Jeremiah 43
Jeremiahbu Egyptta puba
1 Makhoygi Eeshorna asumna haayrucho haayba yaathanga loynanaa Eeshorgi yaathangshingdu Jeremiahna makhoyda haayraba matungda
2 Hosaiahgi machaanupa Azariah, Kareahgi machaanupa Johanan amadi thamoi kallabashingduna Jeremiahda laaklaga haayrammi. "Nahaakna minamba waa ngangli. Eikhoygi Eeshorna nahaakpu Egyptta chathankhinu haayrunaba thaarakte.
3 Adubu nahaakna haayriba waashingsi Neriahgi machaanupa Baruchna eikhoybu Chaldeanshinggi makhutta shinnaba natraga Babylonda loi oinaa punnaba ensillibani."
4 Asumna Kareahgi machaanupa Johanan amadi laanmishinggi makok oiribashingduna Eeshorna leibaak thaadokkanu haayna pibirakpa yaathangdu enkhide.
5 Karesgi machaanupa Johanan amadi laanmishinggi makokshingduna atei atei lamda leiruba Judahda leirage haayna hallakpashingduga loynanaa Judahda eremkhak oinaa leihoubashing
6 Nupaa, nupi, angaang, ningthougi maja ebemmashing, Saphan-gi machaanupa Ahikamna pokpaa Gedaliahgi makhutta loisanggi makok Nebuzaradanna thamlambashingdu pukhi. Nebuzaradanna thamlambashingdugi manungda waa taakthokpa Jeremiah aduga Neriahgi machaanupa Baruchsu yaaorammi.
7 Makhoyna Egypt leibaakta Eeshorgi yaathang hiktoktuna laakhi. Makhoy Tahpanhesta thungkhi.
8 Matamduda Eeshorna Jeremiahda Tahpanhesta waa haayraklammi.
9 "Nakhutna phangna nungjaao khara louraga madu Tahpanhesta leiriba Pharaohgi konunggi sannathonggi lambida leiriba bilati matisigi manungda phumduna thammu.
10 Aduga makhoyda haayyu, " Israelgi Eeshor, nongthak nongkha anigi Eeshorna asumna taakpiri: yeng-u, eina mi thaaduna eigi enaai oiriba Babylongi ningthou Nebuchadnezzarbu maphamsida purakkani. Eina lotliba nungshingsigi matonmakta mahaakki shinghasan thahan-gani. Makhoygi mathakta ningthougi phijangdu shaandok-han-gani.
11 Mahaakna Egypt leibaaksi khudum chan-gani. Marai taaduna sisanu haayna tamkhrabashingdu marai taaduna shigani. Loi oinaa chatnaba tamkhibashingduna loi oinaa chatkani. Thanggi mayada chatlu haayna tamkhibashingdu thanggi mayada chatkani.
12 Egypt leibaakki laaishinggi laisangdu mahaakna mei thaagani. Makhoybu meida thaaduna loi oinaa punduna chatkhigani. Yaaoshenbana maphida tin tongba louthokpagumna Egypt leibaaksi shengdokpigani. Maphamsidagi mahaak shaabaao laanbaao tadana engthana hankhigani.
13 Mahaakna Egyptki laai Bathsemeski yumbishingdu thugaayduna Egyptta leiriba laaishinggi laisang pumnamak loina mei thaagani.