Lamentations 2
Jerusalembu dandi piba
1 Eeshorna ashaaobana mangoinaduna Zionbu amaambada kuphankhi. Masigi nungaaiba mapaan naaidabadusu tumna manghankhre. Ebungngona shaaorakpa matamda ebungngogi ningnashang phaaoba manghanbikhi.
2 Judahda leiriba khun khuding Eeshorna manghanbikhi. Judahbu ngakliba laanban phaaoba thugaaybikhi. Ebungngona leibaaksida ekaaiba nanghanbikhi, aduga masigi leibaak ngaakpashingsu ekaaiba nanghanbikhi.
3 Ebungngona shaaorakpa matamda Israelgi mapaanggal louthokpikhi. Yeknaba laakpa matamda Ebungngona tengbangbikhide. Pot khuding manghanbiduna Ebungngona meigi matougumna eikhoybu chakthekpihki.
4 Yeknabagi matougumna Ebungngona eikhoyda ten kapkhi, nungaaiba yaaiphaba pumnamak Ebungngona manghanbikhi. Jerusalemda Ebungngona meigum shaaobadu eikhoyna phaaokhi.
5 Yeknabana toubagumna Eeshoruna Israelbu manghanbire, masigi laanban amadi konung tumna manghanbikhre. Judahgi mishingda loiba naaidraba awaaba thok-hanbire.
6 Eikhoina ebungngobu khurumjariba maphamdu ngamnamak manghanbikhre. Ebungngona ashengba numit shing amadi potthaaba numit muthatpikhre. Ningthou amadi purohit animak ebungngo shaaore haaybasi khangle.
7 Eeshorna phaankhongdu hundokpikhre aduga ningnashangda ebungngo lengshinbidre. Masigi chekpandu yeknabashingna thugaayhankhre, matam amada eikhoyna khurumjaramba maphamdu yeknabana laan-ngambagi nungaaiduna laaopham oire.
8 Ziongi chekpandu ningkhaayhanba haaybasi Eeshorna lepikhrabani. Mapung phaana manghannabagidamak Ebungngona nap thaaduna onkhrabani. Chekpan amadi awaangba yum animak kaayduna taare.
9 Thonggaldu machet machet kaayduna tari, maasida pallamba konthongjeidu machet machet taaduna leire. Ningthou amadi achou-asangshing loida chatkhre. Puyadu taakpikhidre aduga maaichoushingna Eeshordagi laaibao phangkhidre.
10 Jerusalemgi ahanshingna leibaakta phamduna leire tuminna, makhoyna makokta uphul aduga mashaada shegaaiba phi setladuna awaaba khangli. Nahaa oiribi nupishingna leimaayda marai lukthaaduna leiri.
11 Kappatana emitsi khujillakle, ethawaaysi waabagi meirina chaklakle. Eigi mishingna maaythibasida eihaak waaba nattana karisu leitre. Angaang nupishingna laambelda shaangna haithaaduna taaduna leiri.
12 Aram khouraangbagi meishaaduna mamashingbu khutlam toyna kouri, shoknabashinggi matougumna laambelda tuduna makhoyna holli aroiba shor mamaagi tampaakta.
13 He Jerusalem, nungshirabi Jerusalem, eina nanggidamak kari haaygani? Nangbu eina karamna pelhanbigani? Nahaakkum kanaasu awaaba khangkhidri. Nanggi awaabase mapaan naaidraba chaangjou epaakumbani. Hinggatlakpagi asha leitre.
14 Nahaakki maaichoushingna minamba nattana karisu haayningngai leite. Nahaakki narandu phongdoktuna makhoyna keidoungeidasu taakpide. Nahaak naran haaydokpa Darkar oide haayna makhoyna hakjilli.
15 Saaharsibu phaaoduna chatliba mishingna nahaakpu yenglaga cheithangi. Makhoyna makok haayraduna Jerusalemgi mamomloishingdu yenglaga nok-e. "Masibu ningthijaraba phajaraba saahardura? maasibu taaibangsida chaaothokningai oirambadura?"
16 Nahaakki yeknabashingna nahaakpu tukkachabaga loynanaa noknari amadi yengli. Makhoyna machin peiraduna haayri, "eikhoina maasibu manghanbire. Numitsimak eikhoyna yengge haayduna ngaairaklibani. "
17 Eeshoruna thok-han-gani haayna kihanbikhibadu ngasidi thoklare. Matam kuina cheksillu taakpirakpadugi matung ennaa thoujaan erik amaa phaaoba utpa leitana Ebungngona eikhoybu manghanbire. Eikhoygi yeknabashingda Ebungngona eikhoybu taahanbire, masina maram oiduna makhoy haraaori.
18 He Jerusalem, nahaakki chekpandudagi Eeshorda kanbinaba haayjou. Ahing nungthin animakta namittagi taarakpa piduna turelgumna chelhallu. Awaaba khaangduna kappatana nashaaruk oiduna matam lellu.
19 Ahing chuppa mitsen khaangduna Eeshorgi makada haayjou. Nathamoi hongdoktuna nachaashingbu thoujaanbinaba haayjou. Angaangshingna Chaaningai phangdaduna laambelgi kachin khudingda taaduna leiri.
20 He Eeshor, Ebungngona otlibashingduda mityeng tabiyu, nupishingna makhoyna nungshijariba machaashinggi mashaadu charagadra? Ningnashangda purohit amadi maaichoushing hatlagadra?
21 Lambelda nahaa amadi ahanshing siduna tari, nahaa amadi nupishing yeknabashingna thangna kaktuna hatli. Ebungngona shaaorakpa numittuda makhoybu minungsi yaaodana hatpi.
22 Akhannaba chaakkhaangba amaa paangthoknaba Ebungngona khanghanbi, adubu eidi akibana koisille. Ebungngona shaaorakpa numitta kanaasu naanthokpa ngamde. Eigi nungshina yokcharaklaba echaashingdu makhoyna hatli.