Nehemiah 5

Laairababu otpiba

5 Matam khara leiraga nupaa amadi nupising houduna Jews kharagi maramda waakat amaa thaanggatlakkhi. 2 makhoyna haayrammi, "eikhoi mi yaamba emungsingni. Hingnanabagidamak eikhoy cheng chaak leitba yaade."

 3 atoppa khara amanaa haayrammi, "eikhoi chara  hendanaba eikhoygi leiriba loubuksing amadi angur engkhonnachingba loina yonba taay."

 4 atoppa mi khara amanaa asumna haayrammi, "eikhoidi ningthougi khaajana pinanabagidamak loubuk amadi angur engkhon thamduna peisa pui." 5 eikhoysu Jewsingni. eikhoygi echaa singsi makhoyna machaa nungsibagum nungsiribani. adubu eikhoygi echaa singsi minaai oinaa yonba taay. eikhoygi echaa nupi kharadi makhoyna mapunsi manghanbikhrabani. eikhoygi loubuk amadi angur engkhondu makhoygi makhutta leikhrabani. Masida eikhoyna kari touba ngamgani."

 6 Makhoygi waakatsi taaba matamda eihaak saaorammi. 7 maramsina thabak kaharadi paaykhatpa taay haayna leplammi. Eina miyaamdugi mathakta leiriba luchingba amadi phamnaaiba-singbu cheiraduna haayrammi, "nakhoyna nachin nanaaosingbu ot-neibiri."

Thoudoksi yengsinnabagidamak miyaamgi oiba mitin amaa koukhi. 8 adugaa haayrammi, "lamlanbasingda yonthokkhraba Jewsingdu hek ngambamakhei eikhoyna handoknaba hotnasi. adubu nachin nanaao oiriba Jewsingsibu nakhoyna leinanaba thouram kayaamarum silli." luchingba-singdu maasi taabada tuminna leirammi adugaa karisu haayba ngamkhide.

9 maramsina eina haayrammi, "nakhoyna touribasi chumde. eikhoygi epuroibu kina ningduna achumbadu tougadoubani. adu oirabadi eikhoygi yeknaba-singna eikhoybu noknabiribasi tokkhigadoubani. 10 eingondagi misingsina peisa amadi mahei marong puduna leiri adugaa eingondagita natte eigi marupsing amadi eigaa loynanaa thabak touriba misingsidagisu louribani. Singdaba yaade haaybasi ngasi toklasi. 11 makhoyda tonkhiba pumnamak kokthoklo. Peisa, mahei marong, angur mahi nattraga chorphon thaonachingba loukhiba pumnamak kokpirasi. Makhoygi loubuk, angur engkhon, Chorphongi heikon amadi mayumnachingba loina hanbikhro." 12 makhoyna haayrammi, "ngasi taariba waarepsi eikhoyna soydana paangthokchaagani. Makhoygi marou masing loina hundoktuna sendonnachngba kokcharage." Purohit kouduna luchingba-singdubu waasakhallammi. 13 maasi loirabada eina khwangyet louthokladuna kanthoklammi amasung haayrammi, "waasaksi ngaktaba midu epuroina phi kanbasinggumna nikthokpigani. "Eina maakha taana haayrammi, "epuroina nayum amadi nakhoygi naran pumbaa louthokkhigani."

 Maphamduda tillibasingduna haayrammi, "amen" adugaa makhoyna Eesor-bu thaagat-charammi. luchingba-singdunasu makhoygi waasaktu ngakkhi.

Nehemiahna oijaba thaadokpa

 14 Chahi taraanithoi chupa Judahda leibaak ngaakpa amaa oinaa thabak touringeida eihaak amadi eigi eri eta phaaobana leibaak ngaakpa amaa oibagi phangpham thokpa mamal yaamlaba pot amaa phaaoba phangkhide. Eina leibaak ngaakpa oinaa thabak touringeida Artaxerxesna ningthou oirammi adugaa mahaakna paanba taraanithoisuba chahidagi kunthraanithoi subaa chahi phaaoba eihaak thabak toukhi. 15 eigi emangda leibaak ngaakpa oirambasingduna miyaambu thoidokna neibirammi adugaa makhoygi chaanaba amadi thaaknabadu leinanaba nongmada silver shekels 40 miyaamna pihallammi. Makhoygi manaai phaaobana misingbu neibirammi. adubu eihaak makhoygumna toukhide maramdi eihaak epuroibu yaamna kina chatlammi. 16 eigi epaanggal erousing pumbana chekpandu khagatpada sijinnarammi adugaa maphamduda eina lamnachingba lousinkhide. eigaa thabak suminnaribasingsina saagatpaduta loynaba tankhi. 17 Numit khuding eina Jew amadi makhoygi luchingba chamyaangkhei chaakkhanglammi. Masigi mathakta thangnabada leiriba leibaaksingdagisu atithi laaklammi. 18 Numit khudinggi mallaba amaaga yaao anoyba taaraga semlammi. Masidasu nattana yen masing khangdana ka klammi. Numit taraani khudinggi anouba yu pinanaba thouraanglammi. miyaamgi awaabadu ubada eina leibaak ngaakpa amaa oibagi phangpham thokpa peisaadu loukhide.

 19 he epuroi, nanaaina miyaamsigi toukhiba pumnamak ningsingbuyu.