Ecclesiastes 4

4 maalemsida ot-neibana thanna leiribasi eina phajanaa ure. yeng-u. Ot-neibirabasingna mamittagi mapi taay. Makhoygi damak kanaasu leite. Ot-neibirabasingdugi makhu-tta sakti lei adugaa makhoygidi kanaasu leite. 2 maasi urubada eina khallammi, asibana hinglibasingdagi henna phei.

3 adubu animaktagi henna phaabadi, phattaba thabak tourudriba adugaa maalemsida phattaba thabak amatta ukhidriba miduni.

 4 Eina khngba ngammi maadudi suri nomliba pumnamak maagi yumlon keironnabasingbu kallakpadagini. Masisu arembani adugaa nungsitpu phaage tannabagu-mbani.

 5 apangbana khudum singi. adugaa masaana masaabu chaay.

 6 Khut ani thoktuna nomba amadi nungsitpu phaage thouraanglubagi mahutta tuminna leibana henna phei.

 7 maalemsida aremba nattana karisu ubaa phangde. 8 kana amatta leijadraba machin manaao adugaa machaa-masu leitraba mi phaaoba thabak subagi areppa leite. maagi leijaba kharaduna mahaak penba ngamde. Kanagidamak awaaba khaangduna eina thabak kanna suriba haayna manaa keidoungeidasu hangde. Masisu arembani adugaa yaamna nungaaitaba waakhalni.

 9 anina amadagi henna phei maramdi asumangi manaa henna phangba helli. 10 Karigumba amanaa turabadi amanaa chingkhatpigani. Awaabadi turaba matamda chingkhatpinaba kanaasu leitraba matomta ngairaba miduni. 11 mi ani yataminnabada lumba helli. Amatta ngairabadi lumba waatra? 12 mi amatta ngairabadi enthuba laibani. adubu ani surabadi mayok yaaba ngambani. Chei ahum punsillaga eraai laaina thudekpa yaadabagumbani.

 13 Ahan oiba amadi apangba ningthoudagi laairaba adugaa asingba nahaa amanaa phaaba helli. ningthoududi paaoutaak louraroi. 14 maabu bandi sangdagi phambaal tonghanbani nattraga maagi leibaak lairare haayrabasu mahaak thaajaba leiroi. 15 maalemsida hiram khuding eina neinarure. nahaa amanaa maagi mapham hekta maroukhi. 16 maagi makhaada leigadaba prajasinggi areppa masing leite. maramsina maagi matungda leirakpa misingna thoina nungaairakpa hende. asengbamak pumnamaksi arembani adugaa nungsitpu phaage tannaba ngaktani.