngamgani." makhoyna maasi haayruribagi thoidokpa arthadi David maphamduda laakpa ngamloi haaybani.

7 Adubu Davidna Ziongi laanbandu thugaayrammi. Masigi matungda Zionbu Davidki saahar oinaa shemkhi.

8 Numittuda Davidna haaykhi: "kanaagumba mina Jebusishingbu haatninglabadi eeshing khongsigi marin enduna chatlaga Davidki thamoida tukka chaaraba khongtekpa amadi mittaangbashingdubu haatlu." maramsina asumna haaynakhi: mittaangba amadi khongtekpashingna ningnashangda changba yaade.

9 Davidna laanbandubu thugaayduna maphamdubu Davidki saahar haayna koukhi. Davidna haayriba saaharsibu Millodagi houraduna ekoy koyna shaagatkhi.

10 David nongma nongmagi mapaanggal kankhatpa hen-gatlaklammi. Nongthak nongkha animakki Eeshorna mahaakpu thoujaanbirammi.

11 Tyregi ningthou Hiramna paaochatpa nupaa amaa Davidki manaakta thaarakkhi. Haayriba ningthousina Deodar kouba u, nungshuba amadi ushubanachingba thaaraktuna konung amaa shaagatkhi.

12 Eeshorna Davidpu Israelgi mathakta ningthou amaa oinaa leitaana palhanbire haaybasi David mashaamakna khangkhi. Ebungngogi mi oiriba Israelgi mishinggi mapaandagi mahaakki leibaaktu chaaohanbiribani haaybasisu khangkhi.

13 Hebrondagi Jerusalemda honglaba matungda Davidna konungda thamnaba nupi amadi lamlakta thamnaba nupi kayaamarum loukhi. Maramsina machaanupa amadi nupi kayaamarum pokkhi.

14 Jerusalemda mahaakna pokkhiba machaashingdi: Shammua, Sobab, Nathan, Solomon, 15 Ibhar, Elisua, Nepheg,

16 Elishama, Eliada amadi Elipheletni.

Philistishinggi mathakta laandabada maay paakpa

(1 Miron 14:8-17)

17 Philistishingna Davidpu Israelgi ningthou oinaa haaple haayba paaosi taabada laanmishing khomjinduna mahaakpu phanaba thoklakkhi. Paaosi hek phangbaga Davidna chekshinna khagatlaba laanban taanna chatkhi.

18 Philistishingna laandanabagidamak Rephaimgi tampaaktu taanna laaklammi.

19 Matamsida Davidna Eeshorgi laaibao tajanaba haayjarammi. Mahaakna haayrammi, "Philistishinggi mathakta laandasira?" Ebungngona nanaaibu pangbiduna may paakhanbigadra?

 Eeshorna haayrammi, "hoi, laandau. Eina nahaakpu pangbigani amasung maay paakhanbigani."

20 Maramsina Davidna Baalperazim taanna laanmi puduna chatlaga Philistishingbu maaythiba pikhi. Davidna haayrammi, "eeshing eechaao laakpagi matougumna Eeshorna eigi yeknabashingbu maaythiba pibire." maramsina haayriba maphamsibu Baalperazim koukhi.

21 Philistishingna maaythiduna chenkhiba matamda makhoygi laai murtishingdu hundoklamlaga chenkhi. David amadi mahaakka loynariba mishingduna murtishingdubu khomjinlaga puduna chatkhi.

22 Lansigi matungda Philistishingna Rephaimgi tampaaklomda hankhiduna maphamduda Amukka haanna punshinduna leikhi.

23 Davidna Eeshorgi maphamda laaibao hangjaba matamda asumna taakpikhi: maphamsidagi nahaakna makhoygi mathakta laandaroidoubani adubu laandage haayrabadi manam nungshiraba hidak shemlaba upaanshing houriba adomda koyna laaklaga maaythiba piba ngamgani.

24 Haayriba upaanshingdugi matonda laangi khonjen thorakkani matamduda nakhoy laan changba yaare, maramdi eina nakhoygi naming thaana chatlaga Philistishingbu maaythiba pigani."Eeshorgi yaathang matung ennaa Davidna laan changkhi aduga Philistishingbu Gebadagi houduna Gezer phaaoba taanthokpa ngamkhi.