Numbers 8
Thaaoumei thamba
1 Eeshorna Mosesda haayrammi,
2 Aronda haayyu. Nahaakna thaaoumei tarettu thangatpa matamda mamidu mamaanglomda taahalloidoubani.
3 Eeshorna Mosesda taakpikhiba matung ennaa Aaronna thaaoumeishingdu than-gatpa matamda mamidu mamaanglomda taahankhide.
4 Eeshorna Mosesda taakpikhiba matung ennaa thaaoumei makhongshingdu makhongdagi maton pha oba phudonglaba sanaana yeiduna shaakhibani.
Levishingbu shengdokpiba amadi katthokpiba
5 Eeshorna Mosesda haayrammi,
6 Israelgi mishinggi maraktagi Levishingbu tongaanna khaaidoklaga shengdokkadabani.
7 Nahaakna makhoybu shengdokpa matamda engadouba pathapti asini: ayon araan koknaba eeshingdu makhoyda khikpigadabani. Makhoygi mashaada houriba matushingdu kakkadabani. Maphishingdu sudokkani aduga mashaadu erujathokkani.
8 San-lamcha amaaga mahei maronggi thou oinaa aphaba atada thaao haplaga makhoyna purakkadabani. Nahaaknasu atoppa san-lamcha amaa ayon-araangi thou oinaa katthoknaba thouraang tougadabani.
9 Mitinshaangda Levishingsi pusillaklaga lephan-gadabani. Israelgi miyaamsu thoudoksida yaaohangadabani.
10 Nahaakna Levishingbu Eeshorda Katthokpa matamda Israelgi mishingna makhoygi mathakta khut thambigadabani.
11 Israelgi mishinggi maraktagi Levishingbu athoiba khudon oinaa Aaronna Eeshorda katkadabani maasi paangthoklaba matungda matam leibada makhoyna Eeshorgi seba changba yagani.
12 Masigi matungda Levishingna sanlabadugi makokta khut thambigadabani. San amanaa ayon-araangi thou oinaa atoppa san amaduna meida thaaduna touba thougi potlam oinaa katkadabani. Masina Levishinggi ayon araan pumnamak kokpigani.
13 Aaron amadi machaanupashingna thougan changba matamda Levishingna mateng panghangadabani. Eeshorgi khuyaakhaada Levishingbu athoiba khudon oinaa katkadabani.
14 Asumna Israelgi mishinggi maraktagi Levishingbu tongaanna khaaidoktuna eigi oihangadabani.
15 Makhoybu nahaakna Eingonda katlaba matungda mitinshaangda makhoy seba changba yagani.
16 Makhoygi thawaay hakchaang animak Eigini. Israelgi ehaan haanba pokpashinggi mahuttu makhoyna sillabani.
17 Israelgi manungda mi oirabasu shaa oirabasu ahaanba pokpadu Eigini. Egyptta ehaan haanna pokpashing haatkhiba numittuda Eina makhoybu eigini haayna loushinkhrabani.
18 Maramsina Esraelgi ehaan haanna pokpashinggi mahuttu Levishingna oirabani.
19 Aaron amadi machaashinggi mateng pangnanaba Levishingbu Eina pirabani. Makhoyna mitinshaangda Israelgi mishinggi mahut shinduna seba changgani. Shonnapunggi phaankhongda nakna changshinba matamda Israelgi mishinggi mathakta taaba yaaba awaabadu makhoyna puragadabani.
20 Eeshorna Mosesda haaybikhiba matung ennaa Moses Aaron amadi Israelgi ahanshingna Levishingbu shengdokpagi thabaksi paangthokkhi.
21 Levishingna ayon araan haaydokcharaba matungda maphi sudokhi. Aaronna Levishingbu Eeshorgi khuyaakhaada athoiba khudon oinaa katkhi. Makhoybu shengdokpinaba ayon-araangi thousu toubikhi.
22 Maasi touraba matungda Aaron amadi machaanupashinggi mateng pangba oinaa Levishingna seba changba houkhi. Eeshorna Levishinggi maramda haaybikhibashingdu makhoyna kaidana paangthokkhi.
23 Eeshorna Mosesda haayrammi.
24 Levishinggi maramda thoidokpa khanggadaba hiramdi: Chahi 25 Surabadi mitinshaangda seba changba yaare.
25 Chahi 50 shubaa matamda sebadagi potthahan-gani.
26 Adubu chahi yaangkhei surabasu mitinshaangda tillamliba mishinggi seba toubadi yaai. Atei thabak toubasu yaai. Ningnashangdadi changlaga seba touba yaaroi. Pathapsi ennaa makhoyda mathou pigadabani.